സഫ-മര്‍വ

ആര്‍ത്തി തീരാത്ത താരങ്ങള്‍.!

2011-04-24T07:12:00.000-07:00

ക്രിക്കറ്റി ല്‍ ഇന്ത്യ ലോകകപ്പ് നേടിയതില്‍ ഒട്ടു മിക്ക ഇന്ത്യക്കാരും അഭിമാനിക്കുകയും കളിക്കാരെ മനസ്സാ അഭിനന്ദിക്കുകയും ചെയ്തു എന്നത് സത്യം തന്നെ . മറുവശത്ത് പക്ഷെ കോടികണക്കിന് ജനങ്ങളുടെ അകമഴിഞ്ഞ പ്രോത്സാഹനങ്ങളുടെ ഫലം കൂടി യാണ് ഈ വേള്‍ഡ് കപ്പ്‌ നേട്ടമെന്നും സ്വന്തം രാജ്യത്തിന് വേണ്ടിയാണ് കളിച്ചതെന്നും താരങ്ങള്‍ മറന്നു . ..
വാര്‍ത്തയിലേക്ക് :
=====================================================================
ദില്ലി: 28 വര്‍ഷത്തിനുശേഷം ലോകകപ്പ് ക്രിക്കറ്റ് കിരീടം ഇന്ത്യയിലെത്തിച്ച ടീം അംഗങ്ങള്‍ക്ക് അഞ്ചുകോടി രൂപ സമ്മാനമായി നല്‍കണമെന്ന ആവശ്യം ബിസിസിഐ തള്ളി.ജേതാക്കള്‍ക്ക് ഒരു കോടി രൂപവീതം സമ്മാനമായി നല്‍കുമെന്ന് ബിസിസിഐ നേരത്തേ പ്രഖ്യാപിച്ചിരുന്നു. ഇത് പോരെന്നും വിജയം ഉജ്ജ്വലമായതിനാല്‍ത്തന്നെ അഞ്ചുകോടി രൂപവീതം നല്‍കണമെന്നുമായിരുന്നു താരങ്ങള്‍ ആവശ്യപ്പെട്ടത്.
=====================================================================
ന്യൂസ്‌ പുറത്തു വന്ന ഉടനെ സംഖ്യ കൂട്ടില്ലെന്നും സമ്മാനമായി പ്രഖ്യാപിച്ച ഒരു കോടി രൂപ ചെറിയ തുകയല്ല എന്ന് ബി സി സി ഐ ആദ്യം പ്രതികരിച്ചു . പിന്നീട് മാധ്യമങ്ങള്‍ ഇത് കൊണ്ട് പിടിച്ച ചര്‍ച്ച ആക്കിയപ്പോള്‍ രണ്ടു ദിവസത്തിന് ശേഷം താരങ്ങളെ കുറ്റ വിമുക്തമാക്കുന്ന രീതിയില്‍ ബിസിസിഐ നിലപാട് മാറ്റിയെങ്കിലും തുടര്‍ന്ന് സമ്മാന തുക രണ്ടു കോടിയായി വര്ദ്ധിപ്പിക്കുകയും ആയിരുന്നു ..

ഓരോ ദിവസത്തെ മാച്ച് ഫീ ആയും , winners കാഷ് പ്രൈസിലെ വിഹിതവും , പിന്നെ നിരവധി സ്പോണ്സര്‍ ഷിപ്പും ഒക്കെയായി ഓരോ ഇന്ത്യന്‍ കളിക്കാര്‍ക്കും ഏതാണ്ട് പതിനഞ്ചു കോടിക്കടുത്ത് ഈ ലോക കപ്പില്‍ നിന്ന് തന്നെ കിട്ടിയിട്ടുണ്ട് എന്നാണു വിലയിരുത്തപ്പെടുന്നത് . എന്നിട്ടാണ് സന്തോഷ സൂചകമായി ദാനമായി പ്രഖ്യാപിച്ച ഒരു കോടി രൂപ പോര അഞ്ചു കോടി വേണം എന്ന് താരങ്ങള്‍ ആവശ്യപ്പെട്ടിരിക്കുന്നത് ... !

കോടികളുടെ കണക്കിനെക്കാളും ഇതിലുള്ള ഒരു പ്രധാന കാര്യം ദാനം കിട്ടിയതിനു കണക്കു പറഞ്ഞു സ്വയം അപഹാസ്യരായി എന്നതാണ് ? അതും രാജ്യത്തിന് വേണ്ടി കളിച്ചു എന്ന് അവകാശപ്പെടുന്നവര്‍ .. ..!!!

ചുരുങ്ങിയത് ഏതു രാജ്യത്തിന് വേണ്ടിയാണ് ഇവര്‍ കളിച്ചത് എന്നെങ്കിലും ഓര്‍ക്കണമായിരുന്നു ..

1. അറുപതു കോടിയിലധികം ജനങ്ങള്‍ക്ക്‌ കക്കൂസ് പോലുമില്ലാത്ത ഇന്ത്യ മഹാരാജ്യം !

2. . എഴുപത്തി അഞ്ചു ശതമാനത്തോളം പേര്‍ക്കും ഒരു ദിവസം 20 രൂപ പോലും പ്രതിശീര്‍ഷ വരുമാനം ഇല്ലാത്ത ദരിദ്രന്മാരുള്ള ഇന്ത്യ മഹാ രാജ്യം !

3. ഇരുപതു ലക്ഷം കുഞ്ഞുങ്ങള്‍ പ്രതിവര്‍ഷം പോഷകാഹാരം കിട്ടാതെയും പരിചരണവും ചികിത്സയും ഇല്ലാതെയും മരിക്കുന്നുവെന്ന് ലോകാരോഗ്യ സംഘടനതന്നെ പറയുന്ന ഭാരതം !

അങ്ങിനെ എണ്ണിയാല്‍ ഇനിയും ഉണ്ട് വിശേഷങ്ങള്‍ ..അതിനിടയില്‍ വളരെ കുറച്ചു രാജ്യങ്ങള്‍ മാത്രം കളിക്കുന്ന ക്രിക്കെറ്റ് എന്ന നിരന്തര കളിയിലെ വല്ലപ്പോഴും ഉണ്ടാകുന്ന കേമത്തരം ഇത്ര വലിയ സംഭവം ആണോ ? എന്തോ ?വാതു വെപ്പുകാരുടെ പക്ഷം ചേര്‍ന്ന് മാച്ച് ഫിക്സിംഗ് നടത്തിയവര്‍ എന്തു രാജ്യ സ്നേഹികള്‍ ആണ്? ഇന്ത്യയില്‍ ക്രിക്കറ്റില്‍ അല്ലാതെ മറ്റൊരു സ്പോര്‍ട്സ് ലും ഇത്തരം വലിയ മാനക്കേട്‌ ഉണ്ടായിട്ടില്ല ... തെളിവുകള്‍ അടക്കി പലരും പ്രതിക്കൂട്ടില്‍ കയറിയതാണ് ..! എന്നിട്ടും നമ്മള്‍ അതൊക്കെ മറക്കുന്നു ..??!

പ്രിയപ്പെട്ട ക്രിക്കറ്റ് കളിക്കാരാ ...... താങ്കള്‍ക്കു ക്യൂബന്‍ ബോക്സിംഗ് ഇതിഹാസ താരം Stevenson നെ അറിയുമോ.... ?
തന്റെ രാജ്യത്തിന്റെ തീരുമാനത്തിന് ഒപ്പം നിന്നാല്‍ അടുത്ത തവണ ഒളിമ്പിക്സ് മത്സരിക്കാന്‍ പറ്റില്ലെന്ന എന്ന ഘട്ടം വന്നപ്പോള്‍ ഒരുപാട് സാമ്പത്തിക നേട്ടം നഷ്ടപ്പെടാന്‍ ഇടയുള്ള ആ തീരുമാനത്തെ ക്കുറിച്ച് ചോദിച്ചപ്പോള്‍ അദ്ദേഹം പുല്ലു പോലെ പ്രതികരിച്ചത് ഓരോ ഇന്ത്യന്‍ കളിക്കാരന്റെയും ഗേറ്റില്‍ എഴുതി തൂക്കേണ്ടതാണ് ...

Stevenson പറഞ്ഞു . "Why do I need 5 million dollars, when I have the love of 11 million Cubans?" ... ( "കോടിക്കണക്കിനു നാട്ടുകാരുടെ സ്നേഹത്തിനു മുന്‍പില്‍ ഡോളറുകള്‍ക്ക് എന്ത് വില?" )

ആരെയാണ് നമ്മള്‍ കാത്തിരിക്കുന്നത് ..?

2011-04-18T07:05:00.000-07:00

നമുക്ക് പ്രതാപികളാം കേന്ദ്ര മന്ത്രിമാരുണ്ടത്രേ...!
പോരാടുന്ന യുവജന സംഘടനകളും ..?

ജീവച്ഛവങ്ങളാം പിഞ്ചു പൈതങ്ങള്‍
ഗര്‍ഭം ധരിക്കാന്‍ ഭയക്കുന്ന അമ്മമാര്‍ ;
ഇലെക്ഷന്‍ കാലത്തെ ചര്‍ച്ചയില്‍ നിന്ന്
നമ്മള്‍ പടിയിറക്കി വിട്ടവര്‍
ഇവര്‍ക്കായി പൊഴിക്കാന്‍
കണ്ണുനീരില്ല ഒരുത്തനും !!!

അണ്ണാ ഹസാര യുവത്വത്തിനു ആവേശമാണ് പോലും
പക്ഷെ കണ്മുന്പിലെ അനീതിക്കെതിരില്‍
ആലസ്യം നടിച്ചുറങ്ങുന്നു നമ്മള്‍ ?
ഒക്കെ അറിഞ്ഞിട്ടും ,കണ്ടു കൊണ്ടിരിക്കിലും
തുടരണോ ഈ പിഞ്ചു കുരുതികള്‍ ഇനിയും?

അണി ചേരുക, ശക്തി തെളിയിക്കുക
കക്ഷി രാഷ്ട്രീയത്തിനുമപ്പുറമൊന്നായി
കൈ കോര്‍ക്കുക , ഹൃത്തടം ചേര്‍ക്കുക
തകര്‍ത്തെറിയുക ; നാടിന്‍ അന്തകരെ

===================================================================

BAN ENDOSULFAN !... SUPPORT VICTIMS !

സ്റ്റോക്ക് ഹോം കണ്‍ വെന്ഷനില്‍ എന്‍ഡോസള്‍ഫാന്‍ നിരോധിക്കാന്‍ ഇന്ത്യ നിലപാടെടുക്കുക ! !!!

===================================================================

എന്‍ഡോസള്‍ഫാന്‍ നിരോധിച്ച എണ്‍പതോളം ലോക രാജ്യങ്ങളില്‍ കൃഷി നടക്കുന്നില്ലേ ? ..ഓസ്ട്രേലിയയില്‍ എന്‍ഡോസള്‍ഫാന്‍ തളിച്ച സ്ഥലത്തെ ജലാശയങ്ങളിലെ മത്സങ്ങള്‍ ഇരട്ട തലകളോടെ ജനിച്ചത്‌ കൊണ്ടാണ് അവിടെ അവര്‍ പരിശോധനക്ക് ശേഷം ഇത് നിരോധിച്ചത് ..ഇവിടെ കാസര്‍കോട്ട് വികൃത രൂപികളായി മനുഷ്യന്‍ ജനിച്ചാലും ആര്‍ക്കും ഒരു പ്രശ്നവും ഇല്ല ..ആസ്ട്രേലിയന്‍ മത്സങ്ങളുടെ വില ഇന്ത്യന്‍ ജനതക്കുണ്ടോ ????

വീണ്ടും ചില മീറ്റ് കാര്യങ്ങള്‍

2011-04-17T01:13:00.001-07:00

കൂടിച്ചേരലുകള്‍ എപ്പോഴും സന്തോഷകരമാണ് ..അതും അക്ഷരങ്ങളിലൂടെ മാത്രം പരിചയമുള്ളവര്‍ മറ്റു താല്പര്യങ്ങള്‍ ഒന്നുമില്ലാതെ ഒത്തു ചേരുമ്പോള്‍ .. ഇത്തരം ഒന്ന് ചേരലുകളും പരിചയപ്പെടലുകളും പരസ്പരം പോസിറ്റീവ് എനെര്‍ജി കൈമാറ്റം ചെയ്യപ്പെടുന്നുണ്ടെന്നു പറയാതെ വയ്യ.....പ്രത്യേകിച്ച് പലപ്പോഴും മാനസികമായ ഒറ്റപ്പെടല്‍ അനുഭവപ്പെട്ടേക്കാവുന്ന പ്രവാസ ലോകത്ത്

ആകസ്മികമായി കൂട്ടി മുട്ടിയ അരുവികള്‍ ഒരു വേള ചെറു പുഴയായി ഒന്നിച്ചു ഒഴുകാറുണ്ട്‌ കുറെ ദൂരമെങ്കിലും . അങ്ങിനെ സൗഹൃദവും അക്ഷരവും ഇഴചേര്‍ന്ന നന്മയുടെ ഒരു പുഴ ഇവിടെ നിന്നും ഒഴുകി തുടങ്ങുന്നു..

കൂടുതല്‍ പറയുന്നില്ല .. ചില നിമിഷങ്ങള്‍ ചിത്രങ്ങളായി പുനര്‍ ജനിക്കട്ടെ ..!

ആരെങ്കിലും വരുമായിരിക്കും ..? -പ്രതീക്ഷയോടെ 'ബാനര്‍'ജി കാത്തിരുന്നു -
==========================================================

ശോ! കാശെടുക്കാന്‍ മറന്നു പോയി .. - registration സമയത്ത് കീശ മലര്‍ത്തി കാണിച്ചു ഇസഹാക്ക്-
==========================================================

മലയാള ബ്ലോഗ്ഗിന്റെ ഭാവി ഈ കൈകളില്‍ ശോഭന :) -ഒരു സ്ട്രൈറ്റ് വ്യൂ -
==========================================================

കൂലംകഷമായ ചര്‍ച്ചയില്‍ - ഹെലികോപ്ടറില്‍ നിന്നും എടുത്തത്‌ -
==========================================================

പപ്പടം മറന്നതല്ല ..പായസത്തിന്റെ കൂടെ കഴിക്കാം ന്നെ ..-വിളമ്പുന്നതിനിടയില്‍ ആര്‍ദ്ര ആസാദ് -
==========================================================

ഈറ്റ് മാത്രമല്ല , അല്പം കാര്യങ്ങളും ഉണ്ട് ...- പ്രോജെക്ടര്‍ സ്ക്രീനിനു നിന്നും മാന്ത്രികന്‍മുതുകാടിനെ പ്പോലെ ഇറങ്ങി വരുന്നു റഫീക്ക് പന്നിയങ്കര-
==========================================================

ചായ കുടിച്ചും പഴം പൊരിയെ മറക്കാതെയും ഇടവേളകളിലും തുടരുന്ന ചര്‍ച്ച.

-ഇടത്ത് നിന്നും സുനില്‍ , പാവപ്പെട്ടവന്‍, നജിം കൊച്ചുകലുങ്ക് , ബ്ലോഗ്ഗര്‍ കമ്പര്‍ ,നൗഷാദ് കിളിമാനൂര്‍-
====================================================

-ബ്ലോഗ്‌ ചര്‍ച്ചകളില്‍ എന്ന പോലെ, കുനിയാതെ മധ്യത്തില്‍ നില്‍ക്കുന്നു നൗഷാദ് കുനിയില്‍- ===================================================

ശക്തമായ ഇടപെടലുകള്‍, അല്ല പിന്നെ !... -സംസാരിക്കുന്നത് അബ്ദുല്‍ ഗഫൂര്‍ , തുടര്‍ന്ന് ആര്‍ദ്ര ആസാദ് , ബ്ലോഗ്ഗര്‍ ബീമാപള്ളി, കബീര്‍ കണിയാപുരം-
==========================================================

എനിക്കും ചിലത് പങ്കു വെക്കുവാനുണ്ട് ... -ഇടത്ത് നിന്നും സ്കെച്ച് 2സ്കെച്ച് ,കമ്പര്‍ , ആസാദ് , റാംജി പട്ടേപ്പാടം
==========================================================

ഈ ചിത്രത്തില്‍ ഞാന്‍ ഉണ്ട് ... ക്ലൂ തരാം ... ഇടത്ത് കൈ കൊണ്ട് ചുകപ്പു കസേര ചേര്‍ത്ത് പിടിച്ചു :) , കള്ളന്മാര്‍... കണ്ടു പിടിച്ചു അല്ലെ ..? ( തൊട്ടടുത്ത്‌ നില്‍ക്കുന്നത് അബ്ബാസ് നസീര്‍‍)
==========================================================

അറ്റം മുതല്‍ അറ്റം വരെ- കല്പകഞ്ചേരി ക്രോണിക്കിള്‍സ് സലാം , മറ്റേ അറ്റത്തു സബീന എം സാലി-

==========================================================

ശോ...! സമയം പോയതറിഞ്ഞില്ല ..മീറ്റ് തീര്‍ന്നു !.... എന്തായാലും ഓര്‍മ്മക്കായി ഇത് കൊണ്ട് പോകാം -ബാനര്‍ജിയെ ശ്രദ്ധാപൂര്‍വ്വം അഴിച്ചു (അടിച്ചു ) മാറ്റുന്ന കബീര്‍ :) -
==========================================================

ഡേയ് ....വീട്ടി പോടെയ് .. ബാക്കി അടുത്ത മീറ്റില്‍ :) -ഔദ്യോഗികമായി മീറ്റ്‌ തീര്‍ന്നിട്ടും, പിരിഞ്ഞു പോകാതെ ചെറിയ സംഘങ്ങളായി കുശലം പറയുന്ന ബ്ലോഗേഴ്സ് -
==========================================================

സ്നേഹത്തോടെ
ഫൈസല്‍ കൊണ്ടോട്ടി

ഈ ബ്ലോഗ്‌ മീറ്റ് എന്തിനു ?

2011-04-12T07:20:00.000-07:00

ഈ തലക്കെട്ട്‌ കാണുമ്പോള്‍ തിരൂര്‍ ബ്ലോഗ്‌ മീറ്റ്‌ ബഹിഷ്കരിക്കാന്‍ ആഹ്വാനം ചെയ്ത കാപ്പിലാന്റെ ഒറ്റയാള്‍ സംഘത്തില്‍ ഞാനും ചേര്‍ന്ന് എന്ന് വിചാരിക്കുന്നവര്‍ ഉണ്ടാകും , ഏയ്‌ ...ഇത് അതൊന്നും അല്ല ... വേറെ കാര്യമാണ് , അല്ലേലും കാപ്പിലാനുമായുള്ള ബന്ധം പഴയ ചെറായി മീറ്റ്‌ വിവാദങ്ങളോടെ നിന്ന് പോയതാണ് .. അന്നായിരുന്നല്ലോ കാപ്പിലാന്റെ വിശ്വ വിഖ്യാതമായ ബ്ലോഗ്‌ 'കൊള്ളികള്‍' കത്തിയമര്‍ന്നു ചാരമായത് , സുഹൃത്തുക്കള്‍ തന്നെ കത്തിച്ചു എന്നും ഗോസ്സിപ്പ് ഉണ്ടായിരുന്നു .

വിവാദങ്ങള്‍ എന്തായാലും ചെറായി മീറ്റ്‌ അന്ന് നന്നായി നടക്കുകയും അച്ചാറിന്റെയും മീന്‍ വറുത്തതിന്റെ ദൃശ്യങ്ങള്‍ നിരവധി ബ്ലോഗിലൂടെ പുറത്തു വിട്ടു പങ്കെടുക്കാത്തവരെ കൊതിപ്പിച്ചു കൊല്ലുകയും ചെയ്തു ...

ഇപ്പൊ ഇതൊക്കെ ഓര്‍ക്കുന്നത് എന്തിനാണെന്നോ ... ദേ ഇവിടെ സൗദി അറേബ്യയുടെ തലസ്ഥാനമായ റിയാദില്‍ ഏപ്രില്‍ പതിനഞ്ചിന് ഒരു ബ്ലോഗ്‌ മീറ്റ്‌ നടത്താന്‍ പോകുന്നു .. അതെ ചെറായി അടക്കം പല ബ്ലോഗ്‌ മീറ്റുകളുടെ നടത്തിപ്പില്‍ പങ്കാളിയായ എസ് എന്‍ ചാലക്കോടന്‍ ( പാവപ്പെട്ടവന്‍) ബ്ലോഗ്ഗര്‍ അടക്കം ഇ- എഴുത്ത് മേഖലയിലെ നിരവധി പ്രഗത്ഭരുടെ നേതൃത്വത്തില്‍ ... പിന്നെ ഞാനും ആദ്യമായി ഒരു മീറ്റില്‍ പങ്കെടുക്കുന്നു :)))...

ഈ മീറ്റില്‍ എന്തൊക്കെയാണ് സ്പെഷ്യല്‍ എന്നല്ലേ ..? മീറ്റും ഈറ്റും മാത്രം പോര എന്നാണല്ലോ ഇപ്പോള്‍ ബൂലോകത്തെ ചര്‍ച്ച , അതിനാല്‍ അല്പം ചില കാര്യങ്ങള്‍ കൂടിയുണ്ട്

1. ഇ-ഭാഷയെ സ്കൂൾ തലത്തിൽ വികസിപ്പികയും കുട്ടികളിൽ ക്രിയാത്മകമായ (ബ്ലോഗ്‌) എഴുത്തിനും വായനക്കുമുള്ള താല്പര്യം വളർത്തുന്നതിനും സൗദിയിലെ ഇന്ത്യന്‍ സ്കൂളുകള്‍ കേന്ദ്രീകരിച്ചു, സ്കൂള്‍ അധികൃതരുമായി ബന്ധപ്പെട്ടു ചില പദ്ധതികള്‍ ആവിഷ്കരിക്കല്‍

2 . പ്രവാസി എഴുത്തുകാരുടെ പുസ്തകപ്രസാധനം

3. പ്രവാസ ഇ - എഴുത്ത് മേഖല ക്രിയാത്മക സഹകരണവും വേറിട്ട രചനകള്‍ പ്രോത്സാഹിപ്പിക്കലും.

4. ഇ-എഴുത്തു ലോകത്തുനിന്നും സമീപകാലങ്ങളിൽ, അകാലത്തില്‍ നമ്മെ വിട്ടുപിരിഞ്ഞവർക്ക് അനുശോചനം.

5. മീറ്റിനു വരുന്നവര്‍ ഉന്നയിക്കുന്ന മറ്റു പ്രധാന കാര്യങ്ങളില്‍ ചര്‍ച്ച

പിന്നെ ഈറ്റിന്റെ കാര്യം ,ഏപ്രില്‍ പതിനഞ്ചു വിഷു ദിനമായതിനാല്‍ അത് പ്രത്യേകിച്ച് പറയണോ ,.സദ്യ ....! ....അതുറപ്പാണ് ... ( കടപ്പാട് : റിമി ടോമി ) ..

പിന്‍ കുറി ; റിയാദിലോ പരിസര പ്രദേശങ്ങളിലോ ഉള്ളവര്‍, മീറ്റ്‌ അറിയാത്തവര്‍ ഉണ്ടെങ്കില്‍ പാവപ്പെട്ടവന്റെ ഈ പോസ്റ്റില്‍ പോയി പേര് രജിസ്റ്റര്‍ ചെയ്യുക ..

റിയാദ് മീറ്റിലേക്ക് നിങ്ങളെ ശ്രദ്ധ ക്ഷണിച്ചു ആശംസകളും നിര്‍ദേശങ്ങളും സ്വാഗതം ചെയ്തു നിര്ത്തുന്നു . കൂടെ തിരൂര്‍ മീറ്റിനു ഞങ്ങളുടെ എല്ലാ ആശംസകളും .

കേരളം എങ്ങോട്ട് ..?

2011-04-10T05:41:00.000-07:00

(ഇതൊരു പ്രവചനമല്ല , വോട്ടു നിങ്ങള്ക്ക് ഇഷ്ടമുള്ളവര്‍ക്ക് ചെയ്യാം ....പക്ഷെ ..നമ്മുടെ അശ്രദ്ധ കാരണം , നാടിനോട് ഒരു പ്രതി ബദ്ധതയും ഇല്ലാത്തവര്‍ നമ്മെ ഭരിക്കണോ ? അല്പമെങ്കിലും മൂല്യ ബോധവും കാഴ്ച്ചപ്പാടും ഉള്ള മുന്നണിക്ക്‌ പിന്തുണ നല്‍കുന്നതല്ലേ എപ്പോഴും നന്നാവുക .ഈ പോസ്റ്റിലൂടെ ക്ഷമയോടെ കടന്നു പോകുക ..അഭിപ്രായം ഉണ്ടെകില്‍ പറയുക .. ഓര്‍ക്കുക ..നമ്മുടെ നാടിനോടുള്ള കടമ നിര്‍വഹിക്കാനുള്ള ഒരു പ്രധാന സമയമാണിത് ...)

LDF ഭരണം ഒറ്റ നോട്ടത്തില്‍
1. മുന്‍ സര്‍ക്കാര്‍ അടച്ചു പൂട്ടിയ കേരള സോപ്സ് പോലുള്ള നിരവധി പൊതുമേഖല സ്ഥാപനങ്ങള്‍ വീണ്ടും തുറന്നു പ്രവര്‍ത്തിപ്പിച്ചു ലാഭകരമാക്കി , എട്ടോളം പുതിയ പൊതുമേഖലാ സ്ഥാപനങ്ങള്‍ തുടങ്ങി ..

2. തോട്ടം മേഖലയിലും മറ്റും നിലനിന്നിരുന്ന പ്രശ്നങ്ങള്‍ പരിഹരിച്ചു നിരവധി തോട്ടങ്ങള്‍ വീണ്ടും പ്രവര്‍ത്തനം തുടങ്ങി

3. സ്മാര്‍ട്ട്‌ സിറ്റി കരാര്‍ കേരളത്തിന്‌ അനുകൂലമായി മാറ്റിയെഴുതി പ്രവര്‍ത്തനം തുടങ്ങുന്നു . ( നമ്മുടെ അഭിമാനമായ ഇന്‍ഫോ പാര്‍ക്ക്‌ വിട്ടു കൊടുക്കക, മറ്റു എടി സംരംഭങ്ങള്‍ പാടില്ല, സംസ്ഥാനത്തിന്റെ ഭൂമി വില്‍ക്കാന്‍ അനുവദിക്കല്‍ ‍, തുടങ്ങിയ അതിഗുരതരമായ വീഴ്ചകള്‍ ഉള്ള കേരളത്തെ തീറെഴുതിയ പഴയ യു ഡി എഫ് കരാറിനെ ഒന്ന് കാണുക )

4. കാര്‍ഷിക മേഖലക്ക് താങ്ങായി നിന്നത് കാരണം ആ മേഖലയിലും തൊഴില്‍ ഉണ്ടായി .. അടിയന്തിര മന്ത്രി സഭാ യോഗം കൂടി നടപടി എടുത്തത്‌ മൂലം യു ഡി എഫ് ഭരണ കാലത്തെ നിത്യ സംഭവം ആയിരുന്ന കര്‍ഷക ആത്മഹത്യകള്‍ മാഞ്ഞു പോയി , നെല്ലിനു താങ്ങ് വില ഇരട്ടിയില്‍ അധികമായി ഉയര്‍ത്തി .

5. പ്രകടന പത്രികയില്‍ പറയാത്തതായ,സമ്പൂര്‍ണ്ണ വൈദ്യുതീകരണം, ഒരു വര്‍ഷത്തില്‍ ഏറെയായി നാല്പതു ലക്ഷത്തോളം കുടുംബങ്ങള്‍ക്ക് രണ്ടു രൂപയ്ക്കു അരി നല്‍കല്‍ ക്ഷേമ പെന്‍ഷന്‍ ഉയര്‍ത്തല്‍ തുടങ്ങി നിരവധി ഗുണകരമായ കാര്യങ്ങള്‍ നടപ്പിലാക്കി , കൂടെ വിവിധ മണ്ഡലങ്ങളിലെ ഒട്ടേറെ വികസന പ്രവര്‍ത്തനങ്ങളും.

6. കാര്യമായ അഴിമതി ആരോപണങ്ങള്‍ ഇല്ലാതെ , വര്‍ഗീയ സംഘര്‍ഷങ്ങള്‍ ഇല്ലാതെ കടന്നു പോയ താരതമ്യേന നല്ലൊരു ഭരണ കാലം.

7 . ഏഴു മാസത്തോളമായി അന്യ സംസ്ഥാന ലോട്ടറി കേരളത്തില്‍ വില്‍ക്കുന്നില്ല ( കേന്ദ്ര സര്‍ക്കാര്‍ വരെ കോടതിയില്‍ ഇക്കാര്യത്തില്‍ മുഖ്യ മന്ത്രിയെ അഭിനന്ദിച്ചു )

8. IT രംഗത്ത്‌ കേരളത്തിനുണ്ടായിരുന്ന മുരടിപ്പ് മാറി തുടങ്ങി , സാമ്പത്തിക മന്ദ്യത്തിന്റെ പശ്ചാത്തലത്തിലും ഐ ടി കയറ്റുമതി രംഗത്ത് 70 ശതമാനം വളർച്ചാ നിരക്ക് സ്ഥിരമായി രേഖപ്പെടുത്തി.

9 .ടെക്നോപാർക്കിലും ഇൻഫോപാർക്കിലും പുതിയ കമ്പനികൾ വന്നു.

10. തിരുവനന്തപുരത്തെ ടെക്നോ സിറ്റിയ്ക്ക് 428 ഏക്കർ സ്ഥലം ഏറ്റെടുത്തു., ടെക്നോപാർക്ക് മൂന്നാം ഘട്ടം, ഇൻഫോ പാർക്ക് രണ്ടാം ഘട്ട വികസന പദ്ധതികൾക്ക് വേഗം കൂട്ടി.

11.അമ്പലപ്പുഴ ചേർത്തല കുണ്ടറ ഐ.റ്റി പാർക്ക് നിർമ്മാണം തുടങ്ങി.ചീമേനിയിലും എരമത്തും ഐ.റ്റി പാർക്ക്. കൊരട്ടി ഇൻഫോപാർക്ക് പ്രവർത്തനം തുടങ്ങി.

കോഴിക്കൊട് സൈബർ സിറ്റി, കണ്ണൂരിൽ സൈബർ പാർക്ക് എന്നിവക്ക് അംഗീകാരം ആയി .. സംസ്ഥാന വ്യാപകമായി ഒൻപത് ടെക്നോ ലോഡ്ജുകൾ..അങ്ങിനെ നീളുന്നു ആ പട്ടിക

സംസ്ഥാനത്തിന് ഗുണകരമായ രീതിയിലുള്ള വികസനത്തോടൊപ്പം കഷ്ടത അനുഭവിക്കുന്ന ജന വിഭാഗത്തെ കൂടി പരിഗണിച്ചു കൊണ്ടുള്ള ഒരു ഭരണ നയമാണ് എല്‍ ഡി എഫ് സര്‍ക്കാരിനുള്ളത് .. മറുവശത്ത് യു ഡി എഫാണെങ്കില്‍ വികസനത്തോടൊപ്പം അഴിമതി നടത്തുകയും, നികുതിയിളവും മറ്റും ചില കോര്‍പറെറ്റുകള്‍ക്കു മാത്രം അനുകൂലമാക്കുകയും ചെയ്യുന്നു .. സാമൂഹ്യ നീതിയെ ക്കുറിച്ച് ഒരു കാഴ്ചപ്പാടും അവര്‍ക്കില്ല .. താഴെ കൊടുത്തിരിക്കുന്ന സ്മാര്‍ട്ട്‌ സിറ്റി കരാര്‍ ഒന്ന് താരതമ്യം ചെയ്തു നോക്കൂ ( എല്ലാം അടിയറവു വച്ചുള്ള കിട്ടിയ യു ഡി എഫ് കരാറില്‍ നിന്നും പെട്ടെന്ന് മാറാന്‍ ടീകോം സ്വാഭാവികമായും കൂട്ടക്കിയുമില്ല ... അങ്ങിനെയാണ് പ്രതിസന്ധി രൂപപ്പെട്ടതു .. ... അതാണ്‌ നാല് വര്‍ഷത്തോളം അവര്‍ കരാര്‍ ഒപ്പിടാന്‍ കൂട്ടാക്കാത്തതിനു ഒരു കാരണം , പിന്നെ ആഗോള സാമ്പത്തിക മാന്ദ്യവും ... പക്ഷെ സംസ്ഥാന സര്‍ക്കാര്‍ നിലപാടില്‍ ഉറച്ചു നിന്നത് കാരണം അവസാനം എം എ യൂസുഫലി ഒരു മധ്യസ്ഥനായി സംസ്ഥാന താല്പര്യങ്ങള്‍ സംരക്ഷിച്ചു കൊണ്ടുള്ള കരാര്‍ ഒപ്പിട്ടു, നിര്‍മ്മാണ പ്രവര്‍ത്തനങ്ങള്‍ തുടങ്ങി .

==========================================================

സ്മാര്‍ട്ട്‌ സിറ്റി കരാര്‍ ( ഏഷ്യനെറ്റ് ന്യൂസില്‍ വന്ന ചാര്‍ട്ട് )

പഴയ കരാര്‍ (UDF) .................................പുതിയ കരാര്‍ (LDF)

ഇന്‍ഫോപാര്‍ക്കും IT സ്ഥാപനങ്ങളും വിട്ടു കൊടുക്കും .............. വിട്ടു കൊടുക്കില്ല

9 % ഓഹരി പങ്കാളിത്വം -...............................26 % ഓഹരി പങ്കാളിത്വം

സൗജന്യമായി നൂറേക്കര്‍ ഭൂമി ടീകോമിന് ................ സൗജന്യമായി ഭൂമിയില്ല

മറ്റു ഐ ടി സംരംഭങ്ങള്‍ പാടില്ല ................. മറ്റു IT സംരംഭങ്ങള്‍ എത്രയും ആകാം

ഭൂമി ബിസിനസ്‌ ആവശ്യത്തിനു ഉപയോഗിക്കാം ............... 75 % ഭൂമി IT ആവശ്യത്തിനു മാത്രം,ബാക്കി IT അനുബന്ധ ആവശ്യത്തിനു മാത്രം.

ഏഴു വര്ഷം കൊണ്ട് 33000 തൊഴില്‍ അവസരം ................10 വര്ഷം കൊണ്ട് 95,000 തൊഴില്‍ അവസരം
======================================================
വിഎസ് സര്‍ക്കാര്‍ നടപ്പാക്കിയ ജന ക്ഷേമ പ്രവര്‍ത്തങ്ങളും സംസ്ഥാന താല്പര്യം പരിഗണിച്ചുള്ള വികസന കാഴ്ചപ്പാടും വി എസിന്റെ വര്‍ദ്ധിച്ച ജന പ്രീതിയും ഒരു വശത്ത് കാണാം ,മറു വശത്താണെങ്കില്‍ കേന്ദ്രത്തിലും കേരത്തിലും അഴിമതിയിലും ജീര്‍ണ്ണതയിലും മുങ്ങി കുളിച്ച കോണ്‍ഗ്രസ്‌ മുന്നണി . കൂടെ പ്രതിച്ഛായയുള്ള ഒരു നേതാവ് പോലുമില്ല മത്സര രംഗത്ത്‌ മറിച്ചു മുന്നണി നേതാവിലൊരാള്‍ അഴിമതി കേസില്‍ ജയിലിലും മറ്റൊരാള്‍ ജഡീഷ്യറിയെ വരെ പണം കൊടുത്തു സ്വാധീനിച്ചു എന്ന അതി ഗുരുതരമായ അന്വേഷണം നേരിടുകയുമാണ് .

ഇനി പറയൂ .. പീഡന - മാഫിയ പ്രവര്‍ത്തനം നടത്തി നീതി പീഠങ്ങളെ വരെ വിലക്കെടുക്കുന്ന , വികസനത്തിന്റെ മറവില്‍ കേരളത്തെ തന്നെ വില്‍ക്കുന്ന, ഒരു മുന്നണിയെ ആണോ നമുക്ക് വേണ്ടത് ?

"പ്രശസ്ത"യാകുന്നത് ..?

2011-04-06T07:34:00.000-07:00

സ്ത്രീകള്‍ക്ക് ഏതൊക്കെ രീതിയില്‍ പ്രശസ്തയാകാം..?

വി എസ് അച്യുതാനന്ദന് ധാരാളം പ്രത്യേകതയുള്ള നായകനാണ് . ഒരു പക്ഷെ സിനിമാ താരങ്ങളേക്കാള്‍ വലിയ താര പരിവേഷം സ്വന്തമായുള്ള അപ്പൂര്‍വ്വം നേതാക്കളില്‍ ഒരാള്‍ ‍. വി എസ് ആണ് മുഖ്യമന്ത്രി യാവേണ്ടത് എന്ന വലിയ ജനാഭിപ്രായം മറച്ചു വെക്കാന്‍ വലതു പക്ഷ മാധ്യമ സര്‍വ്വെകള്‍ക്ക് വരെ കഴിയാതെ പോകുന്നത് ഉറച്ച ജനപക്ഷ നിലപാടുകള്‍ മൂലം വിഎ സിന് ഉണ്ടായി വന്ന ഈ വലിയ പ്രതിച്ഛായ കൊണ്ടാണ് .. ,.. അതിനാല്‍ തന്നെ എതിര്‍ പക്ഷത്തിന്റെ ആക്രമണങ്ങള്‍ വി എസിനെ കേന്ദ്രീകരിച്ചാകുന്നത് സ്വാഭാവികം. പക്ഷെ അടിസ്ഥാനമില്ലാത്ത ആരോപണങ്ങള്‍ മിക്കതും ചീറ്റി പോകുന്നു എന്ന് മാത്രം

പറഞ്ഞു വരുന്നത് ലതികാ സുഭാഷ് എന്ന മലമ്പുഴ സ്ഥാനാര്‍ഥിയെ വി എസ് അരുതാത്തത് ചെയ്തു എന്ന രീതിയില്‍ കാടിളക്കിയുള്ള പ്രചാരണ കോലാഹലം കണ്ടാണ്‌ .. മ 'പത്രങ്ങള്‍ അടക്കമുള്ള മാധ്യമങ്ങള്‍ പലരുടെയും പ്രതികരണങ്ങള്‍ ഞൊടിയിടയില്‍ സംഘടിപ്പിച്ചു ... കൂട്ടക്കൊല നടന്നാല്‍ വരെ കാര്യമറിഞ്ഞേ പ്രതികരണങ്ങള്‍ വരാറുള്ളൂ .. അപ്പോഴാണ്‌ ഇരുട്ടി വെളുക്കുന്നതിനു മുന്‍പുള്ള ബൗദ്ധിക ഞെട്ടലുകള്‍ ..!

എന്താണ് വി എസ് പറഞ്ഞത് .? .. ലതികാ സുഭാഷ് പ്രശസ്തയായത് കൊണ്ടാണോ മലമ്പുഴയില്‍ കൂടുതല്‍ സമയം പ്രചാരണം നടത്തുന്നത് എന്ന ചോദ്യത്തിന് എന്ത് പ്രശസ്തിയാണെന്ന് നിങ്ങള്‍ അന്വേഷിച്ചാല്‍ മതി എന്ന് മറുപടി പറഞ്ഞു ...!

പ്രശസ്തി പല തരത്തില്‍ ആകാം ... സംഘടനാ പാടവം , വിവിധ മേഖലകളിലെ ഇടപെടലുകള്‍ മൂലം അല്ലെങ്കില്‍ വേറെ എന്തെങ്കിലും തരത്തില്‍ .മോശമായ രീതിയില്‍ എന്ന അര്‍ത്ഥമേ എന്നെപ്പോലുള്ളവര്‍ കാണുന്നില്ല , പക്ഷെ മറ്റേ അര്‍ത്ഥത്തിലുള്ള പ്രശസ്തിയാണെന്ന് യു ഡി എഫ് കാര്‍ അങ്ങ് തീരുമാനിച്ചു ..., അവരെ നമുക്ക് കുറ്റം പറയാന്‍ പറ്റില്ല , കാരണം ഐസ് ക്രീമുകാരും മണ്ണിത്താന്മാരും നയിക്കുന്ന മുന്നണിയില്‍ എന്ത് കേട്ടാലും അങ്ങിനെയേ തോന്നൂ ..പക്ഷെ എനിക്ക് അത്ഭുതം അതിലല്ല , ബഹുമാന്യയായ ശ്രീമതി ലതികാ സുഭാഷ്‌ തന്നെ അത്തരം ഒരു നല്ലതല്ലാത്ത പ്രശസ്തിയാണ് തനിക്കെന്നു സ്വയം ധരിച്ചു വശായത് എന്തിനു? .. ശ്രീമതി ലതികക്ക്‌ ചിന്തിച്ചു കൂടെ ..ഒരു പാട് നല്ല നിലകളില്‍ ആണ് താന്‍ പ്രസിദ്ധയെന്നു ..? സംഘടാ രംഗത്തും , ഭരണ രംഗത്തും എന്തിനു ബ്ലോഗ്‌ രംഗത്തും താന്‍ പ്രസിദ്ധയാണെന്ന് ...? പകരം ശ്രീമതി ലതിക ചെയ്തതോ കോടതിയില്‍ പോയിരിക്കുന്നു .. ആരെങ്കിലും വിശ്വസിക്കുമോ വി എസിനെ പ്പോലുള്ള ഒരു ജനകീയ നേതാവ് ഈ ഇലെക്ഷന്‍ അവസാന നിമിഷത്തില്‍ തന്റെ എതിര്‍ സ്ഥാനാര്‍ഥിയെ അശ്ലീലമായി ചിത്രീകരിക്കുമെന്നു ?പിന്നെ എന്തിനാണ് ഈ കോലാഹലങ്ങള്‍ ..?

വി എസ് തന്നെ പറയുന്നത് കേള്‍ക്കൂ

ഞാന്‍ ഇപ്പോഴും സ്ത്രീകളെ മാന്യതയോടെ കാണുന്നവനാണ് ........ അവര്‍ കോട്ടയം ജില്ല പഞ്ചായത്ത് പ്രസിഡണ്ട്‌ ആയിരുന്നു ... അവര് കെ പി സിസി മെമ്പര്‍ ആയിരുന്നു .. ആ നിലയില്‍ അവര്‍ ഒരു തരത്തില്‍ പ്രശസ്തയാണ് ..അതിനെപ്പറ്റി നിങ്ങള്‍ അന്വേഷിച്ചു റിപ്പോര്‍ട്ട്‌ ചെയ്യൂ എന്ന് ഞാന്‍ പത്രക്കാരോട് പറഞ്ഞു ...

വി എസ് പറഞ്ഞതിന്റെ അര്‍ഥം വി എസ് ആണ് വിശദീകരിക്കേണ്ടത്.. , അങ്ങിനെ അല്ലാത്ത പ്രശസ്തിയാണ് ബഹുമാന്യയായ ലതികക്ക്‌ ഉള്ളതെന്ന് ഉമ്മന്‍ ചാണ്ടിയെപ്പോലുള്ളവര്‍ക്ക് ഈ വിശദീകരണത്തിന് ശേഷവും തോന്നുന്നതെങ്കില്‍ അത് അവരുടെ വിശ്വാസത്തില്‍ നിന്നും ലതിക സ്വയം രക്ഷപ്പെടട്ടെ എന്നെ ഒരു സഹ ബ്ലോഗ്ഗര്‍ എന്ന നിലയില്‍ എനിക്ക് പറയാനുള്ളൂ . ..

മുന്‍ഷി : മഞ്ഞ കണ്ണട വച്ച ഐസ് ക്രീം മുന്നണിക്ക്‌ എല്ലാം മഞ്ഞ .... ഹും ഹും ഹും !

===================

ഇവിടെ വി എസ് ഉദ്ദേശിച്ചത് വി എസ് വ്യക്തമാക്കിയിട്ടും വിവാദം ഉടനെ അവസാനിക്കില്ല ..കാരണം 13 നു വോട്ടാണല്ലോ .. ഐസ് ക്രീമും , പിള്ളയും , ടൈറ്റാനിയവും , പമോലിനും , എണ്ണിയാല്‍ തീരാത്ത വിജിലെന്‍സ് സമന്‍സും കൊണ്ട് പൊറുതി മുട്ടിയ മുന്നണിക്ക്‌ ഒരു കച്ചി തുരുമ്പു ..അത്ര തന്നെ

രമേശും സതീശനും മ'പത്രവും..!

2011-04-05T01:16:00.000-07:00

രാഷ്ട്രീയത്തില്‍ നേരും നെറിയും പൊതുവേ കുറഞ്ഞു വരികയാണ് .. എങ്കിലും മുഖ്യ മന്ത്രിക്കുപ്പായം തുന്നി കാത്തിരിക്കുന്ന രമേശ്‌ ചെന്നിത്തലയെപ്പോലുള്ളവര്‍ ദിവസേന നടത്തികൊണ്ടിരിക്കുന്ന അസത്യ വര്‍ഷങ്ങള്‍ കേള്‍ക്കുമ്പോള്‍ , ചെന്നിത്തലയും ഉമ്മന്‍ ചാണ്ടിയും കൂടി കോണ്‍ഗ്രസ്‌ നശിപ്പിച്ചു കുളം തോണ്ടും എന്ന് രാമചന്ദ്രന്‍ മാഷ്‌ കരഞ്ഞു പറഞ്ഞത് സത്യമായി പുലരുമോ എന്ന് ന്യായമായും സംശയിക്കാം .
====================
1. ജമായത്ത് വിഷയത്തില്‍ ചെന്നിത്തല പറഞ്ഞത് ഇങ്ങിനെ : " ജമാഅത്തിനോട് യു.ഡി.എഫിനുള്ള നിലപാടില്‍ മാറ്റമില്ല. കോണ്‍ഗ്രസ് ഒരിക്കലും ജമാഅത്തിന്റെ സഹകരണവും പിന്തുണയും തേടിയിട്ടില്ലെന്നും രമേശ്‌ ചെന്നിത്തല പറഞ്ഞു.."

ഈ വീഡിയോ ഒന്ന് കണ്ടു നോക്കൂ .. കഴിഞ്ഞ ലോക സഭ ഇലെക്ഷന്‍ സമയത്ത് ചെന്നിത്തല രഹസ്യമായി സന്ദര്‍ശനം നടത്തുന്നത് ഇന്ത്യ വിഷന്‍ ഒളി ക്യാമറയില്‍ പിടിച്ചത് ..

ഈ ഇലെക്ഷന്‍ അടുത്തെത്തി സമയത്ത് എം ഐ ഷാനവാസ് ജമാഅത്ത് നേതാക്കളുമായി ചര്‍ച്ച നടത്തിയത് വെറും സൗഹൃദം പുതുക്കല്‍ ആയിരുന്നത്രെ... അപ്പോള്‍ ഈ വീഡിയോയില്‍ കാണുന്ന പോലെ ചെന്നിത്തല അന്ന് രഹസ്യ സന്ദര്‍ശനം നടത്തിയത് ? അതോ .. അത് ചെന്നിത്തലക്ക് ജലദോഷം വന്നപ്പോള്‍ പിന്നെ സുഖമായി എന്ന് അറിയിക്കാന്‍ പോയത് .. അല്ലാതെന്തു ?
==================

2. ലോട്ടറികേസില്‍ സി ബി ഐ അന്വേഷണം ആവശ്യപ്പെട്ടു മുഖ്യമന്ത്രി കത്തെഴുതിയപ്പോള്‍ എന്തൊക്കെയായിരുന്നു പുകില്‍ .. FIR എവിടെ ..? കേരള സര്‍ക്കാര്‍ പ്രത്യേക വിജ്ഞാപനം ഇറക്കണം എന്നൊക്കെ പറഞ്ഞു ചെന്നിത്തലയും വി ഡി സതീശനും ഉറഞ്ഞു തുള്ളുകയായിരുന്നു ..

എന്നാല്‍ ഇപ്പോള്‍ കേരള ഹൈ കോടതിയില്‍ കേന്ദ്രസര്‍ക്കാര്‍ കൊടുത്ത സത്യവാങ്ങ്മൂലത്തില്‍ പറയുന്നത് ഇങ്ങിനെയൊക്കെയാണ്‌:

"സി ബി ഐ അന്വേഷണത്തിനുള്ള നടപടികള്‍ തയ്യാറായി വരുന്നു , കേരള സര്‍ക്കാരിന്റെ പ്രത്യേക വിജ്ഞാപനംആവശ്യമില്ല , മുഖ്യമന്ത്രിയുടെ നടപടികള്‍ അഭിനന്ദനാര്‍ഹം ..."

അപ്പൊ വി എസിന്റെ മകന്‍ കേസ് അട്ടിമറിച്ചു എന്ന് പറഞ്ഞ ചെന്നിത്തലയും , സംസ്ഥാന സര്‍ക്കാരിനെതിരെ കേസിന് പോയ വി ഡി സതീശനും ആരായി ..?

സത്യം പറയട്ടെ .. വി എസിനെ പ്പോലുള്ള മാഫിയക്കെതിരെ നില്‍ക്കുന്ന, കേന്ദ്ര സര്‍ക്കാരിനെ വരെ നിലക്ക് നിര്‍ത്താന്‍ കഴിവുള്ള , ഒരു മുഖ്യമന്ത്രിയെ ആണ് കേരളത്തിന്‌ ആവശ്യം .
വി എസ് ആണ് മുഖ്യമന്ത്രി യാവേണ്ടത് എന്ന വലിയ ജനാഭിപ്രായം മറച്ചു വെക്കാന്‍ വലതു പക്ഷ മാധ്യമ സര്‍വ്വെകള്‍ക്ക് വരെ കഴിയാതെ പോകുന്നത് വി എസിന്റെ ഇത്തരം ഉറച്ച ജനപക്ഷ നിലപാടുകള്‍ മൂലമാണ് ,അത് കൊണ്ട് തന്നെയാണ് വിഎ സിനെ ഒറ്റ തിരിഞ്ഞു ആക്രമിക്കാന്‍ യു ഡി എഫ് ഒന്നാകെ ശ്രമിക്കുന്നതും ...
==============================

3. മനോരമ പത്രത്തെ കേരളത്തിലെ ഒട്ടു മിക്ക പേര്‍ക്കും അറിയാം .. ഇത്രയും പച്ച കള്ളം തട്ടി വിടുന്ന ഒരു പത്രം ലോകത്തില്‍ തന്നെ വേറെ ഉണ്ടോ എന്നത് സംശയം ആണ് ... ജന്മ ഭൂമി പോലും അറക്കുന്ന രീതിയില്‍ , മുസ്ലിം വിരോധം കുത്തി നിറച്ചു ലവ് ജിഹാദ് എന്ന ഇല്ലാ കഥ നിറം ചേര്‍ത്ത് എഴുതി പിടിച്ച മനോരമയെ പല മുസ്ലിം മഹല്ലുകളും ബഹിഷ്കരിച്ചത് അതിലെ ഒരു ഉദാഹരണം മാത്രം ... ജമഅത്തെ ബന്ധത്തെ ക്കുറിച്ച് മനോരമ ഇന്നത്തെ പത്രത്തില്‍ എഴുതിയത് കാണൂ ..

" നിയമ സഭ തിരെഞ്ഞെടുപ്പില്‍ സി പി എമ്മിന്റെ വിജയം ഉറപ്പാക്കാന്‍ ജമായത്ത് ഇസ്ലാമിയുടെ സൈലെന്റ് സ്ക്വാഡ് .സ്ത്രീകളും യുവാക്കളും അടങ്ങുന്ന സ്ക്വാഡ്....
സി പി എം - ജമാഅത്ത് ഇസ്ലാമി തിരഞ്ഞെടുപ്പ് സഖ്യ ചര്‍ച്ചയുടെ തുടര്‍ച്ചയാണ് കില്ലിംഗ് സ്ക്വാഡ് എന്ന രഹസ്യ നാമത്തില്‍ അറിയപ്പെടുന്ന സംഘം ."

എങ്ങിനെയുണ്ട് മനോരമയുടെ കണ്ടു പിടുത്തം ?..കില്ലിംഗ് സ്ക്വാഡ് എന്നൊക്കെ പറഞ്ഞാലേ അതിനൊരു ഭീകര മുഖം വരൂ എന്നും ജനങ്ങള്‍ ഭയപ്പെടുക ഉള്ളൂ എന്നും മനോരമക്ക് അറിയാം ... . പക്ഷെ ജമാ അത്ത് ചര്‍ച്ചകള്‍ തുടരുക ആണെന്നും അതിനു ശേഷമേ അവര്‍ പ്രചാരണത്തിന് ഇറങ്ങണമോ വേണ്ടയോ എന്ന് തീരുമാനിക്കുക ഉള്ളൂ . ഇനി അങ്ങിനെ ഇറങ്ങിയാല്‍ തന്നെ കില്ലിംഗ് സ്ക്വാഡ് എന്നൊക്കെ പേരിടുമെന്നും ഒക്കെ ഗണിച്ചു പറയുന്നത് മനോരമയെ സംബന്ധിച്ചി ടത്തോളം അത്ഭുതമില്ല -- പക്ഷെ ഈ മഞ്ഞ പത്രത്തെ കേരളീയര്‍ ഒന്നാം സ്ഥാനത് നിര്ത്തുന്നതിലാണ് അത്ഭുതം .. ആ അനുഭവിക്കുക തന്നെ ...

സിന്ധുജോയ് Vs സിന്ധുജോയ് (വീഡിയോ)

2011-03-27T03:43:00.000-07:00

ഈ ഇന്റര്‍വ്യൂകളുടെ ഒരു കാര്യം ... ഒന്നും നിഷേധിക്കാന്‍ കഴിയാത്ത രീതിയില്‍ സ്വന്തം വാക്കുകളാല്‍ വേട്ടയാടപ്പെടും .... പ്രത്യേകിച്ച് നിലപാടുകളില്‍ പെട്ടെന്ന് വെള്ളം ചേര്‍ക്കുന്നവരെ .

എക്സ് സഖാവ് സിന്ധു ജോയി തന്നെ തനിക്കു ഒരു അവഗണയും ഉണ്ടായിട്ടില്ലെന്നും യു ഡി എഫിന്റെ തെറ്റായ നയങ്ങളെ എതിര്‍ത്തു നടത്തിയ സമരങ്ങളില്‍ വിശ്വാസം നഷ്ട്ടപ്പെട്ടിട്ടില്ലെന്നും അവര്‍ ജീവന്‍ ടി വി ക്ക് നല്‍കിയ ഇന്റര്‍വ്യൂ യില്‍ പറയുന്നത് കേള്‍ക്കൂ . ( ഇപ്പോഴത്തെ എല്‍ ഡി എഫ് govt വന്നതിനു ശേഷമാണ് ഈ ഇന്റര്‍വ്യൂ എന്നത് ശ്രദ്ധേയമാണ് ) .
=========================
ചോദ്യ കര്‍ത്താവ്‌ : "ഈ രാഷ്ട്രീയ രംഗത്തായാലും വേറേതെങ്കിലും രംഗത്തായാലും കൂടുതലായിട്ട് പുരുഷന്മാരായിരിക്കും ഇതിന്റെ മുന്‍കൈ എടുക്കുക , അപ്പൊ ഈ രംഗത്തേക്ക് ഒരു സ്ത്രീ , സഖാവ് കടന്നു വന്നപ്പോള്‍ ഉള്ള ഒരു അനുഭവം എന്തായിരുന്നു"

സിന്ധു ജോയ് : "............. പിന്നെ ഒരു സ്ത്രീ എന്ന നിലക്ക് എന്നെ സംബന്ധിച്ച് പറയുമ്പോ ഒരു വിവേചനം എനിക്ക് അങ്ങിനെ ഉണ്ടായിട്ടില്ല "

ചോദ്യ കര്‍ത്താവ്‌ : തോന്നിയിട്ടില്ല .?

സിന്ധു ജോയ് : "ഇല്ല ഒരിക്കലും തോന്നിയിട്ടില്ല , കാരണം പുരോഗമന പ്രസ്ഥാനങ്ങളില്‍ ഒക്കെയാണ് ഞാന്‍ പ്രവര്‍ത്തിക്കുന്നത് , ഇത് വരെ എനിക്കങ്ങിനെ ഒരു അനുഭവം ഉണ്ടായിട്ടില്ല എന്നുള്ളതാണ് വസ്തുത , പൊതുവേ അങ്ങിനെ പറയാറുണ്ട് സ്ത്രീകള്‍ കടന്നു വരുമ്പോള്‍ ഒരുപാട് പ്രശ്നങ്ങള്‍ ഉണ്ടാകും എന്നൊക്കെ ..പക്ഷെ ഞാന്‍ മഹാരാജാസില്‍ പഠിക്കുമ്പോഴാണ് വിദ്യാര്‍ഥിസംഘടാ പ്രവര്‍ത്തനത്തില്‍ വന്നത്. അവിടെ വച്ചും ഞാന്‍ പലപ്പോഴും ഇങ്ങിനെ ആണുങ്ങള്‍ മാത്രം വന്നിട്ടുള്ള പോസ്റ്റുകളില്‍ കടന്നു വന്നിട്ടുണ്ട് ഉദാഹരണത്തിന് മഹാരാജാസില്‍ തന്നെ യൂനിറ്റ് പ്രസിഡണ്ട്‌ , എറണാംകുളത്ത് SFI യുടെ ഏരിയാ പ്രസിഡണ്ട്, അതുപോലെതന്നെ SFI യുടെ സംസ്ഥാന പ്രസിഡണ്ട്‌ ആകുന്ന ആദ്യത്തെ വനിതയാണ്‌ ഞാന്‍

ചോദ്യ കര്‍ത്താവ്‌ തുടര്‍ന്ന് യു ഡി എഫ് കാലത്തെ പഴയ സമരങ്ങളെ ക്കുറിച്ചും ഇപ്പോള്‍ കാണാത്തതിനെ ക്കുറിച്ചും ചോദിക്കുന്നു .. സിന്ധുവിന്റെ മറുപടി

സിന്ധു ജോയ് : "... ഞങ്ങളുടെ സമരങ്ങളില്‍ ഞങ്ങള്‍ക്ക് നല്ല വിശ്വാസമുണ്ട്‌ ..., ആ യു ഡി എഫ് govt ന്റെ തെറ്റായ നയങ്ങള്‍ക്കെതിരെ ഞങ്ങള്‍ നടത്തിയിട്ടുള്ള സമരങ്ങളുടെ എല്ലാം ഭാഗമായിട്ടാണ് 2006 ല്‍ പൊതു തെരഞ്ഞെടുപ്പില്‍ യു ഡി എഫ് നു അധികാരത്തില്‍ നിന്ന് പുറത്ത് പോകേണ്ടി വന്നിട്ടുള്ളത് , പിന്നീട് LDF govt വന്നു സഖാവ് എം എ ബേബി യുടെ നേതൃത്വത്തില്‍ വിദ്യാഭ്യാസ മേഖലയില്‍ ഒരുപാട് പരിഷ്കാരങ്ങള്‍ വരുത്താന്‍ വേണ്ടി നോക്കുന്നുണ്ട് .... .....സ്വാശ്രയ നിയമത്തില്‍ നമ്മള്‍ ഇപ്പോള്‍ നിയമം കൊണ്ട് വരാന്‍ തയ്യാറായി .പക്ഷെ .നിര്‍ഭാഗ്യവശാല്‍ കോടതികളില്‍ ഒക്കെ അത് കിടക്കുകയാണ് ....... പിന്നെ എന്നെ സംബന്ധിച്ച് പറയുമ്പോള്‍ ഞാന്‍ ഇപ്പോള്‍ കൂടുതലും പ്രവര്‍ത്തിക്കുന്നത് ദേശീയ ലെവലില്‍ ആണ് . ദേശീയ വൈസ് പ്രസിഡന്റ്‌ എന്ന നിലക്കാണ് ആണ് ഞാന്‍ ഇപ്പോള്‍ പ്രവര്‍ത്തിച്ചു കൊണ്ടിരിക്കുന്നത് , അത് കൊണ്ട് പലപ്പോഴും ഞാന്‍ കേരളത്തില്‍ തന്നെ ഉണ്ടാവാറില്ല എന്നതാണ് വസ്തുത ...
==============================

ചില താല്‍പര്യങ്ങളുടെ പേരില്‍ നിലപാട് മാറ്റി മറു കണ്ടം ചാടുന്നവര്‍ ഇന്ന് ഒരു പുതിയ കാഴ്ചയല്ല .. പക്ഷെ സിന്ധു ജോയിയെപ്പോലെ പുരോഗമന പ്രസ്ഥാനങ്ങളില്‍ വര്‍ഷങ്ങളോളം മാതൃകാപരമായി പ്രവര്‍ത്തിച്ചു , തന്റെ സ്വാര്‍ത്ഥ താല്‍പര്യങ്ങളുടെ ന്യായീകരണത്തിനായി ഇപ്പോള്‍ ആ പ്രസ്ഥാനത്തില്‍ സ്ത്രീകള്‍ക്ക് രക്ഷയില്ല എന്നും മറ്റും നട്ടാല്‍ കുരുക്കാത്ത കള്ളം പറയുന്നത് കേള്‍ക്കുമ്പോള്‍ സത്യത്തില്‍ ഇവരൊക്കെ ഉള്ള പുരോഗമന വിദ്യാര്‍ഥി പ്രസ്ഥാനത്തില്‍ ആത്മാര്‍ഥമായി പ്രവര്‍ത്തിച്ച ഒരു വലിയ കാല ഘട്ട ത്തെക്കുറിച്ചോര്‍ത്തു ദു:ഖം തോന്നുന്നു ... മലയാളികളുടെ രാഷ്ട്രീയ ജീര്‍ണ്ണത എവിടെയെല്ലാം എത്തി നില്‍ക്കുന്നു എന്ന ഒരു ആശങ്കയും പങ്കു വെക്കുന്നു ..

ഇനി കുഞ്ഞാലിക്കുട്ടിയോടും , മന്‍മോഹന്‍ജി , ടു- ജി, ത്രീ- ജി , ഉമ്മന്‍ ജി നേതാക്കള്‍ക്കും ഒപ്പം സിന്ധു യു ഡി എഫിനെ ശക്തിപ്പെടുത്തട്ടെ ... ഭാവുകങ്ങള്‍ നേരുന്നു!

പിന്കുറി :
ഞാന്‍ വിശ്വാസിയാണ് , പ്രശ്നങ്ങള്‍ ഉണ്ട് എന്ന് സിന്ധു ജോയ് ...

- യഥാര്‍ഥ മത വിശ്വാസം നമ്മെ ധാര്‍മ്മികതയോടൊപ്പം നില്‍ക്കാന്‍ പ്രേരിപ്പിക്കണം , നന്മയുടെ പക്ഷത്ത് നിലയുറപ്പിക്കാനും . അല്ലാതെ ഒരു സീറ്റ് കിട്ടാതെ വരുമ്പോള്‍ അഴിമതിക്കാര്‍ക്കും സ്ത്രീ പീഡകര്‍ക്കും ഓശാന പാടുകയും അവരെ വെള്ള പൂശുകയും ശക്തിപ്പെടുത്തുകയും അല്ല ... അത്തരം മത വിശ്വാസം കര്‍ത്താവ്‌ പോലും പൊറുക്കാത്ത വ്യാജ വിശ്വാസമാണ് എന്നാണു എന്റെ പക്ഷം ..... നാടിന്റെ താല്പര്യങ്ങള്‍ക്കായി നില കൊണ്ട്, ജനക്ഷേമ പ്രവര്‍ത്തങ്ങള്‍ ചെയ്യുന്നവരെ അംഗീകരിക്കുക ..അവരെ ശക്തിപ്പെടുത്തുക ... മിനിമം അവരെ തകര്‍ക്കാന്‍ ശ്രമിക്കാതിരിക്കുകയെങ്കിലും ചെയ്യുക... - ലാല്‍ സലാം !

ഒരു കൂട്ട ബലാത്സംഗവും ചില ചാനലുകളും !

2011-03-23T04:46:00.000-07:00

എത്രത്തോളം അവാസ്തവമായും പ്രേക്ഷകരുടെ വികാരങ്ങളെ ഇളക്കി വിടുന്ന രീതിയിലുമാണ് ഇന്നത്തെ മലയാള ചാനലുകള്‍ വാര്‍ത്തകള്‍ ക്രിയേറ്റ് ചെയ്യുന്നതെന്ന് മനസ്സിലാക്കാന്‍ ഒരു സംഭവം. കൂടെ അരക്ക് താഴെ ജാതി തിരയുന്ന ചിലരുടെ മാനസിക വൈകല്യവും .

കണ്ണൂര്‍ മാടായിപ്പറയില്‍ വിജനമായ സ്ഥലത്ത് ഒരു പെണ്‍കുട്ടിയെ നാലാളുകള്‍ ചേര്‍ന്ന് ക്രൂരമായി മാനഭംഗപ്പെടുത്തി എന്നും മൊബൈലിലൂടെ ദൃശ്യങ്ങള്‍ പുറത്തു വന്നു എന്നും ആദ്യം പുറത്തു വിട്ടത് ( ഈ മാര്‍ച്ച് മാസത്തില്‍ ) ജീവന്‍ ടി വി ആയിരുന്നു .. ഒരു ദിവസം മുഴുവന്‍ ജീവന്‍ ടി വി ഇതിന്റെ ദൃശ്യങ്ങള്‍ കാണിച്ചും ഫ്ലാഷ് ന്യൂസ്‌ പായിച്ചും ആഘോഷിച്ചു ... പീഡനത്തിനു ഇരയായ പെണ്‍കുട്ടി ആത്മഹത്യ ചെയ്തതായും ചാനല്‍ വച്ച് കാച്ചി .. വാര്‍ത്തയോടുള്ള രാഷ്ട്രീയ-സാംസ്കാരിക പ്രവര്‍ത്തകരുടെ പ്രതികരണങ്ങളും ചാനല്‍ സംഘടിപ്പിച്ചു ., അറിഞ്ഞവര്‍ അറിഞ്ഞവര്‍ വികാരം കൊണ്ടു..

ഇതൊക്കെ കണ്ടു നമ്മുടെ ഏഷ്യാനെറ്റ്‌ FIR ലേഖകര്‍ വെറുതെ ഇരിക്കുമോ ? രണ്ടു ദിവസം കഴിഞ്ഞു അതാ FIR ടോപ്‌ സ്റ്റോറി ... അതും ഏഷ്യാനെറ്റ്‌ ലേഖകര്‍ ദൃക്സാക്ഷിയെപ്പോലെ ഒരു സംശയത്തിനും ഇടയില്ലാതെ രോമാഞ്ചം ഉണ്ടാക്കുന്ന രീതിയിലുള്ള വിവരണം ..കൂട്ടത്തില്‍ ഒരു പെണ്‍കുട്ടി വസ്ത്രം പൂര്‍ണ്ണമായും അഴിക്കുന്നതിന്റെയും കൂടെ മൂന്നു നാല് യുവാക്കളുടെയും കുറച്ചൊന്നു ഔട്ട്‌ ഓഫ് ഫോക്കസ് ആക്കിയ , എന്നാല്‍ വ്യക്തമായും കാണാവുന്ന നീളന്‍ വീഡിയോയും . ആവേശത്തോടെ FIR അവതാരകന്‍ പറഞ്ഞ പ്രസക്ത ഭാഗങ്ങള്‍ : പെണ്‍കുട്ടിയെ ഒരു ബസ്‌ ജീവനക്കാരന്‍ പ്രണയം നടിച്ചു ഓട്ടോയില്‍ മാടായിപ്പാറയില്‍ എത്തിക്കുന്നു .. പിന്നീട് സുഹൃത്തുക്കളെ ഫോണ്‍ ചെയ്യുന്നു .. അവര്‍ പെണ്‍കുട്ടിയെ ഓടിച്ചിട്ട്‌ പിടിച്ചു പൂര്‍ണ്ണ നഗ്നയാക്കുന്നു ...മൊബൈലില്‍ പകര്‍ത്തുന്നു ..പിന്നീടും ബ്ലാക്ക്‌ മെയില്‍ ചെയ്യുന്നു ... (അവതാരകന്‍ എരിവും പുളിയും ചേര്‍ത്ത് ഇത് വിവരിക്കുന്നത് കേള്‍ക്കുമ്പോള്‍ ആ യുവാക്കളുടെ കൂട്ടത്തില്‍ ഉണ്ടായിരുന്നെങ്കില്‍ എന്ന് ചിലരെങ്കിലും ആഗ്രഹിച്ചു പോകും :) ..അത്ര വിശദമായ കമന്ററിയും ദൃശ്യങ്ങളും ) ... അവസാനം പെണ്‍കുട്ടി ആത്മഹത്യ ചെയ്തു എന്നും ചാനലിന്റെ കണ്ടെത്തല്‍ .

ഇനി സംഭവത്തിന്റെ ക്ലൈമാക്സ്‌ :

സംഭവം വിവാദമായപ്പോള്‍ , ചില സ്ത്രീ സംഘടനകളുടെ പ്രതിഷേധവും പരാതിയും കൂടെ ആയപ്പോള്‍ കേരള പോലീസ് സൈബര്‍ സെല്‍ ഇത് അന്വേഷിക്കുകയും നിജസ്ഥിതി പുറത്ത് കൊണ്ടു വരികയും ചെയ്തു :

ആ വിഡിയോ ഒരു പീഡനദൃശ്യമല്ലെന്നും യുവതിയുടെ കൂടി അനുവാദത്തോടെ ഉത്തരേന്ത്യയില്‍ നിര്‍മിച്ച നീലച്ചിത്രമാണിതെന്നുമായിരുന്നു ആ കണ്ടെത്തല്‍ . ദൃശ്യത്തിലെ പെണ്‍കുട്ടിയുടെയും മറ്റുള്ളവരുടെയും ഭാഷ ഹിന്ദിയാണെന്നും പെണ്‍കുട്ടി ഉത്തരേന്ത്യക്കാരിയാണെന്നും അശ്ലീലരംഗത്തിന്റെ അഭിനയമാണ് ചിത്രത്തില്‍ പകര്‍ത്തിയതെന്നും കണ്ണൂര്‍ സബ് ഡിവിഷന്റെ കൂടി ചുമതലയുള്ള സ്‌പെഷല്‍ ബ്രാഞ്ച് ഡിവൈ.എസ്.പി പി.പി. സദാനന്ദന്‍ അറിയിച്ചു . ആരോ പ്രസ്തുത adult വീഡിയോയുടെ ശബ്ദം മായ്ച്ചു കളഞ്ഞു പകരം ഒരു ഓഡിയോ song മിക്സ്‌ ചെയ്യുകയും പിന്നീട് അത് ബ്ലൂ ടൂത്ത് വഴി മൊബൈലിലൂടെ പ്രചരിക്കുകയും ആയിരുന്നത്രെ... സംഭവവുമായി ചേര്‍ത്ത് നേരത്തേ മരിച്ച മറ്റൊരു പെണ്‍കുട്ടിയെ ഇതുമായി ബന്ധപ്പെടുത്തിയ മാധ്യമങ്ങള്‍ക്കെതിരെ നിയമനടപടിക്കൊരുങ്ങുകയാണ് കുട്ടിയുടെ ബന്ധുക്കള്‍ എന്നും കേള്‍ക്കുന്നു . ...

പിന്നീട് ഈ സംഭവത്തെ പറ്റി പ്രസ്തുത ചാനലുകളില്‍ ഒരു ഫോളോ അപ്പൊ , തെറ്റ് പറ്റിയതായ വിശദീകരണമോ കണ്ടില്ല ... അങ്ങിനെ ഒരു സംഭവമേ ഇല്ലാത്ത രീതിയില്‍ FIR അവതാരകന്‍ കുറ്റ കൃത്യങ്ങളുടെ ലോകത്തെ പുതിയ ഇക്കിളി കഥകളിലൂടെ കടന്നു പോയി .. എപ്പിസോഡ്‌ കണ്ടു കേരള സമൂഹത്തിലെ ധാര്‍മ്മിക ച്യുതിയെക്കുറിച്ചോര്‍ത്തു വികാരം കൊണ്ട പ്രേക്ഷകന്‍ വടിയായി .

ഇതിലും വലിയ തമാശയായി ഈ സംഭവവുമായി ബന്ധപ്പെട്ടു ജന്മഭൂമി പത്രത്തില്‍ വന്നത് .. ഈ ഇല്ലാക്കഥയെ ലവ് ജിഹാദുമായി ബന്ധപ്പെടുത്തി റിപ്പോര്‍ട്ട്‌ ചെയ്തത് നോക്കൂ

കണ്ണൂര്‍: മാടായിപ്പാറയില്‍ കാമുകനും കൂട്ടുകാരും ചേര്‍ന്ന്‌ ലൈംഗിക പീഡനത്തിന്‌ വിധേയയാക്കിയ യുവതി ആത്മഹത്യ ചെയ്ത സംഭവത്തില്‍ പ്രതികളെ അറസ്റ്റ്‌ ചെയ്ത്‌ നിയമനടപടിക്ക്‌ വിധേയമാക്കണമെന്ന്‌ മഹിളാമോര്‍ച്ച ജില്ലാ പ്രസിഡണ്ട്‌ സി.പി.സംഗീത ആവശ്യപ്പെട്ടു.

ലൗജിഹാദിന്റെ ഇരയാണ്‌ ആത്മഹത്യ ചെയ്ത യുവതി. കപട കാമുകന്‍ യുവതിയെ തന്ത്രത്തില്‍ മാടായിപ്പാറയിലെത്തിച്ച ശേഷം കൂട്ടുപ്രതികളുമായി ചേര്‍ന്ന്‌ യുവതിയെ വിവസ്ത്രയാക്കി പീഡിപ്പിച്ചെന്നാണ്‌ അറിയാന്‍ കഴിഞ്ഞത്‌. ഇതില്‍ മനംനൊന്ത്‌ യുവതി ആത്മഹത്യ ചെയ്യുകയായിരുന്നു. ( ജന്മഭൂമിപേജ് ഇവിടെ കാണാം )
======================

പിന്കുറി :
ഒരു ഉത്തരേന്ത്യന്‍ സെക്സ് സിനിമ, ബസ്‌ ജീവക്കാരന്റെ നേതൃത്വത്തിലുള്ള ഒരു മലയാള മാനഭംഗംആയെന്നും , പിന്നീടത്‌ കണ്ണൂരിലെ ആത്മഹത്യ ആയെന്നും കേള്‍ക്കുമ്പോള്‍ മലയാള വാര്‍ത്താചാനലുകളിലൂടെ പുറത്ത് വരുന്ന വാര്‍ത്തകള്‍ അണ്ണാക്ക് തൊടാതെ വിഴുങ്ങുന്നവര്‍ക്ക് ഒരു താക്കീതാണ് .... ഒരു സാമൂഹ്യ പ്രതിബദ്ധതയും ഇല്ലാതെ , നിജ സ്ഥിതി അന്വേഷിക്കാന്‍ മെനെക്കെടാതെ , റൂമിലുരുന്നുഎക്സ്ക്ലൂസിവുകള്‍ പടച്ചു വിടുന്ന ഒരു കൂട്ടം മാധ്യമ തൊഴിലാളി കള്‍ ആയി മാറിയിരിക്കുന്നു പോസ്റ്റ്‌ മോഡേണ്‍ മലയാള ജേര്‍ണലിസ്റ്റുകള്‍ എന്ന് ദുഃഖ ത്തോടെയാ ണെങ്കിലും തിരിച്ചറിയേണ്ടിയിരിക്കുന്നു ...
============

മറ്റൊരു വായനക്ക് :ആര്‍ത്തി തീരാത്ത താരങ്ങള്‍.!

വി എസിന് സീറ്റില്ല ???

2011-03-16T05:13:00.000-07:00

വി എസിന് സീറ്റില്ല ....(ന്യൂസ്‌ ) ??

ഇത് സത്യമാണെങ്കില്‍....
പറയണം ഔദ്യോഗിക സഖാക്കളെ ,

എന്താണ് വി എസ് ചെയ്ത തെറ്റ് ? ഭരണ നേട്ടങ്ങള്‍ എണ്ണിപറയുന്ന നിങ്ങള്‍ അതിനു നായകത്വം നല്‍കിയ മുഖ്യ മന്ത്രിയെ മാറ്റുന്നതെന്തിനു ?

വി എസ് എന്തോ വലിയ പാതകം ചെയ്തു എന്ന് പറയുന്നുണ്ടല്ലോ ..? ചില കാര്യങ്ങളില്‍ മുഖം നോക്കാതെ നടപടി എടുത്തു എന്നതും അഴിമതി വിഷയങ്ങളില്‍ തുറന്ന അഭിപ്രായ പ്രകടനം നടത്തി എന്നതുമാണോ ആ തെറ്റുകള്‍ .... ??????

പാര്‍ട്ടി എന്തോ സംഭവം ആണ് എന്ന് പറയുന്നല്ലോ .. ? ജനങ്ങള്‍ ആണ് പാര്‍ട്ടിയുടെ ശക്തി ..അല്ലാതെ അഴിമതിക്കാരും മാഫിയകളുമല്ല.. അറിയുക , ജനപക്ഷത്ത് നില്‍ക്കുന്ന പാര്‍ട്ടിക്കും നേതാവിനുമേ നിലനില്‍പ്പുള്ളൂ ....

ഇപ്പോള്‍ അറിയുന്നു ......മുന്നണിക്കപ്പുറമുള്ള അവിശുദ്ധ ബന്ധം രാഷ്ട്രീയക്കാര്‍ക്കിടയില്‍ ഉണ്ടെന്നു ! ആര് ഭരിച്ചാലും അവര്‍ക്ക് പേടിക്കേണ്ട എന്നും .. അതിഒരു അപവാദമായതാണ് വി എസ് ചെയ്ത തെറ്റ് എന്ന്..

സഖാവ് വി എസ് .. ഇപ്പോള്‍ ഞങ്ങള്‍ അറിയുന്നു .. കഴിഞ്ഞ അഞ്ചു വര്‍ഷത്തിനിടെ അങ്ങ് എത്രമാത്രം സഹിച്ചിട്ടുണ്ടെന്ന്‍ .സ്വന്തം പാര്‍ട്ടിക്കാരുടെ വരിഞ്ഞു മുറുക്കലിനിടയിലും താങ്കള്‍ ഇത്രയെങ്കിലും ജനങ്ങള്‍ക്ക്‌ വേണ്ടി ചെയ്തല്ലോ ... നന്ദിയുണ്ട് ... ഒരു നൂറു ചുവപ്പന്‍ അഭി വാദ്യങ്ങള്‍ !

താങ്കളോടൊപ്പം സാധാരണക്കാരായ ലക്ഷോപ ലക്ഷം ജനങ്ങള്‍ ഉണ്ട് .... അവരുടെ മനസ്സില്‍ താങ്കള്‍ക്കു എന്നും തങ്കത്താലുള്ള ഇരിപ്പിടമുണ്ട് .

വി എസിന് സീറ്റില്ലെങ്കില്‍ , ശീതികരിച്ച് മുറിയിരുന്ന് പാര്‍ട്ടിയെ നയിക്കുന്ന, ജനങ്ങളുടെ സ്പന്ദനങ്ങള്‍ അറിയാത്ത നേതാക്കളാല്‍ നയിക്കപ്പെടുന്ന ഇടതു മുന്നണിയെ ഈ തിരഞ്ഞെടുപ്പില്‍ ഒരു പാഠം പഠിപ്പിക്കേണ്ടതല്ലേ ..?

സ്മാര്‍ട്ട്‌ സിറ്റി കരാര്‍

2011-02-02T03:59:00.000-08:00

നാല് വത്സരം വൈകിയെങ്കിലെന്തു ,

നട്ടെല്ല് നിവര്‍ത്തി നില്‍പ്പൂ കേരളം

നന്ദി ചൊല്ലുന്നു സഖാവേ ,

നല്ലൊരു ബോധ്യപ്പെടുത്തലിന്

വികസനം മാനമേറി വരേണ്ടത്

അഭിമാനം കളഞ്ഞല്ല , അമ്മയെ വിറ്റുമല്ല

==========================

വിർച്വൽ റിയാലിറ്റി

2010-08-25T06:43:00.000-07:00

ചിലതു അങ്ങിനെയാണ്‌ ,തിരിച്ചു കിട്ടാനാവാത്ത വിധം നഷ്ടപ്പെടുമ്പോഴാണു പലതിന്റെയും വിലയറിയുക ... ഞാൻ വർക്കു ചെയ്യുന്ന മെഡിക്കൽ റിസർച്ച് സെന്ററിലെ ബയോ ഇൻഫൊർമാറ്റിക്സ് ഡിപാർട്ട്മെന്റിലെ ഞങ്ങളുടെ അഡവൈസറും ആക്റ്റിങ്ങ് ഹെഡ് ഉം ആയ , Prof Nicolas Georganas ദിവസങ്ങൾക്കു മുൻപു മരണത്തിന്റെ മഞ്ഞു പാളികൾ പുതച്ചു ഞങ്ങളെ എല്ലാവരെയും വിട്ടു യാത്രയായപ്പോഴാണ്‌ ഇത്തരമൊരു വികാരം വളരെക്കാലത്തിനു ശേഷം എന്നിൽ നിറഞ്ഞതു .

കനേഡിയൻ പൌരനായ പ്രൊഫ നികോളാസ് ജോർജാനസ്, internationally recognized പ്രൊഫസര്‍ ആയിരുന്നു എന്നതോ, വിർച്വൽ റിയാലിറ്റി ബേസ് ചെയ്തു അദ്ദേഹത്തിന്റെ മേൽനോട്ടത്തിൽ ഇവിടെ നിർമ്മിക്കുന്ന വിർച്വൽ തിയേറ്ററൊ , ഈ രംഗത്തെ (haptics ) അദ്ദേഹത്തിന്റെ അഗാധമായ അറിവോ പരിചയ സമ്പന്നതയോ അല്ല എനിക്കു ഇത്ര ദുഃഖം വരാൻ കാരണം, മറിച്ചു ഇന്ത്യയെയും ഇന്ത്യ ക്കാരെ വല്ലാതെ ഇഷ്ടപ്പെട്ടിരുന്ന പ്രതിഭാധനനായ ഒരാളുടെ തീർത്തും അപ്രതീക്ഷിതമായ ഒരു വിയോഗം ആയതിനാല്‍ ആണ്

അദ്ദേഹത്തിന് ഇന്ത്യയോടുള്ള ഇഷ്ടം പറയുന്നതിന് മുന്‍പ് അദ്ദേഹത്തെ ക്കുറിച്ച് ഒരല്പം ,

www.canadacouncil.ca എന്ന വെബ്‌ സൈറ്റില്‍ നിന്നും .

Dr. Georganas is a Fellow of the Institute of Electrical and Electronic Engineers (IEEE), . In 1998, he was selected as the University of Ottawa Researcher of the Year and received the University 150th Anniversary Medal for Research. Other recent honours include the Thomas W. Eadie Medal of the Royal Society of Canada, the Julian C. Smith Medal of the Engineering Institute of Canada, the President’s Award of the Ottawa Centre for Research and Innovation, the Bell Canada-Forum Award from the Corporate-Higher Education Forum, the Researcher Achievement Award from the TeleLearning Network of Centres of Excellence and the A.G. L. McNaughton Gold Medal and Award, the highest distinction of IEEE Canada.

2008 ല്‍ Secretary of the Academy of Science at the Royal Society of Canada തുടങ്ങി പല പദവികളും അദ്ദേഹത്തിന് ലഭിച്ചിട്ടുണ്ട് ... ഇവിടെ ഈ റിസര്‍ച്ച് സെന്ററിലെ bio-informatics department ല്‍ ഒരു വര്‍ഷത്തോളം ആയി അഡവൈസറും ഉം ആക്ടിംഗ് ഹെഡ് ഉം ആയി പ്രവര്‍ത്തിച്ചു വരികെ ഈ കഴിഞ്ഞ ജൂലൈ അവസാനത്തില്‍ ഇവിടെ വച്ച് ബ്രെയിന്‍ സ്ട്രോക്ക് വന്നു കോമ യില്‍ ആകുകയും തുടര്‍ന്ന് മരണപ്പെടുകയും ചെയ്തു ..

പറഞ്ഞു വരുന്നത് അദ്ദേഹത്തിന്റെ ഇന്ത്യന്‍ പ്രതിപത്തിയെക്കുറിച്ചാണ് ,

ഞാന്‍ ജോയിന്‍ ചെയ്യാന്‍ വന്ന ആദ്യ ദിവസം തന്നെ അദ്ദേഹം ഇന്ത്യയെക്കുറിച്ച് വളരെ മതിപ്പോടെ എന്നോട് ഒത്തിരി സംസാരിച്ചപ്പോള്‍ , സത്യത്തില്‍ അത്ഭുതപ്പെട്ടു പോയി , അദേഹത്തിന് ഇഷ്ടപ്പെട്ട ചില ഇന്ത്യന്‍ writers ക്കുറിച്ച് പറഞ്ഞപ്പോള്‍ , അദ്ദേഹത്തിന്റെ അത്രപോലും എനിക്ക് ആ കാര്യത്തില്‍ അറിവില്ലല്ലോ എന്നോര്‍ത്ത് അല്പം ലജ്ജയും തോന്നാതില്ല ..

ഇന്ത്യയിലെ IT അടക്കമുള്ള മേഖലയില്‍ പ്രൊഫഷണലുകളുടെ dedication നും ഹാര്‍ഡ് വര്‍ക്ക്‌ ഉം തന്നെ വല്ലാതെ ആകര്ഷിച്ചിട്ടുണ്ടെന്നും , ഇന്ത്യയിലെ culture അദ്ദേഹത്തിനു നന്നായി ബോധിച്ചിട്ടുണ്ടെന്നും സംസാരത്തില്‍ നിന്നും എനിക്ക് മനസ്സിലാക്കാന്‍ കഴിഞ്ഞു

പിന്നീട് ആഴ്ചയില്‍ ഒരിക്കല്‍ നടക്കാറുള്ള കോണ്‍ഫറന്‍സ്കളില്‍ പലതിലും മറ്റു പല രാജ്യക്കാരും ഇരിക്കെ തന്നെ different ഇഷ്യൂസ് ചര്‍ച്ചക്ക് വരുമ്പോള്‍ അതിനോട് ചേര്‍ത്ത് ഇന്ത്യയെ വളരെ നല്ല രീതിയില്‍ പരാമര്‍ശിക്കുകയും ചെയ്തിരുന്നു .

ഉദാഹരണത്തിനു , ഇക്കഴിഞ്ഞ മെയ്‌ മാസത്തില്‍ നടന്ന World Hand Hygiene Day 2010 function ല്‍ വച്ച് അദ്ദേഹം പറഞ്ഞു ഇന്ത്യക്കാരുടെ അഭിവാദന രീതി എല്ലാവരും മാതൃക ആക്കണം , കാരണം കൈ കൂപ്പി നമസ്തേ എന്ന് പറയുമ്പോള്‍ ഷേക്ക്‌ ഹാന്‍ഡ്‌ നെ അപേക്ഷിച്ച് ബാക്ടീരിയ യും മറ്റും പകരാനുള്ള സാധ്യത തീരെ ഇല്ല .

പലപ്പോഴും കോറിഡോറില്‍ വച്ച് എന്നെ കാണുമ്പോള്‍ ഞാന്‍ വെസ്റ്റേണ്‍ സ്ലാന്ഗ് ഒപ്പിക്കാന്‍ പാടുപെട്ടു ഗുഡ് മോര്‍ണിംഗ് പറയുമ്പോഴേക്കും അദ്ദേഹം കൈ രണ്ടും കൂപ്പി മന്ദഹസിച്ചു കൊണ്ട് നമസ്തേ എന്ന് പറയുമായിരുന്നു . ..

ഒരിക്കല്‍ കോണ്‍ഫറന്‍സ് നടക്കവേ നമുക്ക് കുറച്ചു ബയോ - ഇന്ഫോര്‍മാറ്റിഷ്യന്‍സിനെ നെ വേണം എന്ന് ആരോ അഭിപ്രായപ്പെട്ടപ്പോള്‍ , അദ്ദേഹം പറഞ്ഞു നമുക്ക് ഇന്ത്യയില്‍ നിന്ന് മതി എന്ന് .., എന്നിട്ട് അഞ്ചു മിനുട്ടോളം ഇന്ത്യയിലെ IT യിലെയും ‌ മെഡിക്കല്‍ രംഗത്തെയും ലെയും മുന്നേറ്റത്തെക്കുറിച്ച് വാചാലനായി. ഇടക്കെ എന്റെ നേരെ നോക്കി ചോദിച്ചു

" വാട്ട്‌ എബൌട്ട്‌ യുവര്‍ പ്ലേസ് കേരള ? ഈസ്‌ തേര്‍ ഗുഡ് സ്കോളേഴ്സ് ഹു ആര്‍ വില്ലിംഗ് ടു കം ഓവര്‍ ഹിയര്‍ ? കാന്‍ വി ട്രൈ എ ഹണ്ട് ?

ഞാന്‍ പറഞ്ഞു , "Honestly, മൈ പ്ലേസ് ഈസ്‌ 100 % literate and well educated when comparing other states of ഇന്ത്യ."

ഉടനെ അദ്ദേഹത്തിന്റെ അടുത്ത ചോദ്യം : Good‍, By the way , I like to ask you why you people are going abroad while you have lots of opportunities there in India itself. I know India is developing impressively .

ആ ചോദ്യത്തിന് മുന്‍പില്‍ ഒരു നിമിഷം ഞാന്‍ ഉത്തരം മുട്ടി ... , പ്രവാസം ഞങ്ങളുടെ രക്തത്തില്‍ അലിഞ്ഞു ചേര്‍ന്നിരിക്കുന്നു വെന്നും ,ചന്ദ്രനില്‍ rocket പോയിത്തുടങ്ങിയാല്‍ അവിടെ ആദ്യം ചായക്കട ഇടുന്നത് ഞങ്ങള്‍ മലയാളികള്‍ ആകുമെന്നും , നാട്ടില്‍ അത്യാവശ്യം കഴിഞ്ഞു കൂടാന്‍ വക ഉണ്ടായാല്‍ തന്നെ , അതൊക്കെ ഒഴിവാക്കി , വ്യാജ വിസ വരെ എടുത്തു വന്നു വിദേശങ്ങളില്‍ ജയിലില്‍ കിടക്കാന്‍ ഞങ്ങള്‍ തയ്യാറാകും എന്നും ഒക്കെ എങ്ങിനെ തുറന്നു പറയാന്‍ ..

ഞാന്‍ ഇത്രമാത്രം പറഞ്ഞു ഒപ്പിച്ചു ," we are looking for better professional career "

സൗദി govt ന്റെ കീഴിലുള്ള ഈ മെഡിക്കല്‍ സിറ്റിയില്‍ മറ്റു പല department ലും ധാരാളം ഇന്ത്യക്കാര്‍ ഉണ്ടെങ്കിലും , ഇന്റര്‍നാഷനല്‍ മെഡിക്കല്‍ റിസര്‍ച്ച് സെന്റര്‍ (bio -informatics dept) ല്‍ ഒരു മധ്യ പ്രദേശുകാരന്‍ കൂടി വന്നപ്പോള്‍ ഞങ്ങള്‍ രണ്ടു ഇന്ത്യക്കാരായി. ഞങ്ങള്‍ രണ്ടു പേരെയും പ്രൊഫസര്‍ ഒരു പാട് സഹായിച്ചിട്ടുണ്ട് .. നല്ല പരിഗണന തന്നിട്ടുണ്ട് ... എത്രത്തോളം എന്ന് വച്ചാല്‍ , സാധാരണ മൂന്നു മാസത്തെ പ്രബേഷന്‍ പീരീഡ്‌ കഴിഞ്ഞു evaluation നടത്തി ആണ് പെര്‍മനെന്റ് കോണ്ട്രാക്റ്റ് സൈന്‍ ചെയ്യുക ,

ഞങ്ങളുടെ രണ്ടു പേരുടെയും കാര്യത്തില്‍ ഒന്നര മാസം കൊണ്ട് തന്നെ പെര്‍മനെന്റ് കോണ്ട്രാക്റ്റ് ഒപ്പിട്ടു .. എന്റെ അതെ കാലയളവില്‍ വന്ന ഒരു അയര്‍ലണ്ട് കാരി അടക്കമുള്ള പലരുടെയും കോണ്ട്രാക്റ്റ് മൂന്നു മാസത്തിനു ശേഷമാണ് ഒപ്പിട്ടത് എന്നറിയുമ്പോള്‍ ഞങ്ങള്‍ക്ക് പ്രൊഫസര്‍ തന്നത് വലിയൊരു പരിഗണന തന്നെയാണ് . അതിനു അദ്ദേഹത്തെ പ്രേരിപ്പിച്ചതോ ഇന്ത്യക്കാരോടും ഉള്ള വിശ്വാസവും മതിപ്പും സ്നേഹവും ഒന്ന് മാത്രം.

ആ സ്നേഹത്തിനു മുന്‍പില്‍, അദ്ദേഹത്തിന്റെ വേര്‍പ്പാടില്‍ , നിറമിഴികളോടെ ഈ ഒരു പോസ്റ്റ്‌ എങ്കിലും എഴുതിയെല്ലെങ്കില്‍ പിന്നെ ഞാന്‍ നന്ദിയുള്ള ഒരു ഭാരതീയന്‍ ആകുന്നതെങ്ങിനെ ?

കുഴിയാനയോ...?അതെന്താണ് ..?..

2010-03-24T06:55:00.000-07:00

ചിരട്ടയെടുത്ത് മൂന്നു വയസ്സ് പ്രായമാകുന്ന മകന്റെ കൂടെ മണ്ണപ്പം ചുടാനായി മുറ്റത്തേക്ക് ഇറങ്ങിയപ്പോള്‍ , സത്യത്തില്‍ രണ്ടു ഉദ്ദേശം ഉണ്ടായിരുന്നു മനസ്സില്‍ .. ഒന്ന് നമ്മള്‍ ഒക്കെ വളര്‍ന്നു വന്ന പോലെ , കൊച്ചു കൊച്ചു കാര്യങ്ങളുടെ രാജകുമാരനായി (പ്രിന്‍സ് ഓഫ് സ്മാള്‍ തിങ്ങ്സ്‌ ) , മണ്ണിനോടും പ്രകൃതിയോടും പ്രണയിച്ചും കലഹിച്ചും എന്റെ കുഞ്ഞും വളരട്ടെ എന്ന ഒട്ടും മായം ചേര്‍ക്കാത്ത മോഹം . രണ്ടു , മിക്കവരെയും പോലെ തന്നെ ഏറ്റവും സന്തോഷകരം ആയി കഴിഞ്ഞു പോയ എന്റെ കുട്ടിക്കാലം ഓര്‍ത്തെടുക്കാനുള്ള ആഗ്രഹവും ....

ചിരട്ടയില്‍ മണ്ണ് നിറച്ചു അല്പം വെള്ളം ചേര്‍ത്ത് ഞങ്ങള്‍ പുട്ട് ചുടുവാന്‍ തുടങ്ങിയപ്പോള്‍ , എന്റെ മകന്‍ സന്തോഷം കൊണ്ട് തുള്ളി ചാടി ..ഒരു പക്ഷെ ഞാന്‍ വരുമ്പോള്‍ കൊണ്ട് വന്ന ചൈനീസ്‌ കളിപ്പാട്ടങ്ങളെക്കാളും അവനു സന്തോഷം തോന്നിയത് ഇപ്പോഴാണ് എന്ന് തോന്നുന്നു , ( മുറ്റം ഇന്റര്‍ ലോക്ക് കട്ടകള്‍ പതിക്കണം എന്ന പലരുടെയും ശക്തമായ അഭിപ്രായം തള്ളിക്കളഞ്ഞത് എത്ര നന്നായി , അല്ലെങ്കില്‍ ഞങ്ങള്‍ എങ്ങിനെ മണ്ണില്‍ കളിക്കും ) . കളിക്കിടയില്‍ മുറ്റത്തെ തെങ്ങില്‍ തൂങ്ങി നില്‍ക്കുന്ന പച്ച ഓലയെടുത്തു ഞാന്‍ അവനു വാച്ച് ഉണ്ടാക്കി കൊടുത്തു , തിരിയുന്ന പങ്കയും. (പഴയത് പലതും മറന്നിട്ടില്ല എന്നത് എന്നെ സമാധാനപ്പെടുത്തി ) ...

പിന്നെ പലതും അവനു ഉണ്ടാക്കി കൊടുക്കണം എന്ന് എനിക്കുണ്ടായിരുന്നു .. പഴയ ഹവായി ചെരുപ്പ് വട്ടത്തില്‍ മുറിച്ചു വണ്ടി ഉണ്ടാക്കി കൊടുക്കണം എന്നും മറ്റും ..പക്ഷെ ഹവായി ചെരിപ്പെവിടെ ? എളുപ്പത്തില്‍ വട്ടത്തില്‍ മുറിക്കാന്‍ ഉലക്കയും ഇല്ല . പണ്ട് ഈന്തപ്പന ഓലകള്‍ കൊണ്ട് കുഞ്ഞു വീടുകള്‍ ഉണ്ടാക്കി , അയല്‍പക്കത്തെ കുഞ്ഞമ്മയുടെ ദാസന്റെ നേതൃത്വത്തില്‍ നാടകം കളിച്ചതും ഓര്‍മ്മകളില്‍ നിറഞ്ഞു നിന്നു. എന്ത് സ്നേഹമായിരുന്നു അയല്‍പക്കത്തെ കൂട്ടുകാരോട് .. ചെറിയ വേലിക്കപ്പുറത്ത്‌ നിന്നു പെട്ടെന്ന് ആഗ്യം കാണിച്ചു കളിക്കാന്‍ വിളിക്കുമായിരുന്നു .ഇന്ന് കൊച്ചു കൂട്ടുകാര്‍ക്ക് കുഞ്ഞി കൈകള്‍ കൊണ്ട് മുതിവര്‍ ഉണ്ടാക്കി വച്ച പല തരം "മതിലുകള്‍" തകര്‍ക്കാന്‍ കഴിയില്ലല്ലോ ? ...

"ദേ.. ബാപ്പയും മോനും മണ്ണില്‍ കളിക്കുകയാണോ ?" .. അല്പം പരിഭവത്തോടെ സിറ്റ് ഔട്ടില്‍ നിന്നു ഭാര്യ ചോദിച്ചത് കേട്ട് ഞാന്‍ തിരഞ്ഞു നോക്കി ..
" ഉം ..?."
" അല്ല .., മണ്ണിലും വെള്ളത്തിലും കളിച്ചാല്‍ അവനു കഫക്കെട്ടിന്റെ അസുഖം വരും .." നിങ്ങള്ക്ക് ഇത് എന്ത് പറ്റി ..?"

ഞാന്‍ അവളോട്‌ അല്പം ചൂടായും, ഗൌരവത്തോടെയും മറുപടിയായി പലതും പറഞ്ഞു ... അതിന്റെ രത്നച്ചുരുക്കം ഇങ്ങിനെയായിരുന്നു ..

"ചുറ്റുപാടുകളുമായി ഒരു ബന്ധവും ഇല്ലാതെ കൂട്ടില്‍ അടച്ചിട്ട ബ്രോയിലര്‍ കോഴികളെ പോലെ വളര്‍ത്തുന്നത് കൊണ്ടാണ് ഇപ്പോഴത്തെ കുട്ടികള്‍ക്ക് മാനസികവും ശാരീരികവും ആയ ആരോഗ്യം ഇല്ലാതെ ആയിത്തീരുന്നത് ,
കുട്ടികളെ വീട്ടിനുള്ളില്‍ തന്നെ പിടിച്ചു ഇരുത്താനായി ടി വിയും , അനിമേഷന്‍ സി ഡിയും മറ്റു കാണിച്ചു കൊടുത്താല്‍ , ഒട്ടും creative അല്ലാത്ത അത്തരം വിനോദങ്ങള്‍ കാരണം കുട്ടികള്‍ നിസ്സംഗരായി വളരും.. ഓര്‍ക്കാന്‍ ഒരു ബാല്യമോ കൗമാരമോ ഇല്ലാതെ , നമ്മള്‍ തന്നെ വാങ്ങി കൊടുക്കുന്ന നിര്‍വ്വികാരങ്ങളായ കളിപ്പാട്ടങ്ങള്‍ കണക്കെ ആയി തീരും ( പല കളിപ്പട്ടങ്ങളിലും വിഷാംശം ഉള്ള രാസവസ്തുക്കള്‍ ഉണ്ടത്രേ ). അങ്ങിനെ ഒന്നിനും കൊള്ളാത്ത ഒരാളായി എന്റെ മകന്‍ വളരേണ്ട " ...

ഏതായാലും മുറ്റത്തേക്ക് ഇറങ്ങി ... ഇനി രണ്ടാലൊന്ന് ആയിട്ട് തന്നെ കാര്യം . ഇനി അടുത്തത് തോട്ടില്‍ പോയി ഒരു കുളി ആവാം . എന്റെ വീടിനു താഴ് ഭാഗത്ത്‌ ഏകദേശം അടുത്തായി വലിയൊരു തോട് ഒഴുകിയിരുന്നു പണ്ട് .. ഒരുപാട് കുട്ടികള്‍ വന്നു കുളിക്കുമായിരുന്നു അന്ന് , കല്ല്‌ ആഴങ്ങളിലേക്ക് ഇട്ടു മുങ്ങി എടുക്കുക , നീന്തി തൊട്ടു കളിക്കുക തുടങ്ങിയ കളികള്‍ പലതും, പിന്നെ ചൂണ്ട ഇട്ടും തോര്‍ത്ത്‌ കൊണ്ട് കോരിയും മീനിനെപ്പിടിച്ചു , ചേമ്പിലയില്‍ കുമ്പിള്‍ കുത്തി വെള്ളം നിറച്ചു , മീനിനെ കിണറ്റില്‍ കൊണ്ട് ഇടുമായിരുന്നു .

ആ പഴയ ഓര്‍മ്മകള്‍ എന്നില്‍ തികട്ടി വന്നപ്പോള്‍ ഞാന്‍ ഭാര്യയോടു പറഞ്ഞു .. നീ ആ തോര്‍ത്ത്‌ മുണ്ട് എടുക്കു ഞാന്‍ തോട്ടില്‍ നിന്നും കുളിച്ചു വരട്ടെ..,

ഭാര്യ ചിരിച്ചു കൊണ്ട് ചോദിച്ചു ." ആ തോട്ടില്‍ എപ്പോള്‍ ആരും കുളിക്കാറില്ലെന്ന് നിങ്ങള്‍ക്കു അറിയില്ലേ ..? അവിടെ ഇപ്പോള്‍ കോഴിക്കടയില്‍ നിന്നും മറ്റും വലിച്ചെറിയുന്ന അവശിഷ്ടങ്ങളും , ചില പാടങ്ങളില്‍ നിന്നു ഒഴുകി വരുന്ന കീടനാശിനി കലര്‍ന്ന അഴുക്കു വെള്ളവും മാത്രമേ ഉള്ളൂ .. ആരും അതില്‍ ഇറങ്ങുക പോലും ചെയ്യാറില്ല ."

ഞാന്‍ തോടിനരികില്‍ നടന്നു , ആരെങ്കിലും ഒരാള്‍ എങ്കിലും കുളിക്കുന്നുണ്ടാകും എന്ന് ന്യായമായും ഞാന്‍ പ്രതീക്ഷിച്ചു ..തോട് രണ്ടു അരികും പഞ്ചായത്ത് വക കോണ്ക്രീറ്റ് കെട്ടി ഭംഗിയാക്കിയിരിക്കുന്നു. പക്ഷെ അല്പം ഉള്ള വെള്ളത്തിന്‌ ചുകപ്പു കലര്‍ന്ന നിറം ..അതില്‍ ഇറങ്ങി കുളിക്കാന്‍ പോയിട്ട് കാലു കഴുകാന്‍ വരെ തോന്നില്ല ... എന്റെ മകനടക്കമുള്ള വളര്‍ന്നു വരുന്ന ഒരു വലിയ തലമുറയ്ക്ക് അതൊക്കെ നഷ്ടമാകുകയാണല്ലോ എന്നോര്‍ത്ത് മനസ്സ് വേദന പൂണ്ടു ..

തിരിച്ചു വീട്ടില്‍ വന്നു നീ കുഴിയാനയെ കണ്ടിട്ടില്ലല്ലോ വാ ഞാന്‍ പിടിച്ചു തരാം എന്നും പറഞ്ഞു , കയ്യില്‍ ഒരു ഈര്‍ക്കില്‍ കമ്പ് എടുത്തു, മകനെ കൈ പിടിച്ചു വീണ്ടും മുറ്റത്തേക്കിറങ്ങി , വീടിനു ചുറ്റും നടന്നു..ഇല്ല ..കുഴിയാനയുടെ ഒരു കുഴി പോലുമില്ല .. വില്‍ക്കാനായി വച്ച ആളൊഴിഞ്ഞ തൊട്ടു അടുത്ത വീട്ടിനു ചുറ്റിലും ഞാന്‍ നടന്നു ..ഇല്ല എവിടെയും ഒരു കുഴിയാനയുടെ കുഴി പോലും ഇല്ല ..പറഞ്ഞിട്ടെന്തു .പറന്നു നടക്കുന്ന തുമ്പികളും ഇല്ലാതായല്ലോ ...ആരാണ് ഉത്തരവാദികള്‍ ?

വലുതാകുമ്പോള്‍ എന്റെ മകന്‍ ഷെല്‍ഫില്‍ ഞാന്‍ സൂക്ഷിച്ചു വച്ച വൈക്കം മുഹമ്മദ്‌ ബഷീറിന്റെ കൃതികള്‍ വായിക്കുമായിരിക്കും , അന്ന് "ന്റുപ്പൂപ്പാക്കൊരു ആനയുണ്ടാര്‍ന്നു" എന്ന പുസ്തകം വായിച്ചു അവസാനം ക്ലൈമാക്സില്‍ എത്തുമ്പോള്‍ അവന്‍ മനസ്സിലാകാതെ നെറ്റി ചുളിക്കും .. ? ഇങ്ങിനെ ആത്മഗതം ചെയ്തേക്കാം

കുഴിയാനയോ ?.....അതെന്താണ് ..?..

തിരിച്ചു വരവുകള്‍ !!

2010-03-15T04:08:00.000-07:00

ആറു മാസത്തെ ഇടവേളയ്ക്കു ശേഷം വീണ്ടും ബ്ലോഗിലേക്ക് ഒരു തിരിച്ചു വരവ് ?!!! വ്യത്യസ്ത ചര്‍ച്ചകള്‍ക്കിടയിലും വളരെ നന്നായി ഇടപഴകിയ , നല്ലവരായ ഒരു കൂട്ടം ബ്ലോഗ്ഗര്‍ മാരെ വിട്ടു അകന്നു നില്‍ക്കാന്‍ തോന്നിയതിനു പിന്നിലെ ചേതോ വികാരം എന്തായിരുന്നു ? വലിയ അഭിപ്രായ സംഘട്ടനങ്ങള്‍ക്കിടയിലും, പലരിലും അന്തര്‍ലീനമായ സ്നേഹവും ഗുണകാംക്ഷയും എനിക്ക് പ്രത്യക്ഷത്തില്‍ തന്നെ തിരിച്ചറിയാന്‍ കഴിഞ്ഞിട്ടുമുണ്ട് , എന്നിട്ടും .. എന്തിനായിരുന്നു ഈ വലിയ ഇടവേള ?

പറയാം ....ആരും മറന്നിട്ടില്ല എന്നറിയാം . അത്, എവിടെ എന്ന് ചിലരുടെ ഇമെയില്‍ അന്വേഷണങ്ങള്‍ കണ്ടത് കൊണ്ട് മാത്രമല്ല ..പല ബ്ലോഗു പോസ്റ്റുകളിലെ കമ്മന്റുകളിലും എന്നെ ഓര്‍ക്കുന്നതായി കണ്ടു ... ഏറ്റവും കൂടുതല്‍ സ്നേഹം അഭിപ്രായ വ്യത്യാസം ഉള്ളവര്‍ക്കായിരുന്നു എന്നതാണ് സത്യം . എനിക്കും ശരിക്കും മിസ്സ്‌ ചെയ്തതായി തോന്നിയത് അവരെ ഒക്കെ തന്നെയായിരുന്നു .. .

പല പഴയ പോസ്റ്റുകളും വായിച്ചു വരുന്നു .... വനവാസത്തിന്റെ കാരണങ്ങള്‍ പറയാം .. അതിനു മുന്‍പ് , ഒരു ചെറിയ ആശങ്ക തോന്നുന്നത് ബൂലോകം അനാവശ്യമായി കലുഷമാകുന്നുണ്ടോ എന്നതാണ് .. അവനവന്റെ ആശയങ്ങള്‍ പറയുന്നതില്‍ തെറ്റില്ല പക്ഷെ എന്തിനാണ് മറ്റുള്ളവരുടെ വിശ്വാസങ്ങളെ അനാവശ്യമായി വ്യാഖ്യാനിക്കാന്‍ നില്‍ക്കുന്നത് ? ഉദാഹരണത്തിന് ബൈബിളിനെക്കുറിച്ചും വിശിഷ്യാ ക്രിസ്ത്യന്‍ വിശ്വാസങ്ങളെ ക്കുറിച്ചും പറഞ്ഞു തരേണ്ടത്‌ ,ക്രിസ്താനികള്‍ തന്നെയാണ് അല്ലാതെ മുസ്ലിം ബ്ലോഗ്ഗര്‍മാര്‍ അല്ല.. ( ഒരു ക്രിസ്ത്യന്‍ സുഹൃത്തുമായി സംസാരിക്കാന്‍ അവസരം കിട്ടിയപ്പോഴാണ്, മുന്‍പ് കുറെയേറെ വായിച്ചിട്ടുണ്ടെങ്കിലും, അതിനേക്കാള്‍ ഏറെ എനിക്ക് ക്രിസ്തുമതത്തെക്കുറിച്ച് കൂടുതല്‍ മനസ്സിലാക്കാന്‍ കഴിഞ്ഞത് )

പറയട്ടെ , മറ്റു വഴികള്‍ മോശമാകുന്നു എന്ന് പറയുന്നതിനേക്കാള്‍ എപ്പോഴും അഭികാമ്യം താന്‍ തിരഞ്ഞെടുത്ത വഴിയുടെ മേന്മകള്‍ കാണിച്ചു കൊടുക്കുന്നതാണ് , .. ഒരര്‍ത്ഥത്തില്‍ അതാണ്‌ ശരിയായ സംവേദന ശൈലി , പരസ്പര വിശ്വാസവും സ്നേഹവും കേള്‍ക്കാനുള്ള മനസ്സും സര്‍വ്വോപരി സമാധാനവും സംജാതമാകുക അപ്പോഴാണ്‌ ... അല്ലാത്ത പക്ഷം വിദ്വേഷവും മടുപ്പും ആണ് ഉണ്ടാവുക . സ്നേഹമാകുന്ന മധുരം ചേര്‍ത്ത് വിളമ്പുന്നതാണ്, വിദ്വേഷത്തിന്റെ കയ്പ്പ് കലര്തുന്നതിനേക്കാള്‍ നല്ലത് എന്നാണു എന്റെ പക്ഷം.

ലോക ചരിത്രത്തിലെ പ്രവാചകന്റെ സ്ഥാനം മനസ്സിലാക്കാതെ ചിലര്‍ അദ്ദേഹത്തിന്റെ വിവാഹങ്ങളെ ബേസ് ചെയ്തു വളരെ മോശമാക്കി ചിത്രീകരിച്ചത് കണ്ടപ്പോഴും തോന്നിയത് ഇത് തന്നെ. അന്ധമായ വിദ്വേഷം ഒരാളുടെ നന്മകളെ മൂടി വെക്കാന്‍ നമ്മെ പ്രേരിപ്പിക്കരുത് . അദ്ദേഹത്തിന്റെ ദര്‍ശനത്തോട്‌ വിയോജിക്കുമ്പോള്‍ തന്നെ , താന്‍ ജീവിച്ചിരുന്ന കാലഘട്ടത്തില്‍ ഒരുപാട് വിപ്ലവകരമായ , ഗുണകരമായ , മാറ്റങ്ങള്‍ നടപ്പില്‍ വരുത്തിയ ഒരു വലിയ മനുഷ്യ സ്നേഹിയായിരുന്നു പ്രവാചകന്‍ എന്നത് പലര്‍ക്കും നിഷേധിക്കാനാവാത്ത വസ്തുതയാണ് ,

പറഞ്ഞു വന്നതിന്റെ സാരം ഇതാണ് ... ന്യായമായ വിമര്‍ശനങ്ങള്‍ ആവാം , അത് പക്ഷെ വ്യക്തിപരവും സാമൂഹികവുമായ അവഹേളനമോ, അധിക്ഷേപിക്കലോ ആവരുത് എന്ന് മാത്രം .

അതൊക്കെ പോട്ടെ, ആദ്യം പറഞ്ഞു വന്നത് എന്റെ ബ്ലോഗിലെ തിരോധാനത്തെക്കുറിച്ചാണല്ലോ ... അതെ നമുക്ക് അല്പം പിറകിലോട്ടു പോകാം അതായത് 2009 സെപ്റ്റംബര്‍ മാസം ഞാന്‍ നാട്ടില്‍ പോകാനൊരുങ്ങുന്ന കാര്യം അവസാന പോസ്റ്റില്‍ പറഞ്ഞിരുന്നുവല്ലോ ... ബ്ലോഗ്ഗര്‍ ആയതിനു ശേഷമുള്ള ആദ്യ മടക്ക യാത്ര ..! നിറയെ ബ്ലോഗ്‌ അനുഭവങ്ങള്‍ തന്ന, ഒത്തിരി ബ്ലോഗ്ഗര്‍ മാരെ നേരില്‍ കണ്ട സുഖമുള്ള ഒരു അവധിക്കാലം .. , ബഹറിന്‍ എയര്‍പോര്‍ട്ടില്‍ എത്തിയപ്പോള്‍ എന്നെ കാണാന്‍ സജി അച്ചായനും , നട്ടപ്പിരാന്തനും വന്നു .. തിരക്കിനിടയിലും എന്നെ കാണാന്‍ മാത്രമായി അത്രയും റിസ്ക്‌ എടുത്തു അവര്‍ വന്നപ്പോള്‍ , ആദ്യമായി നേരില്‍ കണ്ടപ്പോള്‍ വളരെ സന്തോഷം തോന്നി ..., അക്ഷരങ്ങള്‍ തന്ന സ്നേഹ ബന്ധം , അത്ര ഉപരിപ്ലവമല്ലെന്ന് ബോധ്യം വന്നു . (പിന്നെ , അച്ചായന്‍ ഫോട്ടോയില്‍ കാണുന്നതിനേക്കാള്‍ ഫെയര്‍ ആണ് ! നട്ടു ആണെങ്കിലോ പ്രൊഫൈലില്‍ കാണുന്നതിനേക്കാള്‍ നിഷ്കളങ്കനും .) വരട്ടെ, ദൈവം അനുഗ്രഹിച്ചാല്‍ , ഒരിക്കല്‍ കൂടി അവരെ കാണാനായി ബഹറിനില്‍ പോകണം...

നാട്ടില്‍ എന്നെ ശരിക്കും ഹെല്പ് ചെയ്തത് കൊട്ടോട്ടിക്കാരന്‍ സാബു ആണ് , എന്നെ തിരക്കി വീട്ടില്‍ വന്നു എന്ന് മാത്രമല്ല മറ്റു ബ്ലോഗ്ഗേസുമായി ബന്ധപ്പെടുത്തിയതും കൊട്ടോട്ടിക്കാരന്‍ ആണ് , പത്തു കിലോമീറ്റര്‍ പരിധിയില്‍ ഉള്ള ഞങ്ങളെ പരസ്പരം പരിചയപ്പെടുത്തിയത് പക്ഷെ ബ്ലോഗ്‌ ആയിരുന്നു എന്ന് മാത്രം .... സാബുവിന്റെ , വീട്ടിലേക്കുള്ള വരവ് വെറുതെയായില്ല , പിന്നീട് മറ്റു ചില പ്രമുഖ ബ്ലോഗ്ഗേര്‍സിനു ചായ കൊടുക്കാനുള്ള ഭാഗ്യം എനിക്ക് ലഭിച്ചു ...,

ചികിത്സക്കായി പോക്കുന്നതിനിടയില്‍ ബ്ലോഗ്ഗര്‍ ഹാറൂണ്‍.പി (കണ്ണൂര്‍ ) യും മക്കളും , പിന്നീട് അലി ചെമ്മാട് എന്ന ബ്ലോഗ്ഗെറും , പിന്നെ ജ്യോനവന്റെ ഭൗതിക ശരീരം എയര്‍പോര്‍ട്ടില്‍ എത്തിയപ്പോള്‍ receive ചെയ്യാന്‍ വന്ന അരീക്കോടന്‍ മാഷ് , വികടശിരോമണി, അനില്‍ @ ബ്ലോഗ്‌ , മിന്നാമിനുങ്ങ്‌ , വിഷ്ണു പ്രസാദ് , ടിജോ തുടങ്ങിയവരും വീട്ടില്‍ വന്നപ്പോള്‍ അത് സുഖമുള്ള ഒരു ഓര്‍മ്മയായി ...പിന്നെ അങ്ങ് ഇരിങ്ങാലക്കുടയില്‍ നിന്നും ബ്ലോഗ്ഗര്‍ ഖാദര്‍ പട്ടേപ്പാടം സുഹൃത്തിനോടൊപ്പം വന്നു ബഷീര്‍ കൃതികളെ അടിസ്ഥാനമാക്കിയുള്ള ഗാന സമാഹാരത്തിന്റെ സി ഡി തന്നത് , ഞങ്ങള്‍ ഒരുമിച്ചു ബാബു രാജിന്റെ മകളുടെ വീടന്വേഷിച്ച്‌ പോയത് , എല്ലാം

വേറിട്ട ഒരനുഭവമായി

ബ്ലോഗ്ഗിലെ ചെറു പരിചയത്തിനപ്പുറം, എത്രെയോ കാലമായി ഒന്നിച്ചുള്ള സുഹൃത്തുക്കളെ പോലെ തോന്നി , ഒട്ടും അപരിചത്വം നിഴലിക്കാതെ , പറഞ്ഞു വച്ചതിന്റെ തുടര്‍ച്ച പോലെ പെരുമാറി, വീട്ടിലിരിക്കവേ , എല്ലാവരും .എനിക്കാകട്ടെ . മനസ്സില്‍ എന്നെന്നും തങ്ങി നില്‍ക്കുന്ന നനുത്ത ഒരു അവധിക്കാല ഓര്‍മ്മയും..

അവധിക്കാലം കഴിഞ്ഞു നവംബര്‍ ആദ്യവാരത്തില്‍ തിരിച്ചെത്തി എന്നത് സത്യം തന്നെ , പക്ഷെ ... പിന്നീട് ഇത്രയും ഗ്യാപ്പ് ? ബ്ലോഗ്‌ മടുത്തിട്ടാണോ ? ഏയ് അല്ലെ അല്ല... മറ്റെന്തിനെക്കാളും നല്ല ബന്ധങ്ങള്‍ക്ക് മുന്‍ ഗണന കൊടുക്കുന്ന ഞാന്‍ ഇതൊക്കെ വിട്ടു എവിടെ പോകാന്‍ .. അതും ബൂലോകം ഇത്ര നല്ല പരിഗണനയും സൗഹൃദവും തരുമ്പോള്‍ ..? .

തിരിച്ചെത്തിയപ്പോള്‍ ജീവിതത്തിലെ ഒരു വലിയ വഴിത്തിരിവ് എന്നെ കാത്തു കിടപ്പുണ്ടായിരുന്നു. ഇവിടുത്തെ(സൗദി ) govt സെക്ടറില്‍ ഉള്ള ഒരു scientific research സെന്റെറില്‍ ജോലിക്കായി ഒരു വര്ഷം മുന്‍പ് ഞാന്‍ ഒരു ഇന്റര്‍വ്യൂ അറ്റന്‍ഡ് ചെയ്തിരുന്നു . ഞാന്‍ selected ആയെന്നും , അല്പം ചില പേപ്പര്‍ വര്‍ക്ക്‌ കൂടി കഴിഞ്ഞു , വിസ ചെയ്ച്ചിംഗ് ഉള്‍പ്പെടെ ബാക്കി പ്രൊസസ്സിംഗിനായി എന്നോട് പെട്ടെന്ന് ഡല്‍ഹിയിലേക്കു മടങ്ങി, അവിടുത്തെ ഏജന്‍സിയില്‍ റിപ്പോര്‍ട്ട്‌ ചെയ്യാനും ആവശ്യപ്പെട്ടു ..അപ്രകാരം പഴയ ജോലിയില്‍ നിന്നും resign ചെയ്തു ഞാന്‍ ജനുവരി ആദ്യവാരത്തില്‍ ഡല്‍ഹിയിലേക്കു മടങ്ങി

ഡല്‍ഹിയില്‍ നല്ല തണുപ്പായിരുന്നു ... തലസ്ഥാന നഗരിയെന്ന ജാടയില്ലാതെ , ചരിത്രം ഒരുപാട് ഉറങ്ങുന്ന ദില്ലി പഴയ പ്രതാപത്തോടെ തന്നെ തലയുയര്‍ത്തി നില്‍ക്കുന്നതായി തോന്നി .. മൂന്നു നാല് ദിവസത്തെ ഫോര്‍മാലിറ്റികള്‍ക്ക് ശേഷം ഞാന്‍ ബാംഗ്ലൂര്‍ വഴി നാട്ടിലേക്കു തിരിച്ചു .പഠിച്ച സ്ഥാപങ്ങളില്‍ നിന്ന് ഒക്കെ വെരിഫികേഷന്‍ വേണം ആയിരുന്നു പുതിയ ജോലിക്ക് . അതൊക്കെ സംഘടിപ്പിച്ചു , വീണ്ടും നിനച്ചിരിക്കാതെ കിട്ടിയ ഒരു അവധിക്കാലം ആസ്വദിച്ചു ഫെബ്രുവരി അവസാനത്തില്‍ വീണ്ടും പ്രവാസത്തിലേക്ക് തിരിച്ചു വന്നു ..( ഈ തിരക്കുകള്‍ക്കിടയില്‍ ബ്ലോഗില്‍ കയറാന്‍ സമയം കിട്ടിയില്ല .. വല്ലപ്പോഴും മെയില്‍ നോക്കുമ്പോള്‍ ബൂലോകത്ത് ഒന്ന് ഓട്ടപ്രദക്ഷിണം നടത്തും , അത്ര മാത്രം )..

ഈ റിസര്‍ച്ച് സെന്റര് റിലെ ജോലി ഞാന്‍ ഒരുപാട് ആഗ്രഹിച്ചിരുന്നു .. കരിയര്‍ ഗ്രോത്ത് നുള്ള നല്ല opportunities ഉണ്ട് . ലൈബ്രറിയില്‍ ധാരാളം scientific ബുക്സ് , journals അടക്കം വായിക്കാന്‍ കിട്ടും. പിന്നെ വര്‍ഷത്തില്‍ രണ്ടു തവണ നാട്ടില്‍ പോകാം

ഞങ്ങളുടെ Department ഹെഡ് കാനഡക്കാരന്‍ ഒരു ഡോക്ടര്‍ ആണ് .. ഇന്ത്യയെക്കുറിച്ച് ധാരാളം വായിച്ചിട്ടുണ്ടത്രെ ..! പല ഇന്ത്യന്‍ സാഹിത്യകാരന്മാരുടെ ബുക്സിന്റെ പേര് അദ്ദേഹം പറഞ്ഞപ്പോള്‍ (പലതും ഞാന്‍ കേട്ടിട്ട് പോലുമില്ല ) ഞാന്‍ ശരിക്കും ചൂളിപ്പോയി , എങ്കിലും അദ്ദേഹത്തിന്റെ ഇന്ത്യയെക്കുറിച്ചുള്ള അറിവും മതിപ്പും കണ്ടപ്പോള്‍ ഒരു ഇന്ത്യക്കാരന്‍ ആയതില്‍ കൂടുതല്‍ അഭിമാനം കൊണ്ടു.

അപ്പൊ, പിന്നെ എങ്ങിനെയാ .. എല്ലാവര്‍ക്കും സുഖങ്ങള്‍ ഒക്കെ തന്നെയല്ലേ ..? ബൂലോകം മടുത്തിട്ടല്ല വിട്ടു നിന്നത് എന്ന് വ്യക്തമാക്കാനാണ് ഇത്രയും പറഞ്ഞത് .... anywayഎന്നെ മറക്കതിരുന്നതിനു ഒരിക്കല്‍ കൂടി നന്ദി പറയുന്നു എല്ലാവരോടും . കൂടുതല്‍ പിന്നീട് ..!
പിന്നെ പലരുടെയും പഴയ പോസ്റ്റുകള്‍ അടക്കി വായിച്ചു വരുന്നു .... ഏതായാലും ആറ് മാസത്തെ ഗ്യാപ്പ് ദാ പെട്ടെന്ന് തീര്‍ക്കാമെന്ന് വിചാരിക്കുന്നു ..

ഒരിക്കല്‍ കൂടി എല്ലാവര്‍ക്കും നന്മകള്‍ നേര്‍ന്നു കൊണ്ടു
സ്വന്തം
-ഫൈസല്‍ കൊണ്ടോട്ടി

തിരികെ ഞാന്‍ വരുമെന്ന ...

2009-09-07T02:00:00.000-07:00

( വിവാദങ്ങള്‍ക്കും , പ്രതികരണങ്ങള്‍ക്കും അര്‍ദ്ധ വിരാമം കൊടുത്തു ഞാനും നാട്ടില്‍ പോകുന്നു , .പ്രവാസി ആയതിനു ശേഷമുള്ള ആദ്യത്തെ വെക്കേഷന്‍ ...എന്ത് കൊണ്ട് പ്രവാസം വരിച്ചു എന്നത് പങ്കു വെക്കാം എന്ന് തോന്നുന്നു .. . )

കൃത്യമായി പറഞ്ഞാല്‍ ഒരു വര്ഷം മുന്‍പാണ് ഞാന്‍ പ്രവാസി ആകുന്നത് , അതും എന്റെ മുപ്പതാം വയസ്സില്‍. പ്രവാസി ആയതില്‍ ഇപ്പോള്‍ ഖേദം ഇല്ലെങ്കിലും ഒരിക്കലും പ്രവാസി ആകുമെന്ന് സ്വപ്നേപി കരുതിയതല്ല..

പഠിത്തം കഴിഞ്ഞു ഒരു ഹയര്‍ സെക്കന്‍ഡറി സ്കൂളില്‍ അദ്ധ്യാപകന്‍ ആയി വര്‍ക്ക്‌ ചെയ്യുന്ന സമയം , എത്ര സംഭവ ബഹുലം ആയ ദിനങ്ങള്‍ .... കൂടെ നാടകം , ഗ്രാമീണ ക്ലബ്ബ്‌ , സന്നദ്ധ പ്രവര്‍ത്തനം , പുരോഗമന കലാ സാഹിത്യ സംഘം , ഔട്ടിംഗ്.,നീന്തല്‍ .. അങ്ങിനെ അങ്ങിനെ .. പിന്നെ എന്തിനു പ്രവാസിയായി .. അതും പ്രത്യേകിച്ച് ഒരു പ്രാരാബ്ദവും ഇല്ലാതെ . പ്ലീസ് ഇടയില്‍ കയറി ചോദിക്കരുത് ..പറയാം

പ്രത്യേകിച്ച് ഒരു ബാധ്യതയും ഉണ്ടായിരുന്നില്ല , വീട്ടില്‍ ഇളയവന്‍ ..ഒരു ചേട്ടന്‍ ഉള്ളത് ഗള്‍ഫിലും. സ്കൂള്‍ ജോലിക്ക് പുറമേ ചില ഒഴിവു ദിവസങ്ങളില്‍ ഒരു പ്ലസ്‌ ടു ട്യുഷന്‍ സെന്‍്റ്ററില് എന്ട്രന്‍സ് oriented ട്യുഷന്‍ ക്ലാസ്സും .. ഇപ്പൊ ആലോചിക്കുമ്പോ തോന്നും എങ്ങിനെ എല്ലാത്തിനും സമയം കണ്ടെത്തി എന്ന് ..പക്ഷെ നാട്ടില്‍ അങ്ങിനെയാണ് ..വെറുതെ ഇരിക്കാറില്ലല്ലോ നാം ,

ഏറ്റവും രസകരം ആയ പഠിപ്പിക്കല്‍ എനിക്ക് അനുഭവപ്പെട്ടത് മഞ്ചേരിയിലെ ഒരു പ്രൈവറ്റ് ഹോസ്പിറ്റലിലെ നഴ്സിംഗ് സ്കൂളില്‍ ക്ലാസ്സ്‌ എടുക്കാന്‍ പോയതാണ് .ഞായറാഴ്ച ഉച്ചക്ക് ശേഷം ആയിരുന്നു എന്റെ ക്ലാസ്സ്‌ .. എറണാംകുളം മുതല്‍ വയനാട് വരെയുള്ള പെണ് കുട്ടികള്‍ ഉണ്ടായിരുന്നു ക്ലാസ്സില്‍ .. ഓസ്ട്രിയ മുതല്‍ കുവൈറ്റ്‌ വരെ പോകാന്‍ മാനസികം ആയി തയ്യാറെടുത്തവര്‍ , അവര്‍ക്ക് ഏറ്റവും താല്പര്യം ഉള്ള ക്ലാസ്സ്‌ ആയിരുന്നു എന്റേത് (എനിക്കും )എന്ന് തോന്നുന്നു .. നല്ല strict ഉള്ള ആ സ്ഥാപനത്തില്‍ പ്രിന്‍സിപ്പല്‍ ഇല്ലാത്തതിനാല്‍ ഞായറാഴ്ചകളില്‍ അവര്‍ക്ക് ഞാന്‍ നല്ല ഫ്രീഡം കൊടുത്തതാകാം കാരണം, കൂടാതെ ചിലപ്പോഴൊക്കെ കുറച്ചു സമയം ഔട്ട്‌ ഓഫ് സിലബസ് ഡിബേറ്റ് സംഘടിപ്പിക്കാറും ഉണ്ടായിരുന്നു

പിന്നീട് കല്യാണം കഴിച്ചതിനു ശേഷം ക്ലാസ്സ്‌ എടുത്തു കൊണ്ടിരിക്കെ ഭാര്യ ഫോണ്‍ ചെയ്യുമ്പോള്‍ ഞാന്‍ തമാശ രൂപേണ അവളോട്‌ പറയും .".നീ ഇടയ്ക്കു ഇടയ്ക്കു വിളിച്ചാല്‍ ഈ പിള്ളാര്‍ക്ക് മനസ്സിലാവില്ലേ ഞാന്‍ married ആണെന്ന് .. അതിനാല്‍ ക്ലാസ്സ്‌ ടൈം കഴിഞ്ഞു വിളിച്ചാല്‍ മതി ..." (സത്യത്തില്‍ പകുതി തമാശയും പകുതി കാര്യവും ആയിരുന്നു , സാറ് married ആണോ എന്നാ അവരുടെ പലപ്പോഴായുള്ള ചോദ്യത്തിന് ഞാന്‍ വ്യക്തമായ മറുപടി കൊടുക്കാറില്ലായിരുന്നു,ഒന്നാമതു ഔദ്യോഗികം അല്ലാത്ത ക്ലാസ്സ്‌ , പിന്നെ ഒരു രസം)

പക്ഷെ ഒരു ദിവസം പിള്ളേര്‍ എന്നെ കയ്യോടെ പിടിച്ചു .. പ്രസവത്തിനായി ഭാര്യയെ അതെ ഹോസ്പിറ്റലില്‍ അഡ്മിറ്റ്‌ ചെയ്തു .. (ഞാന്‍ സഹകരിക്കുന്ന ഹോസ്പിറ്റല്‍് ആകുമ്പോ സ്വാഭാവികമായും ബില്ലിന്റെ കാര്യത്തില്‍ അവര്‍ എന്നോടും സഹകരിക്കുമല്ലോ എന്നൊരു ബുദ്ധി തോന്നി ) ഏതായായും ഭാര്യ പ്രസവിച്ചതോടെ , പ്രിന്‍സിപ്പല്‍ മാഡം അവരോടു റൂം നമ്പര്‍ അടക്കി പറഞ്ഞു കൊടുത്തു .. .. പിന്നെ നിലക്കാത്ത പ്രവാഹം ആയിരുന്നു കുഞ്ഞിനെ കാണാന്‍ .. അടുത്ത ക്ലാസ്സില്‍ അവര്‍ എന്നെ നിര്‍ത്തി പൊരിച്ചില്ല എന്നെ ഉള്ളൂ .. ,കാരണം ക്രോണിക് ബാച്ചിലര് എന്ന വ്യാജേന ആയിരുന്നല്ലോ എന്റെ നടപ്പും ഇരിപ്പും ....

ഓരോന്ന് ഓര്‍ത്തു കാട് കയറിപ്പോയി.. അതെ ജോലിക്ക് പുറമേ ഇങ്ങിനെ ഒക്കെ അല്ലറ ചില്ലറ വരുമാനം ഉണ്ടായിട്ടും എന്തിനു ഈ മണലാരണ്യത്തില്‍ പൊടിക്കാറ്റ് തിന്നാന്‍ വന്നു ..? അത് തന്നെയാണ് പറഞ്ഞു വരുന്നത് .. .. അതായത് ഒരിത്തിരി കാശു മിച്ചം വന്നപ്പോള്‍ ഒരു ബിസിനസ്‌ ഇല്‍ പങ്കാളിയായി ..സൈലന്റ് പാര്‍ട്ണര്‍ ആയ ഞാനടക്കം മൂന്നു പാര്‍ട്ണര്‍സ്‌ .. ബിസിനസ്‌ നല്ല നിലയില്‍ തന്നെ രണ്ടു വര്‍ഷത്തോളം മുന്നോട്ട് പോയി കാരണം അവര്‍ ഇരുവരും നല്ലവര്‍ ആയിരുന്നു ..പക്ഷെ പാര്‍ട്ണര്‍സില്‍ ഒരാള്‍ക്ക് വെളിയില്‍ ജോലി കിട്ടി പോകേണ്ടി വന്നതിനാല്‍ കൂട്ട് കച്ചവടം പിരിയാന്‍ നിര്‍ബന്ധിതരായി .. ഞാന്‍ എന്റെ വിഹിതം വാങ്ങി പിരിഞ്ഞു ... ഇത് വരെ കഥയുടെ ഒന്നാം ഭാഗം ..

രണ്ടാം ഭാഗം ആരംഭിക്കുന്നത് എന്റെ ഒരു ചിന്തയോടെ ആണ് ..

എന്ത് കൊണ്ട് സ്വന്തം ആയി ബിസിനസ്‌ നടത്തിക്കൂടാ .. ചിന്തക്ക് കയ്യും കാലും വച്ചപ്പോള്‍ , അഞ്ചു സ്റ്റാഫിനെയും വച്ച് ബിസിനസ്‌ ആരംഭിച്ചു .... സംഭവ ബഹുലം ... റൂം അഡ്വാന്‍സ്‌ ,ഫര്‍്ണിഷിംഗ് അടക്കം നല്ലൊരു സംഖ്യ ..മുതലാളിക്ക് വരുമ്പോള്‍ ഇരിക്കാന്‍ തിരിയുന്ന കസേര തന്നെ വേണമല്ലോ ..., സുഹൃത്തുക്കള്‍ വരുമ്പോള്‍ അവര്‍ക്ക് ശീതള പാനീയങ്ങള്‍ കൊടുക്കാതിരിക്കുന്നതെങ്ങിനെ ? പിന്നെ sales tax regn., കുന്തം കുടച്ചക്രം , സ്റ്റാഫിനു ബൈക്ക് , ഇടയ്ക്കു ബിസിനസ്‌ ട്രെന്‍ഡ് അറിയാന്‍ ചെന്നൈ യാത്ര .. ആകെ മൊത്തം സംഭവ ബഹുലം ..

വൈകുന്നേരം സ്കൂള്‍ വിട്ടാല്‍ പിന്നെ ഇത് തന്നെ പണി ..നഴ്സിംഗ് ക്ലാസ്സ്‌ ഒഴികെ ബാക്കി എല്ലാ എക്സ്ട്രാ വരുമാനവും നിലച്ചു .. ചെലവ് ആണെങ്കില്‍ കുതിച്ചു കയറി ... ബിസിനസ്‌ നന്നായി തന്നെ നടന്നു ..പക്ഷെ ...

അതിനു ഇടക്കാണ് കല്യാണം നടന്നത് .. പിന്നെ ഹണിമൂണ്‍ ട്രിപ്പുകള്‍ , അങ്ങിനെ അങ്ങിനെ..ബിസിനസ്‌ ശ്രദ്ധ മേശയില്‍ നിന്ന് കാശ് എടുത്തു കൊണ്ട് പോകാന്‍ മാത്രം .. സ്റ്റാഫിനെ കുറ്റം പറഞ്ഞു കൂടാ അവര്‍ ആത്മാര്‍ഥമായി തന്നെ വര്‍ക്ക്‌ ചെയ്തു ..., അത് കൊണ്ടാണല്ലോ ഓരോ പ്രാവശ്യവും distributor വിളിക്കുമ്പോഴും പുതിയ ഓര്‍ഡര്‍ പിടിചിട്ടെങ്കിലും അവര്‍ due ആയ കാശ് അടച്ചത്, വൈകിയാല്‍ distributor റെ സമാധാനിപ്പിച്ചത് , അങ്ങിനെ മൂന്നു വര്‍ഷങ്ങള്‍ .. ഇടയ്ക്കു നാട്ടില്‍ എത്തുന്ന അളിയന്മാര്‍ എന്റെ ലൈഫ് സ്റ്റൈല്‍ കണ്ടു പറയും ഇപ്പൊ ഗള്ഫിനെക്കാന് മെച്ചം നാട്ടില്‍ ആണെന്ന് തോന്നുന്നു ....

അങ്ങിനെ കല്യാണവും കഴിഞ്ഞു ഒരു കുഞ്ഞും ആയി മോരിലെ പുളിയും പോയി എന്ന സ്ഥിതിയില്‍ എത്തിയപ്പോള്‍ ഒരു ദിവസം ഷോപ്പില്‍ പോയി കണക്കുകള്‍ പരിശോധിച്ചു.. , അത്ര ശുഭകരം ആയി തോന്നിയില്ല കാര്യങ്ങള്‍ .. effort നു മാത്രമുള്ള ബാലന്‍സ് ഇല്ല എന്നൊരു തോന്നല്‍ ബിസിനസ്‌ നടക്കാഞ്ഞിട്ടോ , ലാഭം ഇല്ലാഞ്ഞിട്ടോ അല്ല ( ഇടയ്ക്കു വീട് പണിയും നടത്തിയല്ലോ , പിന്നെ വീട്ടില്‍ ഒരാള്‍ക്ക് ഒരു എമര്‍ജന്‍സി ഹാര്‍ട്ട്‌ ഒപറേഷനും,അതിനൊക്കെ പുറമേ അനിയന്ത്രിതമായ ജീവിത ചിലവും ) ..

ചുരുക്കി പറഞാ കോഴിക്കോടെ കടപ്പുറത്ത് കാറ്റ് കൊണ്ടിരിക്കേ ഒരു ബുദ്ധിയുദിച്ചു .. ഗള്‍ഫില്‍ പോകുക .. .. തീരുമാനങ്ങള്‍ പെട്ടെന്നാണല്ലോ ... അളിയന് വിളിക്കുന്നു ..എന്തെ ഇപ്പം ഇങ്ങിനെ തോന്നാന്‍ .. അല്ല അളിയാ .. എല്ലാവരും ഗള്‍ഫില്‍ പോകുന്നു എനിക്കും ഇല്ലേ ആശ .. അത് വേണോ ? വേണം അളിയാ ..എനിക്ക് ആ മരിഭൂമി യൊക്കെ കാണണം ..ഒരു ഫ്രീ വിസ അയച്ചു തരൂ ... ഒരു മാസത്തിനുള്ളില്‍ വിസ വരുന്നു , ഭാര്യയുടെ പരിഭവം ഒരു വിധം മറികടക്കുന്നു ( അതിനു ഖലീല്‍ ജിബ്രാനെ വരെ കൂട്ട് പിടിക്കേണ്ടി വന്നു .."സ്നേഹം അതിന്റെ ആഴം മനസ്സിലാക്കുന്നത് വേര്‍പ്പാടിന്റെ നിമിഷങ്ങളില്‍ ആണ് " എന്നും അവളെ സാഹിത്യം കലര്‍ത്തി ബോധ്യപ്പെടുത്തി ) , വിസ വന്ന ശേഷം കാര്യങ്ങള്‍ എളുപ്പം ആയി ..ഷോപ്പ്‌ നല്ല വിലക്ക് തന്നെ വിറ്റു.. കാറ് ചതിച്ചു ( വിറ്റപ്പോള്‍ രണ്ടു ലക്ഷം സ്വാഹ -മൂന്നു വര്ഷം പഴക്കം ഉള്ളതിന് പുതിയതിന്റെ വില കിട്ടില്ല പോലും ഹും ..)

ബിസിനസ്‌ അങ്ങിനെ ഒക്കെ ആയി പര്യവസാനിച്ചെങ്കിലും ശ്രീനിവാസന്‍ പറഞ്ഞ പോലെ അത് ഒരു പാട് അറിവുകള്‍ എനിക്ക് നേടി തന്നു ..സ്കൂളിന്റെ നാല് മൂലക്കപ്പുറും വലിയ ലോകം അത് എനിക്ക് കാട്ടി തന്നു . വിവിധ തുറകളിലെ ആളുകളും ആയി ഡീല്‍ ചെയ്യണ്ടത് മുതല്‍ സാമ്പത്തികം ആയി അച്ചടക്കം പാലിക്കേണ്ടതിന്റെ ആവശ്യകത വരെ . .ഇപ്പൊ പ്രവാസവും എനിക്ക് വേറെ കുറെ അനുഭവങ്ങള്‍ തരുന്നു .ഒരു സര്‍വ്വ കലാ ശാലയിലും കിട്ടാത്ത നഗ്നമായ ജീവിതാനുഭവങ്ങള്‍ ..!

അങ്ങിനെ രണ്ടായിരത്തി എട്ടു ഓഗസ്റ്റ്‌ മധ്യത്തില്‍ ഞാന്‍ സൌദിയില്‍ വിമാനം ഇറങ്ങി .. എന്ത് ജോലി കിട്ടുമെന്നോ .. എന്ത് പണിയെടുക്കുമെന്നോ അറിയാതെ .അറ്റമില്ലാത്ത പറന്നു കിടക്കുന്ന മരുഭൂമി എന്നെ നോക്കി പല്ലിളിച്ചു .. മാനം മുട്ടെ നില്‍ക്കുന്ന ഗോപുരങ്ങള്‍ എന്നെ തല കറക്കി ഒരു പ്രവാസി കൂടി ജനിക്കുക ആയിരുന്നു ..( പിന്നീട് അറിഞ്ഞു നാട്ടില്‍ ജോലിയുള്ള പലരും പ്രവാസികള്‍ ആകുന്നതു ഇങ്ങിനെ ഒക്കെ തന്നെയാണെന്ന് ) പ്രവാസത്തിന്റെ രസകരം ആയ ആദ്യാനുഭവങ്ങള്‍ പിന്നീട് ഒരിക്കല്‍ എഴുതാം ..

എന്ത് ജോലി എടുക്കണം എന്ന് അറിയാതെ പകച്ചു നിന്ന ഞാന്‍ ദൈവാനുഗ്രത്താല്‍ ,ഈ ഒരു വര്‍ഷത്തിനിടയില്‍ ആദ്യ കമ്പനിയില്‍ മൂന്നു മാസം വര്‍ക്ക്‌ ചെയ്തു , ആ എക്സ്പീരിയന്‍സ് കാട്ടി ഇപ്പോള്‍ ഒരു യൂറോപ്യന്‍് based കമ്പനിയില്‍ അത്യാവശ്യം കുഴപ്പമില്ലാത്ത ഒരു പോസ്റ്റില്‍ വര്‍ക്ക്‌ ചെയ്യുന്നു (യൂറോപ്യന്‍് based കമ്പനികളുടെ മെച്ചം ശമ്പളം മാത്രമല്ല , നല്ല caring കൂടെ ആണ് ,ഇപ്പൊ ദെ എട്ടു മാസം ആയപ്പോഴേക്കും അവര്‍ എനിക്ക് വെകേഷന്‍ തന്നു ,, ഇനി ജനുവരിയില്‍ മറ്റൊരു വെകേഷനും)

നാട്ടില്‍ പോകുന്ന excitement ല്‍ എന്തൊക്കെയോ ഓര്‍മ്മയില്‍ വന്നത് എഴുതി .. അടുത്താഴ്ച നാട്ടില്‍ പോകുമ്പോ ഞാന്‍ ഒരു പ്രവാസി മാത്രമല്ല , ഒരു ബ്ലോഗ്ഗര്‍ കൂടി ആയാണ് . ചില ബ്ലോഗ്‌ സുഹൃത്തുക്കളെ സമയം കിട്ടിയാല്‍ കാണാം ആഗ്രഹം ഉണ്ട് .. പ്രവാസി ആയതിനാല്‍ മാത്രമാണ് ബൂലോഗത്ത്‌ എത്തിച്ചേരാനും സജീവമാകാനും ചില നല്ല ഹൃദയങ്ങള്‍ നേടാനും കഴിഞ്ഞത് ഒരു പക്ഷെ പ്രവാസത്തിന്റെ ഏകാന്തതയും മടുപ്പും എടുത്തു കളഞ്ഞു ബൂലോഗം പകരം ആത്മാവിഷ്കാരത്തിലൂടെ ലഭിക്കുന്ന ആനന്ദവും എന്റെ ഭാഷ (എന്റെ സംസ്കാരം ) സംസാരിക്കുന്ന കുറെ നല്ല മനുഷ്യരെയും അവരുടെ കൊച്ചു കൊച്ചു സന്തോഷങ്ങളെയും എനിക്ക് കാട്ടി തന്നു , അത് ഒരു പാട് relax തരുന്നു ..

ഏതായാലും ഇനി മൂന്നു നാല് ദിവസം കൂടി മാത്രമേ ഞാന്‍ ബ്ലോഗില്‍ ഉണ്ടാകൂ ..അടുത്ത ആഴ്ച (Sept 16) ആണ് ടിക്കറ്റ്‌ ബുക്ക്‌ ചെയ്തത് . നാട്ടില്‍ പോയാല്‍ ഒന്നും നോക്കാന്‍ സമയം കിട്ടി എന്ന് വരില്ല .. അപ്പൊ ഇനി ഒക്ടോബര്‍ അവസാന വാരത്തില്‍ കാണാം .. ചില പോസ്റ്റുകള്‍ ഞാന്‍ തീര്‍ച്ചയായും കാണണം എന്ന് നിങ്ങള്ക്ക് തോന്നിയാല്‍ ലിങ്ക് ഇമെയില്‍ ചെയ്യുമല്ലോ .. എന്റെ ഇമെയില്‍ അഡ്രസ്‌ :faizalcp@gmail.com

വിശേഷങ്ങളും വിവാദങ്ങളും ആയി ബൂലോഗം സജീവമാകട്ടെ എന്നും എല്ലാവര്ക്കും നല്ലത് വരട്ടെ എന്നും ആശംസിച്ചു കൊണ്ട് .. വിട വാങ്ങട്ടെ !

ഒരു പാട്ട് വീണ്ടും കാതില്‍ മുഴങ്ങുന്നു

തിരികെ ഞാന്‍ വരുമെന്ന വാര്‍ത്ത കേള്‍ക്കാനായി ഗ്രാമം കൊതിക്കാറുണ്ടെന്നും ..
തിരികെ മടങ്ങുവാന്‍ തീരത്തടുക്കുവാന്‍ ഞാനും കൊതിക്കാറുണ്ടിന്നും....

06: ഔദാര്യമല്ല,അവകാശമാണ്..

2009-08-28T06:08:00.000-07:00

ദാരിദ്ര നിര്മാര്ജ്ജനത്തിനായി വ്യക്തമായ ഒരു പദ്ധതി ആവിഷ്കരിച്ച മതം എന്ന പ്രത്യേകത ഇസ്ലാമിനുണ്ട് , ധാന ധര്‍മ്മങ്ങള്‍ ചെയ്യണം എന്ന് വെറുതെ പറയുക അല്ല ഇസ്ലാം ചെയ്യുന്നത് പകരം അതിനു വ്യക്തമായ ഒരു രൂപം നിര്‍ദേശിക്കുകയും അത് ഇസ്ലാമിന്റെ പഞ്ച സ്തംഭങ്ങളില്‍ ഒന്നാക്കി എണ്ണുകയും ചെയ്തു .അതിനെയാണ് സകാത്ത്‌ (നിര്‍ബന്ധ ദാനം ) എന്ന് പറയുന്നത് . പണക്കാരന്റെ ഔദാര്യം അല്ല സകാത്ത്‌ മറിച്ച് പാവപ്പെട്ടവന്റെ അവകാശമാണ് അത് എന്നതാണ് ഇസ്ലാമിന്റെ കാഴ്ചപാട്.

ഒരു ചെറിയ പരിധിയില്‍ കൂടുതല്‍ നിക്ഷേപം/വരുമാനം ഉള്ളവര്‍ (പാവപ്പെട്ടവര്‍ അല്ല എന്നര്‍ത്ഥം ) തങ്ങളുടെ സമ്പത്തിന്റെ ഒരു നിശ്ചിത ശതമാനം വര്ഷം തോറും സകാത്തായി നല്‍കണം , അല്ലാത്ത പക്ഷം അവന്‍ ഖുറാന്‍ നിന് എതിരായി ജീവിക്കുന്നവന്‍ ആണ് .. ആര്‍ക്കെല്ലാം ആണ് സകാത്ത്‌ കൊടുക്കേണ്ടത് തുടങ്ങി നിരവധി നിര്‍ദേശങ്ങള്‍ ഖുറാനില്‍ കാണാം .പണത്തിനു മാത്രമല്ല സാകാത്‌ , വിളവെടുപ്പ്‌ സമയത്ത് നനച്ചു ഉണ്ടാക്കിയ വില ആണെങ്കില്‍ അഞ്ചു ശതമാനവും , നനക്കാതെ (അധ്വാനം ഒന്നും കൂടാതെ ) ഉണ്ടായ വിള ആണെങ്കില്‍ പത്തു ശതമാനവും (നൂറു തേങ്ങക്ക് പത്തു തേങ്ങ ) നിര്‍ബന്ധമായും സകാത്ത്‌ കൊടുക്കണം ..

ഇങ്ങിനെ സകാത്ത് കൃത്യമായി കണക്കു കൂട്ടി സംഘടിതമായി കൊടുക്കുകയാണെങ്കില്‍ പാവപ്പെട്ട കുടുംബത്തിനു ഒരു ഉപജീവന മാര്‍ഗ്ഗം കണ്ടെത്താന്‍ അത് സഹായകമാകുകയും ദാരിദ്ര്യം ഒരു വലിയ പരിധി വരെ സമൂഹത്തില്‍ നിന്ന് തുടച്ചു മാറ്റാനും കഴിയുന്നതാണ് ..

നിര്‍ഭാഗ്യകരം എന്ന് പറയട്ടെ മറ്റു കാര്യങ്ങളില്‍ ശ്രദ്ധ കൊടുക്കുന്ന മുസ്ലിം സമുദായം സകാത്ത് കാര്യത്തില്‍ വളരെ യധികം അലം ഭാവം കാണിക്കുന്നതായി കാണാം , യഥാര്ടത്തില്‍ നോമ്പിനും മുന്‍പെയാണ് സകാത്തിന്റെ കാര്യം ഇസ്ലാമില്‍,വളരെ കണിശവും നിര്‍ബന്ധവും ....

സകാത്തുമായും(നിര്‍ബന്ധ ദാനം ) മറ്റു ദാന ധര്മ്മങ്ങളുമായും (സദഖ ) ബന്ധപ്പെട്ട് ഖുറാനില്‍ വന്ന ചില വചനങ്ങള്‍ താഴെ കൊടുക്കുന്നു

"(നിര്‍ബന്ധ )ധാനധര്‍മ്മങ്ങള്‍ ( നല്‍കേണ്ടത്‌ ) ദരിദ്രന്‍മാര്‍ക്കും, അഗതികള്‍ക്കും, അതിന്‍റെ കാര്യത്തില്‍ പ്രവര്‍ത്തിക്കുന്നവര്‍ക്കും ( ഇസ്ലാമുമായി ) മനസ്സുകള്‍ ഇണക്കപ്പെട്ടവര്‍ക്കും, അടിമകളുടെ ( മോചനത്തിന്‍റെ ) കാര്യത്തിലും, കടം കൊണ്ട്‌ വിഷമിക്കുന്നവര്‍ക്കും, ദൈവ മാര്‍ഗത്തിലും, വഴിപോക്കന്നും മാത്രമാണ്‌. ദൈവത്തില്‍ നിന്ന് നിന്ന്‌ നിശ്ചയിക്കപ്പെട്ടതത്രെ ഇത്‌. ദൈവം എല്ലാം അറിയുന്നവനും യുക്തിമാനുമാണ്‌."(വി.ഖു 9:60)

"എന്തൊന്നാണവര്‍ ചെലവ്‌ ചെയ്യേണ്ടതെന്നും അവര്‍ നിന്നോട്‌ ചോദിക്കുന്നു. നീ പറയുക: ( അത്യാവശ്യം കഴിച്ച്‌ ) മിച്ചമുള്ളത്‌..." (വി.ഖു 2:219)

"( അതായത്‌ ) സന്തോഷാവസ്ഥയിലും വിഷമാവസ്ഥയിലും ദാനധര്‍മ്മങ്ങള്‍ ചെയ്യുകയും, കോപം ഒതുക്കിവെക്കുകയും, മനുഷ്യര്‍ക്ക്‌ മാപ്പുനല്‍കുകയും ചെയ്യുന്നവര്‍ക്ക്‌ വേണ്ടി. ( അത്തരം ) സല്‍കര്‍മ്മകാരികളെ ദൈവം സ്നേഹിക്കുന്നു.(വി.ഖു 3:134)

"കുടുംബബന്ധമുള്ളവന്ന്‌ അവന്‍റെ അവകാശം നീ നല്‍കുക. അഗതിക്കും വഴിപോക്കന്നും ( അവരുടെ അവകാശവും ) . നീ ( ധനം ) ദുര്‍വ്യയം ചെയ്ത്‌ കളയരുത്‌." (വി.ഖു 17:26)

"പന്തലില്‍ പടര്‍ത്തപ്പെട്ടതും അല്ലാത്തതുമായ തോട്ടങ്ങളും, ഈന്തപ്പനകളും, വിവധതരം കനികളുള്ള കൃഷികളും, പരസ്പരം തുല്യത തോന്നുന്നതും എന്നാല്‍ സാദൃശ്യമില്ലാത്തതുമായ നിലയില്‍ ഒലീവും മാതളവും എല്ലാം സൃഷ്ടിച്ചുണ്ടാക്കിയത്‌ അവനാകുന്നു. അവയോരോന്നും കായ്ക്കുമ്പോള്‍ അതിന്‍റെ ഫലങ്ങളില്‍ നിന്ന്‌ നിങ്ങള്‍ ഭക്ഷിച്ച്‌ കൊള്ളുക. അതിന്‍റെ വിളവെടുപ്പ്‌ ദിവസം അതിലുള്ള ബാധ്യത നിങ്ങള്‍ കൊടുത്ത്‌ വീട്ടുകയും ചെയ്യുക. നിങ്ങള്‍ ദുര്‍വ്യയം ചെയ്യരുത്‌. തീര്‍ച്ചയായും ദുര്‍വ്യയം ചെയ്യുന്നവരെ അല്ലാഹു ഇഷ്ടപ്പെടുകയില്ല."(വി.ഖു 6:141)

"( നബിയേ, ) അവര്‍ നിന്നോട്‌ ചോദിക്കുന്നു; അവരെന്താണ്‌ ചെലവഴിക്കേണ്ടതെന്ന്‌. നീ പറയുക: നിങ്ങള്‍ നല്ലതെന്ത്‌ ചെലവഴിക്കുകയാണെങ്കിലും മാതാപിതാക്കള്‍ക്കും അടുത്ത ബന്ധുക്കള്‍ക്കും അനാഥര്‍ക്കും അഗതികള്‍ക്കും വഴിപോക്കന്‍മാര്‍ക്കും വേണ്ടിയാണത്‌ ചെയ്യേണ്ടത്‌. നല്ലതെന്ത്‌ നിങ്ങള്‍ ചെയ്യുകയാണെങ്കിലും തീര്‍ച്ചയായും ദൈവം അതറിയുന്നവനാകുന്നു".(വി.ഖു 2:215)

"നിങ്ങള്‍ ഇഷ്ടപ്പെടുന്നതില്‍ നിന്ന്‌ നിങ്ങള്‍ ചെലവഴിക്കുന്നത്‌ വരെ നിങ്ങള്‍ക്ക്‌ പുണ്യം നേടാനാവില്ല. നിങ്ങള്‍ ഏതൊരു വസ്തു ചെലവഴിക്കുന്നതായാലും തീര്‍ച്ചയായും അല്ലാഹു അതിനെപ്പറ്റി അറിയുന്നവനാകുന്നു."(വി.ഖു 3:90)

"സത്യവിശ്വാസികളേ, ക്രയവിക്രയമോ സ്നേഹബന്ധമോ ശുപാര്‍ശയോ നടക്കാത്ത ഒരു ദിവസം വന്നെത്തുന്നതിനു മുമ്പായി, നിങ്ങള്‍ക്ക്‌ നാം നല്‍കിയിട്ടുള്ളതില്‍ നിന്ന്‌ നിങ്ങള്‍ ചെലവഴിക്കുവിന്‍." (വി.ഖു 2:254)

അനുബന്ധം

നാട്ടില്‍ ഞങ്ങള്‍ക്ക് സന്നദ്ധ പ്രവര്‍ത്തനത്തിനായി ഒരു കൊച്ചു സംഘം ഉണ്ടായിരുന്നു. സകാത്തിനെ പറ്റി നല്ല ബോധമുള്ള ഒരു ചെറു കര്‍ഷകന്‍ ഒരു ദിവസം ഒരു വലിയ നേന്ത്ര വാഴക്കുലയും ആയി വന്നു . ഇരുപതു വാഴ വച്ച അദ്ദേഹത്തിന് കണക്കു പ്രകാരം ഉള്ള സകാത്തായ ഒരു വാഴക്കുല അര്‍ഹതപ്പെട്ട പാവങ്ങള്‍ക്ക് കൊടുക്കാനായി അദ്ദേഹം ഞങ്ങളെ തേടി വന്നു .. അത് പാവങ്ങള്‍ക്ക് കൊടുത്തതിനു ശേഷം ആണ് അദ്ദേഹത്തിന് മനസ്സമാധാനം ആയതു. ,കണക്കനുസരിച്ച് അര്‍ഹതപ്പെട്ട വിഭാഗങ്ങള്‍ക്ക് സകാത്ത് കൊടുക്കല്‍ നിരബ്ന്ധ ബാധ്യത ആണ് ഇയാളെപ്പോലെ മറ്റു മുസ്ലിംകളും മനസ്സിലാക്കിയിരുന്നെങ്കില്..

ഒരു ഉദാഹരണത്തിന് അനൗദ്യോഗിക കണക്കനുസരിച്ച് മലപ്പുറം ജില്ലയിലെ ബാങ്കുകളില്‍ നൂറു കോടിയില്‍ പരം നിക്ഷേപമുണ്ട് . മുസ്ലിംകളുടെ നിക്ഷേപം നൂറു കോടിക്കടുത്ത് വരും , പിന്നെ സ്വര്‍ണ്ണം, മറ്റു നിക്ഷേപങ്ങള്‍ എന്നിവയും , , നിക്ഷേപത്തിന് സകാത്ത് രണ്ടര ശതമാനം (2.5%) ആണല്ലോ , അങ്ങിനെ കണക്കു കൂട്ടിയാല്‍ എങ്ങിനെ ആയാലും ഒരു വര്ഷം രണ്ടര കോടിക്ക് മുകളില്‍ സകാത്തായി വരും .. അവ ഫലപ്രദമായി വിതരണം ചെയ്‌താല്‍ തന്നെ ചുരുങ്ങിയ കാലം കൊണ്ട് മലപ്പുറത്തെ ദാരിദ്ര്യ രഹിത ജില്ലയാക്കി പ്രഖ്യാപിക്കാം ഏറ്റവും നല്ല മാതൃകാ സമൂഹം ആയി മുസ്ലിംകള്‍ മാറുകയും ചെയ്തേനെ.ഉമര്‍ രണ്ടാമന്റെ ,(ഉമറു ബ്നു അബ്ദുല്‍ അസീസ്‌ ) കാലത്ത് കുറഞ്ഞ കൊല്ലം കൊണ്ട് സകാത്ത് വാങ്ങാന്‍ ആളില്ലാതെ വന്ന സാഹചര്യം പോലെ

കുറച്ചു ആളുകള്‍ക്കെങ്കിലും ഈ കാര്യത്തില്‍ അലസത വെടിഞ്ഞു പുനര്‍ വിചിന്തനത്തിന് ഈ നോമ്പ് കാലം പ്രേരകം ആവട്ടെ .. നോമ്പ് നേക്കാള്‍ മുന്നേ വരുന്ന അതി പ്രാധ്യാന്യം ഉള്ള , കൊടുത്തു വീട്ടുക അല്ലാതെ മറ്റൊരു നിവൃത്തിയും ഇല്ലാത്ത സകാത്ത് കാര്യത്തില്‍ കൂടുതല്‍ ശ്രദ്ധ പതിയട്ടെ .

ഓര്‍ക്കുക "സകാത്ത് പണക്കാരന്റെ ഔദാര്യമല്ല പാവപ്പെട്ടവന്റെ അവകാശമാണ്" (നബി വചനം )

previous

05: ജൂതന്റെ പടയങ്കി...?

2009-08-27T00:55:00.000-07:00

അതെ ജൂതന്റെ പടയങ്കി യെ ക്കുറിച്ച് തന്നെയാണ് പറയാന്‍ പോകുന്നത്
അച്ഛനമ്മമാര്‍ക്ക് പരമാവധി നന്മ ചെയ്യണം എന്ന് പറഞ്ഞ ഖുര്‍ആന്‍ നമ്മോടു അവര്‍ക്കെതിരില്‍ നില്‍ക്കാന്‍ പറയുമോ ? നിങ്ങള്‍ അത്ഭുതപ്പെട്ടെക്കാം ..? അതെ അത്തരമൊരു സാഹചര്യം കൂടി ആണ് ആണ് ഇന്നു വിശകലം ചെയ്യുന്നത് .

ഖുറാനില്‍ നിന്ന്

"സത്യവിശ്വാസികളേ, നിങ്ങള്‍ ദൈവത്തിനു വേണ്ടി സാക്ഷ്യം വഹിക്കുന്നവരെന്ന നിലയില്‍ കണിശമായി നീതി നിലനിര്‍ത്തുന്നവരായിരിക്കണം. അത്‌ നിങ്ങള്‍ക്ക്‌ തന്നെയോ, നിങ്ങളുടെ മാതാപിതാക്കള്‍, അടുത്ത ബന്ധുക്കള്‍ എന്നിവര്‍ക്കോ പ്രതികൂലമായിത്തീര്‍ന്നാലും ശരി.
ധനികനോ, ദരിദ്രനോ ആകട്ടെ, ആ രണ്ട്‌ വിഭാഗത്തോടും കൂടുതല്‍ ബന്ധപ്പെട്ടവന്‍ ദൈവമാകുന്നു . അതിനാല്‍ നിങ്ങള്‍ നീതി പാലിക്കാതെ തന്നിഷ്ടങ്ങളെ പിന്‍പറ്റരുത്‌. നിങ്ങള്‍ വളച്ചൊടിക്കുകയോ ഒഴിഞ്ഞ്‌ മാറുകയോ ചെയ്യുന്ന പക്ഷം തീര്‍ച്ചയായും നിങ്ങള്‍ പ്രവര്‍ത്തിക്കുന്നതിനെപ്പറ്റിയെല്ലാം സൂക്ഷ്മമായി അറിയുന്നവനാകുന്നു ദൈവം" . (വി. ഖുര്‍ആന്‍ 4:135)

അതായത് നീതി പുലര്‍ത്തുന്ന കാര്യത്തില്‍ ഒരു ബന്ധവും തടസ്സം നില്‍ക്കരുത് എന്ന് വിവക്ഷ .. , ദരിദ്രന് വേണ്ടിയോ ധനികന് വേണ്ടിയോ , ബന്ധുവിന് വേണ്ടിയോ മറ്റോ നാം അന്യായത്തിനു ഒരിക്കലും കൂട്ട് നില്‍ക്കരുത് ...
എന്തിനു .., നമ്മെ ദ്രോഹിക്കുന്ന ശത്രു പക്ഷം ആണെങ്കില്‍ പോലും അവരോടു അനീതി കാണിക്കരുത് എന്ന് കൂടി പറയുന്നു ഖുര്‍ആന്‍ .. ഈ വചനം ശ്രദ്ധിക്കൂ

"സത്യവിശ്വാസികളേ, നിങ്ങള്‍ ദൈവത്തിനു വേണ്ടി നിലകൊള്ളുന്നവരും, നീതിക്ക്‌ സാക്ഷ്യം വഹിക്കുന്നവരുമായിരിക്കുക. ഒരു ജനതയോടുള്ള അമര്‍ഷം നീതി പാലിക്കാതിരിക്കാന്‍ നിങ്ങള്‍ക്ക്‌ പ്രേരകമാകരുത്‌. നിങ്ങള്‍ നീതി പാലിക്കുക. അതാണ്‌ ധര്‍മ്മനിഷ്ഠയോട്‌ ഏറ്റവും അടുത്തത്‌. നിങ്ങള്‍ ദൈവത്തെ സൂക്ഷിക്കുക. തീര്‍ച്ചയായും നിങ്ങള്‍ പ്രവര്‍ത്തിക്കുന്നതിനെ കുറിച്ചെല്ലാം ദൈവം സൂക്ഷ്മമായി അറിയുന്നവനാകുന്നു." (വി. ഖുര്‍ആന്‍ 5:08)

പറയട്ടെ , സ്വന്തക്കാര്‍ തെറ്റ് ചെയ്‌താല്‍ അത് ന്യായീകരിക്കാന്‍ കൂടെ നില്‍ക്കുകയും , നമുക്ക് ഇഷ്ടമില്ലാത്തവരോട് നീതി പാലിക്കാതിരിക്കാന് പരമാവധി ശ്രമിക്കുകയും ചെയ്യുന്നു ഒരു രീതിയാണ് ഇന്ന് പൊതുവേ സ്വീകരിക്കുന്നത്‌ ... ശക്തമായി നീതി പാലിക്കാന്‍ ആവശ്യപ്പെടുന്ന നിരവധി വചനങ്ങള്‍ ഖുറാനില്‍ ഉണ്ട് ..

പ്രവാചകന്റെ കാലത്ത് ഉണ്ടായ ഒരു സംഭവവും അതിനെ തുടര്‍ന്ന് വന്ന ഖുര്‍ആന്‍ വചനങ്ങളും ഇത്തരുണത്തില്‍ വളരെ പ്രസക്തമാണ്

ബനൂസഫര്‍ ഗോത്രത്തില്‍ പെട്ട മുസ്ലിം ആയ ഒരാള്‍ മറ്റൊരാളുടെ പടയങ്കി മോഷ്ടിച്ചു... പടയങ്കി യുടെ ഉടമസ്ഥന്‍ അന്വേഷണം ആരംഭിച്ചുവെന്നറിഞ്ഞു മോഷ്ടിച്ച ആള്‍ ഉടനെ അത് ഒരു ജൂതന്റെ വശം പണയം വച്ചു.. കളവു സാധനം ജൂതന്റെ അടുത്തു നിന്നും പിന്നീട് പിടിക്കപ്പെട്ടു , അങ്ങിനെ കേസ് പ്രവാചക സന്നിധിയില്‍ എത്തി , ജൂതന്‍ സംഭവത്തിന്റെ സത്യാവസ്ഥ വ്യക്തമാക്കി , പക്ഷെ മോഷ്ടിച്ച ആള്‍ കുറ്റം നിഷേധിച്ചെന്ന് മാത്രമല്ല കുറ്റം നിരപരാധിയായ ആ ജൂതന്റെ മേലില്‍ കെട്ടി വക്കുകയും ചെയ്തു ... യഥാര്‍ത്ഥ മോഷ്ടാവിന്റെ ബന്ധുക്കള്‍ മോഷ്ടാവിനെ ശക്തമായി പിന്താങ്ങുകയും ഇങ്ങിനെ പറയുകയും ചെയ്തു ,

“ഇവനൊരു ജൂതനാണ്. സത്യത്തെയും സത്യപ്രബോധനത്തെയും നിഷേധിക്കുന്ന ഇവന്റെ
വാക്കൊരിക്കലും വിശ്വസനീയമല്ല. വിശ്വസികളായ ഞങ്ങളുടെ വാദത്തിന്നാണു വില കല്പിക്കേണ്ടത്“

സാഹചര്യത്തെളിവുകളും സാക്ഷി മൊഴികളും ജൂതന് എതിരായ സമയത്ത് നീതിക്ക് വേണ്ടി നിലകൊള്ളാന്‍ പ്രവാചകനെ ഉണര്‍ത്തി കൊണ്ട് അനീതിയെ ശക്തമായി ആക്ഷേപിച്ചു ഖുര്‍ആന്‍ വചനങ്ങള്‍ ഇറങ്ങി , അവയില്‍ ചിലത് താഴെ കൊടുക്കുന്നു

"(നബിയെ )നിനക്ക്‌ അല്ലാഹു കാണിച്ചുതന്നതനുസരിച്ച്‌ ജനങ്ങള്‍ക്കിടയില്‍ നീ വിധികല്‍പിക്കുവാന്‍ വേണ്ടിയാണ്‌ സത്യപ്രകാരം നാം നിനക്ക്‌ വേദഗ്രന്ഥം അവതരിപ്പിച്ചു തന്നിട്ടുള്ളത്‌. നീ വഞ്ചകന്‍മാര്‍ക്ക്‌ വേണ്ടി വാദിക്കുന്നവനാകരുത്‌" (വി .ഖു 4:105)

"ആത്മവഞ്ചന നടത്തിക്കൊണ്ടിരിക്കുന്ന ആളുകള്‍ക്ക്‌ വേണ്ടി നീ തര്‍ക്കിക്കരുത്‌. മഹാവഞ്ചകനും അധര്‍മ്മകാരിയുമായ ഒരാളെയും അല്ലാഹു ഇഷ്ടപ്പെടുകയേ ഇല്ല."(വി .ഖു 4:107)

"ഹേ! കൂട്ടരേ, ഐഹികജീവിതത്തില്‍ നിങ്ങളവര്‍ക്ക്‌ വേണ്ടി തര്‍ക്കിച്ചു. എന്നാല്‍ ഉയിര്‍ത്തെഴുന്നേല്‍പിന്‍റെ നാളില്‍ അവര്‍ക്ക്‌ വേണ്ടി അല്ലാഹുവോട്‌ തര്‍ക്കിക്കാന്‍ ആരാണുള്ളത്‌? അല്ലെങ്കില്‍ അവരുടെ കാര്യം ഏറ്റെടുക്കാന്‍ ആരാണുണ്ടായിരിക്കുക?" (വി .ഖു 4:109)

"ആരെങ്കിലും വല്ല തെറ്റോ കുറ്റമോ പ്രവര്‍ത്തിക്കുകയും, എന്നിട്ട്‌ അത്‌ ഒരു നിരപരാധിയുടെ പേരില്‍ ആരോപിക്കുകയും ചെയ്യുന്ന പക്ഷം തീര്‍ച്ചയായും അവന്‍ ഒരു കള്ളആരോപണവും പ്രത്യക്ഷമായ ഒരു പാപവും പേറുകയാണ്‌ ചെയ്തിരിക്കുന്നത്‌. " (വി .ഖു 4:112)

നോക്കൂ എത്ര ശക്തമായ ഉണര്‍ത്തലുകള്‍ !.. ഈ നീതി ബോധം ഒരു മുസ്ലിമിന് ഏറ്റവും അടിസ്ഥാനമായി ഉണ്ടാവേണ്ടതാണ് .അതില്ലാത്തവര്‍, അന്യായവും ചെയ്തു ഞാനും ഈ വേദ ഗ്രന്ഥത്തിന്റെ ആള്‍ എന്ന് പറഞ്ഞു നടക്കുന്നതിലെ പൊരുത്തക്കേട് സ്വയം ഒന്ന് ആലോചിച്ചു നോക്കാന്‍ ഈ നോമ്പ് കാലം പ്രേരകമാകട്ടെ .

ഇതിനോട് ചേര്‍ത്ത് വായിക്കുന്ന ഒരു വചനം ഖുര്‍ആന്‍ രണ്ടാം അധ്യായത്തില്‍ ഉണ്ട് , അതായത് നമുക്ക് അര്‍ഹത ഇല്ലാത്ത ഒരു കാര്യത്തിനു വേണ്ടി കോടതിയെ പ്പോലും സമീപിക്കരുത് .

"അന്യായമായി നിങ്ങള്‍ അന്യോന്യം സ്വത്തുക്കള്‍ തിന്നരുത്‌. അറിഞ്ഞുകൊണ്ടു തന്നെ, ആളുകളുടെ സ്വത്തുക്കളില്‍ നിന്ന്‌ വല്ലതും അധാര്‍മ്മികമായി നേടിയെടുത്തു (ഉപയോഗിക്കാന്‍ )തിന്നുവാന്‍ വേണ്ടി നിങ്ങളതുമായി വിധികര്‍ത്താക്കളെ സമീപിക്കുകയും ചെയ്യരുത്‌." (വി .ഖു 2:188)

കറകളഞ്ഞ നീതി ബോധവും , ധര്‍മ്മ നിഷ്ഠയും , നല്ല കര്മ്മങ്ങളുമല്ലാതെ ദൈവ പ്രീതിക്ക് വേറെ കുറുക്കു വഴികള്‍ ഇല്ല എന്ന് ഈ വചനങ്ങള്‍ നമ്മെ ബോധ്യപ്പെടുത്തുന്നു..

Next

06: ഔദാര്യമല്ല,അവകാശമാണ്..

Previous

04: കാരുണ്യത്തിന്റെ ചിറകുകള്‍ ..!

04: കാരുണ്യത്തിന്റെ ചിറകുകള്‍..?

2009-08-25T14:05:00.000-07:00

വിശുദ്ധ ഖുറാനിലെ 17-അം അധ്യായത്തെ ഇസ്രാഹ് (നിശാ യാത്ര ) എങ്ങിനെ വിശേഷിപ്പിക്കണം എന്നറിയില്ല , വേദ ഗ്രന്ഥം നേര്‍വഴി നടത്തുന്ന ഒരു ഗുരുനാഥന്‍ കൂടിയാണ് എന്ന് എനിക്ക് തോന്നിയ അദ്ധ്യായം ആണിത് , നമ്മള്‍ അശ്രദ്ധരായി കൈ കാര്യം ചെയ്യുന്ന വ്യത്യസ്തങ്ങളായ ജീവിത സന്ദര്‍ഭങ്ങള്‍ ഈ അദ്ധ്യായം സ്നേഹത്തോടെ, ഉപമകളോടെയും നമ്മെ ഓര്‍മ്മപ്പെടുത്തുന്നു .

37-അം വചനം നോക്കൂ ..,

"നീ ഭൂമിയില്‍ അഹന്തയോടെ നടക്കരുത്‌. തീര്‍ച്ചയായും നിനക്ക്‌ ഭൂമിയെ പിളര്‍ക്കാനൊന്നുമാവില്ല. ഉയരത്തില്‍ നിനക്ക്‌ പര്‍വ്വതങ്ങള്‍ക്കൊപ്പമെത്താനും ആവില്ല, തീര്‍ച്ച."

ഈ വചനത്തെ വിശദീകരിക്കുന്നത് അധികപ്പറ്റാകും.. പകല്‍ പോലെ വ്യക്തമായ വചനങ്ങള്‍ . അല്പം സ്ഥാന മാനമോ , അംഗീകാരമോ , അധികാരമോ ,സമ്പത്തോ ലഭിക്കുമ്പോള്‍ പലരുടെയും നടപ്പിലും ഇരിപ്പിലും , മറ്റുള്ളവരോടുള്ള പെരുമാറ്റത്തിലും അറിഞ്ഞും അറിയാതെയും അഹന്ത കലരുന്നതായി കാണാം .. പക്ഷെ എത്ര സ്ഥാനമാനങ്ങള്‍ ലഭിച്ചാലും പ്രപഞ്ചത്തില്‍ നാം പുല്‍ക്കൊടിക്ക് സമം .. നാം എത്ര നിസ്സാരര്‍ എന്ന ഒരു ചിന്ത വരികില്‍ പിന്നെ അഹന്ത താനേ കെട്ടടങ്ങും .. പകരം വിനയം ജ്വലിക്കും പെരുമാറ്റത്തില്‍ .

ഈ അധ്യായത്തില്‍ തന്നെയുള്ള 23- ത്തെയും 31- ത്തെയും വചനങ്ങള്‍ നോക്കൂ .

23,24- വചനങ്ങള്‍

".................മാതാപിതാക്കള്‍ക്ക്‌ നന്‍മചെയ്യണമെന്നും നിന്‍റെ രക്ഷിതാവ്‌ വിധിച്ചിരിക്കുന്നു. അവരില്‍ ( മാതാപിതാക്കളില്‍ ) ഒരാളോ അവര്‍ രണ്ട്‌ പേരും തന്നെയോ നിന്‍റെ അടുക്കല്‍ വെച്ച്‌ വാര്‍ദ്ധക്യം പ്രാപിക്കുകയാണെങ്കില്‍ അവരോട്‌ നീ ഛെ എന്ന്‌ പറയുകയോ, അവരോട്‌ കയര്‍ക്കുകയോ ചെയ്യരുത്‌. അവരോട്‌ നീ മാന്യമായ വാക്ക്‌ പറയുക.

കാരുണ്യത്തോട്‌ കൂടി എളിമയുടെ ചിറക്‌ നീ അവര്‍ ഇരുവര്‍ക്കും താഴ്ത്തികൊടുക്കുകയും ചെയ്യുക. എന്‍റെ രക്ഷിതാവേ, ചെറുപ്പത്തില്‍ ഇവര്‍ ഇരുവരും എന്നെ പോറ്റിവളര്‍ത്തിയത്‌ പോലെ ഇവരോട്‌ നീ കരുണ കാണിക്കണമേ എന്ന്‌ നീ പറയുകയും ചെയ്യുക."

അച്ഛനമ്മമാരെ വൃദ്ധ സദനങ്ങളില്‍ കൊണ്ടാക്കുന്ന മഹാ പാതകം ചെയ്യുന്നവരെ അല്ല , അത്തരം ക്രൂരന്മാരെ വിടാം ..അവര്‍ക്കുള്ള ശിക്ഷ അവരെ കാത്തു കിടക്കുന്നുണ്ടാവും ..നമുക്ക് നമ്മുടെ കാര്യം എടുക്കാം ..അച്ഛനമ്മമാരെ നാം എത്രത്തോളം കെയര്‍ ചെയ്യാറുണ്ട് .. ഖുറാന്‍ നമ്മോടു ഉരുവിടാന്‍ പറയുന്ന പ്രാര്‍ത്ഥന നോക്കൂ . എന്‍റെ രക്ഷിതാവേ, ചെറുപ്പത്തില്‍ ഇവര്‍ ഇരുവരും എന്നെ പോറ്റിവളര്‍ത്തിയത്‌ പോലെ ഇവരോട്‌ നീ കരുണ കാണിക്കണമേ ..ഈ പ്രാര്‍ത്ഥന തന്നെ ഒരു ഓര്‍മ്മപ്പെടുത്തല്‍ കൂടിയാണ് ..നമുക്ക് ഒരറിവും കഴിവും ഇല്ലാത്ത, നമ്മള്‍ ഒന്നും അല്ലാത്ത കാലത്ത്, കണ്ണില്‍ എണ്ണ ഒഴിച്ച് നമ്മെ വളര്‍ത്തിയവര്‍ .. ,

സത്യത്തില്‍ ഓരോ മക്കളും വൃദ്ധരായ അച്ഛനെയും അമ്മയെയും തന്റെ കൂടെ നിര്‍ത്ത്തുന്നതിലും അവരെ സ്നേഹിക്കുന്നതിലും മത്സരിക്കുകയാണ് വേണ്ടത് . ഖുറാന്‍ ഉപയോഗിച്ച വാക്ക് നോക്കൂ കാരുണ്യത്തോട്‌ കൂടി എളിമയുടെ ചിറക്‌ നീ അവര്‍ ഇരുവര്‍ക്കും താഴ്ത്തികൊടുക്കുകയും ചെയ്യുക .. അതായത് ഒരു പക്ഷി തന്റെ ചിറകിനടിയില്‍ കുഞ്ഞുങ്ങളെ പൊതിയുന്ന പോലെ അച്ഛനമ്മമാരെ സ്നേഹത്തോടെ പരിചരിക്കണം എന്ന് , പക്ഷെ ജീവിത തിരക്കിനിടയില്‍ നമ്മില്‍ ചിലര്‍ക്കെങ്കിലും അത് പറ്റാതെ പോകുന്നുണ്ടോ ? അവരുടെ മനസ്സ് വിഷമിപ്പിക്കുകില്‍ തിരുത്താനാവാത്ത ചില തെറ്റുകള്‍ നാം ചെയ്യുന്നു എന്നര്‍ത്ഥം

മാതാ പിതാക്കള്‍ക്ക് നന്മ ചെയ്യണം എന്ന് പല സ്ഥലത്തും ഖുറാനില്‍ കാണാം .. മാതാവിന്റെ തൃപ്തിയില്‍ ആണ് സ്വര്‍ഗ്ഗം എന്ന പ്രവാചക വചനം കൂടെ ചേര്‍ത്ത് വായിക്കുക .

നാം ശ്രദ്ധിക്കേണ്ട വ്യത്യസ്ത വിഷയങ്ങള്‍ ഒരു ഗുരുനാഥനെ പ്പോലെ നമുക്ക് പറഞ്ഞു തരുന്ന അദ്ധ്യായം ആണ് 17-അം അദ്ധ്യായം എന്ന് നാം പറഞ്ഞു , അതെ അദ്ധ്യായത്തിലെ 31- ത്തെ വചനം കൂടി

"ദാരിദ്യ്‌രഭയത്താല്‍ നിങ്ങള്‍ നിങ്ങളുടെ കുഞ്ഞുങ്ങളെ കൊന്നുകളയരുത്‌. നാമാണ്‌ അവര്‍ക്കും നിങ്ങള്‍ക്കും ഉപജീവനം നല്‍കുന്നത്‌. അവരെ കൊല്ലുന്നത്‌ തീര്‍ച്ചയായും ഭീമമായ അപരാധമാകുന്നു."

അതെ , സ്വാര്‍ഥരായ ചിലര്‍ മാതാപിതാക്കളെ സൌകര്യ പൂര്‍വ്വം ഒഴിവാക്കുന്ന പോലെ , പിറക്കാനിരിക്കുന്ന കുഞ്ഞിനെ ഗര്‍ഭാശയത്തില്‍ വച്ച് തന്നെ കശാപ്പ് ചെയ്യുന്നു ..കാരണം പലതാകാം . ഖുറാന്‍ ശക്തമായി പറയുന്നു കുഞ്ഞുങ്ങളെ കൊല്ലുന്നത് ഭീമമായ അപരാധമാകുന്നു .നമ്മെ പ്പോലെ ഈ നിറമുള്ള ഭൂമിയില്‍ ജനിക്കാനും ജീവിക്കാനും ഉള്ള അവരുടെ അവകാശം ഇല്ലാതാക്കുന്നത് ഭീമമായ അപരാധമാകുന്നു .

ഈ അദ്ധ്യായം ഇങ്ങിനെ ചില കാലിക പ്രസക്തങ്ങളായ ചിന്തകള്‍ എന്നില്‍ നിറക്കുന്നു ..എന്നെ കൂടുതല്‍ വിനയമുള്ളവനും സ്നേഹമുള്ളവനും ആയി തീരാന്‍ പ്രേരിപ്പിക്കുന്നു ..ഒരു ഗുരുനാഥന്റെ തെളിഞ്ഞ വാക്കുകള്‍ പോലെ
================

അനുബന്ധം

നമ്മുടെ ചില ചെറിയ കെയറിംഗ് പോലും അച്ഛനമ്മമാര്‍ക്ക് കൂടുതല്‍ സന്തോഷം നല്‍കും .. ഒരു അനുഭവം പറയട്ടെ .. നാട്ടില്‍ ആയിരുന്നപ്പോള്‍ ജോലിക്കൊപ്പം ഒരു ചെറിയ ബിസിനസ്‌ കൂടിയുണ്ടായിരുന്ന എനിക്ക് ബിസിനസ്‌ ആവശ്യാര്‍ത്ഥം സമീപത്തെ സ്ഥലങ്ങളില്‍ പോകേണ്ടി വരും , പലപ്പോഴും എന്റെ ഉമ്മയെ കൂടെ കൂട്ടും , അങ്ങിനെ പാലക്കാട്‌ ടിപ്പുവിന്റെ കോട്ട , നിലമ്പുര്‍ തുടങ്ങിയ കുറച്ചൊക്കെ സ്ഥലങ്ങളില്‍ ഉമ്മയെ കൊണ്ട് പോയി കാണിച്ചിട്ടുമുണ്ട്‌. അതൊന്നും ഞാന്‍ വലിയ കാര്യം ആയി കണക്കാക്കിയിരുന്നില്ല ..മാത്രമല്ല ഉമ്മാക്ക് ബുദ്ധിമുട്ടാകുമോ ഈ യാത്രയൊക്കെ എന്ന് ചിലപ്പോഴൊക്കെ ചിന്തിച്ചിട്ടുമുണ്ട്‌ .

പറഞ്ഞു വരുന്നത് ഒരിക്കല്‍ പെട്ടെന്ന് നെഞ്ചു വേദന വന്ന ഹോസ്പിറ്റലൈസ് ചെയ്യപ്പെട്ട ഉമ്മാക്ക് , ഓപ്പറേഷനു ശേഷം , അവശയായി കിടക്കവേ , ചായ വാങ്ങിക്കാന്‍ പോയ ഞാന്‍ തിരിച്ചു വന്നപ്പോള്‍ കൂടെ നിന്ന ഞങ്ങളുടെ ഒരു റിലേറ്റീവിനോട് ഉമ്മ പറയുന്നത് പുറത്തു നിന്ന് ഞാന്‍ കേട്ടു . "എന്റെ മോന്‍ എന്നെ എല്ലാ സ്ഥലത്തും കൊണ്ട് പോകും ." .ഏറ്റവും അവശതയില്‍ കിടക്കുമ്പോഴും എന്റെ ഉമ്മ ഓര്‍ക്കുന്നത് ഞാന്‍ കൊടുത്ത ചെറിയ കെയറിംഗ് ആണ് .. .. അതിനു ശേഷം ഞാന്‍ ഇത്തരം ചെറിയ കാര്യങ്ങള്‍ പോലും ശ്രദ്ധയോടെ ചെയ്തു കൊടുക്കാന്‍ ശ്രമിക്കാറുണ്ട്‌ ..

ഫാമിലി ആയി ഫങ്ഷന് വരണം എന്ന് നമ്മുടെ സുഹൃത്തുക്കള്‍ നമ്മെ വിളിക്കുമ്പോള്‍ നാം ഭാര്യയെ കൊണ്ട് പോകുന്ന കാര്യം ആയിരിക്കും ചിന്തിക്കുക ..പകരം പറ്റുമെങ്കില്‍ അമ്മയെയെ കൂടി കൊണ്ട് പോയി നോക്കൂ .. അമ്മക്കുണ്ടാകുന്ന സന്തോഷത്തിനു അതിരുണ്ടാവില്ല ..പുറമേക്ക് കാണിച്ചില്ലെങ്കിലും

അത് പോലെ നമ്മുടെ കൈ കൊണ്ടു ഒരു ഡ്രസ്സ്‌ വാങ്ങി കൊടുത്തു നോക്കൂ ..ആവര്‍ക്ക്‌ എത്രയോ രൂപ കൊടുത്തു അങ്ങാടിയില്‍ പോയി വാങ്ങിക്കോളൂ' എന്ന് പറയുന്നതിനേക്കാള്‍ ആയിരം ഇരട്ടി സന്തോഷകരം ആയിരിക്കും അവര്‍ക്കത് .. കാരണം ഈ തിരക്കിനിടയിലും എന്റെ മോന്‍ എന്നെ പരിഗണിക്കുന്നു വല്ലോ എന്ന ചിന്ത അവര്‍ക്ക് ഒരു പാട് സന്തോഷം നല്‍കും ..

പറയട്ടെ , അച്ഛനമ്മന്മാരുടെ തൃപ്തി കിട്ടിയവന്‍ ഒരിക്കലും ഒരിടത്തും പരാജയപ്പെടുകയില്ല. (അതെങ്ങിനെയെന്ന് ചോദിക്കരുത് , ആത്മാര്‍ഥമായ സ്നേഹം യുക്തി ചിന്തയില്‍ ഒതുങ്ങുന്നതല്ല എന്ന് മാത്രം എനിക്കറിയാം )

Next
05: ജൂതന്റെ പടയങ്കി

03: പൂര്‍വ്വാഹ്നം തന്നെയാണ് സത്യം..!

2009-08-24T04:02:00.000-07:00

ഞാന്‍ വായിച്ച എന്നതിലപ്പുറം എന്നെ വായിച്ച ഒരു അധ്യായത്തെ പറ്റിയാണ് ഇന്ന് പറയാന്‍ പോകുന്നത്

അതിനു മുന്‍പ് ഒരു ആമുഖം ആവാം .. , ആത്മഹത്യ പൊതുവേ മുസ്ലിംകളില്‍ കുറവാണെന്ന് പല പഠനങ്ങളിലും കാണാം ,കാര്യം , വളരെ ശക്തമായ ഭാഷയില്‍ ആണ് ആത്മഹത്യയെ ഇസ്ലാം വിരോധിച്ചിട്ടുള്ളത്‌... ഇസ്ലാമിന്റെ കാഴ്ചപ്പാടില്‍ ആത്മഹത്യ ചെയ്യുന്നവന് മോക്ഷം ലഭിക്കാന്‍ സാധ്യത ഏറക്കുറെ ഇല്ല എന്ന് തന്നെ പറയാം ..

പറയാന്‍ കാരണം രണ്ടു മാസങ്ങള്‍ക്ക് മുന്‍പ് നാട്ടിലേക്ക് വിളിച്ചപ്പോള്‍ അറിയാന്‍ കഴിഞ്ഞു ഞാന്‍ നന്നായി അറിയുന്ന ഒരാള്‍ ട്രെയിനിനു മുന്നില്‍ ചാടി ആത്മാഹുതി ചെയ്തു എന്ന് , എന്തോ ചില സാമ്പത്തിക പ്രശ്നം, പക്ഷെ പുള്ളി അപമാനം ഭയന്ന് ആരോടും പറഞ്ഞില്ല , ഒരു പക്ഷെ അങ്ങിനെ പറഞ്ഞിരുന്നുവെങ്കില്‍ അതില്‍ നിന്ന് കര കയറാന്‍ നല്ല സാധ്യത ഉണ്ടായിരുന്നു താനും .. എന്തെങ്കിലും ഒരു വഴി തെളിഞ്ഞു വരും എന്ന് വിശ്വാസം ഉള്ളവര്‍ പ്രതി സന്ധികളില്‍ പിടിച്ചു നില്‍ക്കും , തരണം ചെയ്യുകയും ചെയ്യും .(കപട) അപമാനബോധം ആണ് പല ആത്മഹത്യക്കും പിന്നില്‍ .., കൂടെ അക്ഷമയും , ശുഭാപ്തി വിശ്വാസക്കുറവും .

ഈ വാര്‍ത്ത കേട്ടപ്പോള്‍ എനിക്ക് ഒരു ഖുറാന്‍ വചനം ആണ് ഓര്‍മ്മ വന്നത്

ഹേ; മനുഷ്യാ, ഉദാരനായ നിന്റെ രക്ഷിതാവിന്‍റെ കാര്യത്തില്‍ നിന്നെ വഞ്ചിച്ചു കളഞ്ഞതെന്താണ് (വി.ഖു 82:6 )

നമ്മള്‍ അറിയാതെ എത്ര അനുഗ്രഹം ആണ് നമുക്ക് ലഭിച്ചു കൊണ്ടിരിക്കുന്നത് ..വായു , വെള്ളം, ഭക്ഷണം , അങ്ങിനെ എന്തൊക്കെ അനുഗ്രഹം , ശരിക്കും ആലോചിച്ചാല്‍ മിക്കതും നമ്മുടെ പ്രയത്നം കൊണ്ട് നാം ഒരിക്കിയതല്ല .. അതിനാല്‍ തന്നെ ഇതൊക്കെ നമുക്കായി ഒരുക്കിയ സൃഷ്ടാവിന്റെ കാരുണ്യത്തില്‍, ചെറിയ പ്രതി സന്ധി വരുമ്പോഴേക്കും , നാം നിരാശപ്പെടുന്നതില്‍ അര്‍ഥം ഇല്ല തന്നെ . അല്പം ധൈര്യത്തോടെ പിടിച്ചു നിന്നാല്‍ നാം ഉദ്ദേശിക്കാത്ത രീതിയില്‍ പ്രതി സന്ധി നീങ്ങി പോകുന്നതായി കാണാം . അതിനു വെറും പ്രാര്‍ത്ഥന മാത്രം പോര താനും . ഖുറാന്‍ പറയുന്നത് ശ്രദ്ധിക്കൂ ,

എന്നാല്‍ തീര്‍ച്ചയായും ഞെരുക്കത്തിന്‍റെ കൂടെ ഒരു എളുപ്പമുണ്ടായിരിക്കും.
തീര്‍ച്ചയായും ഞെരുക്കത്തിന്‍റെ കൂടെ ഒരു എളുപ്പമുണ്ടായിരിക്കും.
ആകയാല്‍ നിനക്ക്‌ ഒഴിവ്‌ കിട്ടിയാല്‍ നീ അദ്ധ്വാനിക്കുക.
നിന്‍റെ രക്ഷിതാവിലേക്ക്‌ തന്നെ നിന്‍റെ ആഗ്രഹം സമര്‍പ്പിക്കുകയും ചെയ്യുക.
(വി ഖുര്‍ആന്‍ 94 :4-8)

പ്രാര്‍ഥനയുടെ കൂടെ പ്രയത്നവും വേണം എന്ന് ഈ വചനങ്ങള്‍ നമ്മെ ഓര്‍മ്മിപ്പിക്കുന്നു .

==============

അത് അവിടെ നില്‍ക്കട്ടെ , പറഞ്ഞു വരുന്നത് എന്നെ ഏറെ സ്വാധീനിച്ച ഒരു അധ്യായത്തെ പറ്റിയാണല്ലോ ..എന്റെ ഭൂത കാലത്തിലൂടെ കടന്നു ,വര്‍ത്തമാനത്തില്‍ എത്തി , ഭാവി പ്രവര്‍ത്തനങ്ങള്‍ ഏതു രീതിയില്‍ ആയിരിക്കണം എന്ന് ലളിതമായി , എന്നാല്‍ ശക്തമായും എനിക്ക് നിര്‍വചിച്ചു തരുന്ന ഒരു ചെറിയ അദ്ധ്യായം .. ളുഹാ (പൂര്‍വ്വാഹ്നം) എന്ന ഖുറാനിലെ തൊണ്ണൂറ്റി മൂന്നാം അധ്യായത്തെ പറ്റിയാണ് ഞാന്‍ പറഞ്ഞു വരുന്നത് ..അതിന്റെ അര്‍ഥം താഴെ കൊടുക്കുന്നു

പരമകാരുണികനും കരുണാനിധിയുമായ ദൈവത്തിന്റെ നാമത്തില്‍ .
പൂര്‍വ്വാഹ്നം തന്നെയാണ സത്യം;
രാത്രി തന്നെയാണ സത്യം; അത്‌ ശാന്തമാവുമ്പോള്‍
നിന്‍റെ രക്ഷിതാവ്‌ നിന്നെ കൈവിട്ടിട്ടില്ല. വെറുത്തിട്ടുമില്ല.
തീര്‍ച്ചയായും പരലോകമാണ്‌ നിനക്ക്‌ ഇഹലോകത്തെക്കാള്‍ ഉത്തമമായിട്ടുള്ളത്‌.
വഴിയെ നിനക്ക്‌ നിന്‍റെ രക്ഷിതാവ്‌ ( അനുഗ്രഹങ്ങള്‍ ) നല്‍കുന്നതും അപ്പോള്‍ നീ തൃപ്തിപ്പെടുന്നതുമാണ്‌
നിന്നെ അവന്‍ ഒരു അനാഥയായി കണ്ടെത്തുകയും , എന്നിട്ട്‌ ( നിനക്ക്‌ ) ആശ്രയം നല്‍കുകയും ചെയ്തില്ലേ?
നിന്നെ അവന്‍ വഴി അറിയാത്തവനായി കണ്ടെത്തുകയും എന്നിട്ട്‌ ( നിനക്ക്‌ ) മാര്‍ഗദര്‍ശനം നല്‍കുകയും ചെയ്തിരിക്കുന്നു.
നിന്നെ അവന്‍ ദരിദ്രനായി കണ്ടെത്തുകയും എന്നിട്ട്‌ അവന്‍ ഐശ്വര്യം നല്‍കുകയും ചെയ്തിരിക്കുന്നു.
എന്നിരിക്കെ അനാഥയെ നീ അടിച്ചമര്‍ത്തരുത്‌
ചോദിച്ച്‌ വരുന്നവനെ നീ വിരട്ടി വിടുകയും ചെയ്യരുത്‌.
നിന്‍റെ രക്ഷിതാവിന്‍റെ അനുഗ്രഹത്തെ സംബന്ധിച്ച്‌ നീ സംസാരിക്കുക

പറയട്ടെ ഇതിലെ ആദ്യ വചനങ്ങള്‍ ഇഹലോകത്തെക്കാള്‍ നല്ലത് പരലോകം ആണ് എന്നത് പലപ്പോഴും എന്നിലെ ഇഹ ലോക സുഖങ്ങളില്‍ അമിതമായി അഭിരമിക്കാനുള്ള ആഗ്രഹത്തെ ഒരു പരിധി വരെ ഇല്ലാതാക്കിയിട്ടുണ്ട് .. ഭൂമിയില്‍ സമ്പത്തോ, സമയമോ ,വെറുതെ സുഖിച്ചു ദുര്‍വ്യയം ചെയ്യുന്നതിനേക്കാള്‍ സഹ ജീവി സഹായത്തിലൂടെ , പുണ്യം കിട്ടുന്ന വലിയൊരു മേഖലയില്‍ ചിലവഴിക്കാന്‍ വളരെയധികം പ്രേരിപ്പിക്കുന്നുമുണ്ട് ... അടുത്ത വചനം നോക്കൂ

നിന്നെ അവന്‍ ഒരു അനാഥയായി കണ്ടെത്തുകയും , എന്നിട്ട്‌ ( നിനക്ക്‌ ) ആശ്രയം നല്‍കുകയും ചെയ്തില്ലേ?

ഈ വചനങ്ങള്‍ എത്രയോ സത്യം ആണ് എന്റെ ജീവിതത്തില്‍ , എന്റെ പ്രീ -ഡിഗ്രി കഴിഞ്ഞ ഉടനെ എന്റെ പിതാവ് , നേരത്തെ എന്നെ വിട്ടു പോകുകയും ..അക്ഷരാര്‍ത്ഥത്തില്‍ അനാഥത്വം അനുഭവപ്പെടുകയും ചെയ്തു ..പക്ഷെ പിന്നീട് ഒന്നിനും ഒരു തടസ്സവും കൂടാതെ ഞാന്‍ എന്റെ തുടര്‍ പഠനങ്ങള്‍ പൂര്‍ത്തിയാക്കി ..ശരിക്കും ദൈവം എനിക്ക് ആശ്രയം തന്നു

നിന്നെ അവന്‍ വഴി അറിയാത്തവനായി കണ്ടെത്തുകയും എന്നിട്ട്‌ ( നിനക്ക്‌ ) മാര്‍ഗദര്‍ശനം നല്‍കുകയും ചെയ്തിരിക്കുന്നു.

ശരിയാണ് , ജീവിതത്തില്‍ വഴിയറിയാതെ നിന്നിട്ടുണ്ട് .. ഭൗതികമായും ബൗദ്ധികമായും ... എന്ന് രണ്ടു രീതിയിലും ദൈവം എനിക്ക് മാര്‍ഗദര്‍ശനം നല്‍കിയിരിക്കുന്നു

നിന്നെ അവന്‍ ദരിദ്രനായി കണ്ടെത്തുകയും എന്നിട്ട്‌ അവന്‍ ഐശ്വര്യം നല്‍കുകയും ചെയ്തിരിക്കുന്നു.

സത്യമാണ് ..ഞാന്‍ ഇന്ന് ഏറെ സംതൃപ്തനാണ് ..അത് സാമ്പത്തികം ആയ അര്‍ത്ഥത്തില്‍ അല്ല ... സമ്പത്ത് പാവങ്ങള്‍ക്കായി ചിലവഴിക്കാതെ കുന്നു കൂട്ടി വക്കുന്നവര്‍ക്ക് കഠിന ശിക്ഷ ഖുറാനില്‍ പറയുന്നതിനാല്‍ കൂട്ടി വെക്കാന്‍ ഒട്ടും താല്പര്യം ഇല്ല ..എങ്കിലും വളരെ ദരിദ്രനായിരുന്ന എന്നെ ദൈവം, പലര്‍ക്കും സഹായം എത്തിക്കാന്‍ കെല്പ്പുള്ളവനാക്കി ഐശ്വര്യം തന്നിരിക്കുന്നു ..നമ്മള്‍ മൂലം ഒരാള്‍ അല്ലെങ്കില്‍ ഒരു കുടുംബം അല്പം രക്ഷപ്പെട്ടു എന്ന് അറിയുന്നതാണ് ഏറ്റവും വലിയ ധന്യത .ആ നില നില്‍ക്കുന്ന സന്തോഷത്തിനു പകരം വക്കാന്‍ ഭൂലോകത്ത് ഒന്നും ഇല്ല...സത്യം !

എന്നിരിക്കെ അനാഥയെ നീ അടിച്ചമര്‍ത്തരുത്‌
ചോദിച്ച്‌ വരുന്നവനെ നീ വിരട്ടി വിടുകയും ചെയ്യരുത്‌.

എനിക്ക് കിട്ടിയ അനുഗ്രഹങ്ങള്‍ എണ്ണി പറഞ്ഞിട്ട് , ദൈവം എന്നോട് ഗൗരവമായി പറയുന്നത് , ഞാന്‍ അനാഥനായിരുന്നപ്പോള്‍ എനിക്ക് ആശ്രയം തന്ന പോലെ ,ഒരു കാലത്ത് ദരിദ്ര നാരായണന്‍ ആയിരുന്ന എനിക്ക് ഐശ്വര്യം തന്ന പോലെ , ഞാന്‍ തീര്‍ച്ചയായും അനാഥകളെ സംരക്ഷിക്കണം , ചോദിച്ച്‌ വരുന്നവനെ അതായത് പ്രതി സന്ധികളില്‍ അകപ്പെട്ട , ജീവിക്കാന്‍ നിവൃത്തി ഇല്ലാത്തവനെ സഹായിക്കണം ...നോക്കൂ ആന്തരികമായി നന്മ ചെയ്യാന്‍ നമ്മെ എത്ര മാത്രം ഉണര്‍ത്തുന്ന വരികള്‍ .. നിന്നെ ദൈവം സംരക്ഷിക്കുന്ന പോലെ നീ മറ്റുള്ളവരെ സംരക്ഷിക്കുക ..നമ്മുടെ ഒക്കെ ദുര്‍ ചെലവ് കുറച്ചാല്‍ നമുക്ക് കിട്ടുന്നതില്‍ ചെറുതല്ലാത്ത ഒരു പങ്കു ബാക്കി ഉള്ളവര്‍ക്കായി നീക്കി വെക്കാം , സമ്പത്ത് മാത്രമല്ല , സമയവും . അത് മോക്ഷം ലഭിക്കാന്‍ പരമപ്രധാനമാണ് താനും .

ഈ അധ്യായത്തിന്റെ അവസാന വചനം നോക്കൂ

നിന്‍റെ രക്ഷിതാവിന്‍റെ അനുഗ്രഹത്തെ സംബന്ധിച്ച്‌ നീ സംസാരിക്കുക

അതെ ഞാന്‍ ഇപ്പോള്‍ ചെയ്യുന്നത് അത് കൂടിയാണ് ..പ്രപഞ്ച സൃഷ്ടാവായ ദൈവം മനുഷ്യര്‍ക്ക്‌ ചെയ്തു കൊണ്ടിരിക്കുന്ന അനുഗ്രഹത്തെ ക്കുറിച്ച് കൂടിയാണ് ഞാന്‍ പറഞ്ഞു കൊണ്ടിരിക്കുന്നത് ..

ഈ ഒരു അദ്ധ്യായം ആണ് ഞാന്‍ ,അല്ലെങ്കില്‍ ഈ ഒരു അദ്ധ്യായം ആയിരിക്കണം ഞാന്‍ ..

Next
04: കാരുണ്യത്തിന്റെ ചിറകുകള്‍..!

02: അവന്‍ മുഖം ചുളിച്ചു..!

2009-08-23T05:36:00.000-07:00

ഈ അദ്ധ്യായം വായിക്കുന്നതിനു ‌ മുന്‍പ് ഖുറാന്റെ പൊതു ആഖ്യാന്യ രീതി എന്തെന്ന് ചെറുതായി മനസ്സിലാക്കുന്നത് നന്നായിരിക്കും.. പ്രവാചകനെ മുന്‍ നിര്‍ത്തി ദൈവം മനുഷ്യരോട് സംവദിക്കുന്ന ഒരു രീതിയാണ് വി. ഖുറാന്‍ കൈ കൊള്ളുന്നത്‌ , പ്രവാചകന്റെ ഇരുപത്തി മൂന്നു വര്‍ഷത്തെ പ്രവാചക ദൗത്യത്തിനിടയില്‍് പലപ്പോഴായി അവതരിച്ചതാണ്‌ ഖുറാനിലെ വചനങ്ങള്‍ ... ഈ അദ്ധ്യായത്തിലെ ആദ്യ വചനങ്ങള്‍ പ്രവാചകന്റെ ഒരു നടപടിയെ ദൈവം തിരുത്തുന്നു എന്ന നിലയില്‍ വളരെ പ്രസിദ്ധമാണ് ..

ഇത് അവതരിക്കാനുള്ള പശ്ചാത്തലം ഒരിക്കല്‍ പ്രവാചകന്‍ മക്കയിലെ പ്രമുഖരുമായി തന്റെ ദൗത്യത്തെ ക്കുറിച്ചുള്ള കാര്യഗൗരവകരമായ ഒരു ചര്‍ച്ചയില്‍ ആയിരുന്നു , ആ സമയത്ത് അന്ധനായ അബ്ദുള്ള (ബ്നു ഉമ്മി മക്തൂം ) എന്ന ഒരാള്‍ പ്രവാചകനെ കാണാനായി വന്നു. എന്താണ് പ്രവാചകന്റെ ആശയങ്ങള്‍ എന്നും മറ്റും ഉള്ള കാര്യങ്ങള്‍ അറിയാനായിരുന്നു അബ്ദുള്ള യുടെ ആഗമനോദ്ദേശ്യം . തിരക്കിട്ട ചര്‍ച്ചയില്‍ ആയതിനാല്‍ പ്രവാചകന് സ്വാഭാവികമായും അന്ധനായ അബ്ദുല്ലയെ വേണ്ട വിധം ഗൗനിക്കാന്‍ കഴിഞ്ഞില്ല . ഒരു വലിയ സദസ്സില്‍ പ്രമുഖരുമായി ചര്‍ച്ച നടത്തി കൊണ്ടിരിക്കേ മറ്റൊരാള്‍ വന്നാല്‍ വേണ്ട വിധം പരിഗണിക്കാന്‍ കഴിയില്ല എന്നത് അറിയാതെ സംഭവിച്ചു പോകുന്നതാനല്ലോ ..പക്ഷെ ദൈവത്തിനു ഒരു അവഗണയും ഇഷ്ടമാവില്ലല്ലോ ..അതിനാല്‍ തന്നെ അല്പം കഴിഞ്ഞു ഒരന്ധനെ അവഗണിച്ച് നടപടി ശരിയായില്ലെന്ന് ശക്തമായി ഉണര്‍ത്തി ഖുറാന്‍ വചനങ്ങള്‍ ഇറങ്ങി .. അവ ആണ് താഴെ കാണുന്നത്

മനപ്പൂര്‍വ്വം അല്ലെങ്കിലും തനിക്കു വന്ന വീഴ്ചക്ക് പ്രവാചകന്‍ പിന്നീട് പ്രായശ്ചിത്തം ചെയ്തത് കൂടി ഇതിനോട് ചേര്‍ത്ത് വായിക്കണം .. പ്രവാചകന്‍ പിന്നീട് അന്ധനായ അബ്ദുല്ലയെ വളരെയധികം ആദരിച്ചു ..എത്രത്തോളം എന്നാല്‍ പിന്നീട് പ്രവാചകന്‍ മദീനയില്‍ എത്തി , മദീനയെ ഒരു സാംസ്കാരിക കേന്ദ്രമാക്കി മാറിയപ്പോള്‍ ,‍ പലപ്പോഴും പ്രവാചകന് മദീന വിട്ടു പുറത്തു പോകേണ്ടി വന്ന സമയങ്ങളില്‍ അന്ധനായ അബ്ദുല്ലയെ കാര്യങ്ങള്‍ ചുമതലപ്പെടുത്തി ,

ഏതായാലും ഈ അധ്യായത്തിന്റെ അര്‍ഥം നോക്കാം

പരിശുദ്ധ ഖുര്‍ആന്‍ അദ്ധ്യായം 80 അബസ (മുഖം ചുളിച്ചു )

അദ്ദേഹം മുഖം ചുളിച്ചു തിരിഞ്ഞുകളഞ്ഞു.
അദ്ദേഹത്തിന്‍റെ ആ അന്ധന്‍ വന്നതിനാല്‍.
നിനക്ക്‌ എന്തറിയാം? അയാള്‍ ( അന്ധന്‍ ) ഒരു വേള പരിശുദ്ധി പ്രാപിച്ചേക്കാമല്ലോ?
അല്ലെങ്കില്‍ ഉപദേശം സ്വീകരിക്കുകയും, ആ ഉപദേശം അയാള്‍ക്ക്‌ പ്രയോജനപ്പെടുകയും ചെയ്തേക്കാമല്ലോ.
എന്നാല്‍ സ്വയം പര്യാപ്തത നടിച്ചവനാകട്ടെ
നീ അവന്‍റെ നേരെ ശ്രദ്ധതിരിക്കുന്നു.
അവന്‍ പരിശുദ്ധി പ്രാപിക്കാതിരിക്കുന്നതിനാല്‍ നിനക്കെന്താണ്‌ കുറ്റം?
എന്നാല്‍ നിന്‍റെ അടുക്കല്‍ ഓടിവന്നവനാകട്ടെ,
( ദൈവത്തെ ) അവന്‍ ഭയപ്പെടുന്നവനായിക്കൊണ്ട്‌
അവന്‍റെ കാര്യത്തില്‍ നീ അശ്രദ്ധകാണിക്കുന്നു.
നിസ്സംശയം ഇത്‌ ( ഖുര്‍ആന്‍ ) ഒരു ഉല്‍ബോധനമാകുന്നു; തീര്‍ച്ച.
അതിനാല്‍ ആര്‍ ഉദ്ദേശിക്കുന്നുവോ അവനത്‌ ഓര്‍മിച്ച്‌ കൊള്ളട്ടെ.
ആദരണീയമായ ചില ഏടുകളിലാണത്‌.
ഔന്നത്യം നല്‍കപ്പെട്ടതും പരിശുദ്ധമാക്കപ്പെട്ടതുമായ (ഏടുകളില്‍)
ചില സന്ദേശവാഹകരുടെ കൈകളിലാണത്‌.
മാന്യന്‍മാരും പുണ്യവാന്‍മാരും ആയിട്ടുള്ളവരുടെ.
മനുഷ്യന് നാശം... എന്താണവന്‍ ഇത്ര നന്ദികെട്ടവനാകാന്‍?
ഏതൊരു വസ്തുവില്‍ നിന്നാണ്‌ ദൈവം അവനെ സൃഷ്ടിച്ചത്‌?
ഒരു ബീജത്തില്‍ നിന്ന്‌ അവനെ സൃഷ്ടിക്കുകയും, എന്നിട്ട്‌ അവനെ ( അവന്‍റെ കാര്യം ) വ്യവസ്ഥപ്പെടുത്തുകയും ചെയ്തു.
പിന്നീട്‌ അവന്‍ മാര്‍ഗം എളുപ്പമാക്കുകയും ചെയ്തു.
അനന്തരം അവനെ മരിപ്പിക്കുകയും, ഖബ്‌റില്‍ മറയ്ക്കുകയും ചെയ്തു.
പിന്നീട്‌ അവന്‍ ഉദ്ദേശിക്കുമ്പോള്‍ അവനെ ഉയിര്‍ത്തെഴുന്നേല്‍പിക്കുന്നതാണ്‌.
നിസ്സംശയം, അവനോട്‌ ദൈവം കല്‍പിച്ചത്‌ അവന്‍ നിര്‍വഹിച്ചില്ല.
എന്നാല്‍ മനുഷ്യന്‍ തന്‍റെ ഭക്ഷണത്തെപ്പറ്റി ഒന്നു ചിന്തിച്ച്‌ നോക്കട്ടെ.
നാം ശക്തിയായി മഴ വെള്ളം ചൊരിഞ്ഞുകൊടുത്തു.
പിന്നീട്‌ നാം ഭൂമിയെ ഒരു തരത്തില്‍ പിളര്‍ത്തി,
എന്നിട്ട്‌ അതില്‍ നാം ധാന്യം മുളപ്പിച്ചു.
മുന്തിരിയും പച്ചക്കറികളും
ഒലീവും ഈന്തപ്പനയും
ഇടതൂര്‍ന്നു നില്‍ക്കുന്ന തോട്ടങ്ങളും.
പഴവര്‍ഗവും പുല്ലും.
നിങ്ങള്‍ക്കും നിങ്ങളുടെ കന്നുകാലികള്‍ക്കും ഉപയോഗത്തിനായിട്ട്‌.
എന്നാല്‍ ചെകിടടപ്പിക്കുന്ന ആ ശബ്ദം വന്നാല്‍.
അതായത്‌ മനുഷ്യന്‍ തന്‍റെ സഹോദരനെ വിട്ട്‌ ഓടിപ്പോകുന്ന ദിവസം.
തന്‍റെ മാതാവിനെയും പിതാവിനെയും.
തന്‍റെ ഭാര്യയെയും മക്കളെയും.
അവരില്‍പ്പെട്ട ഓരോ മനുഷ്യനും തനിക്ക്‌ മതിയാവുന്നത്ര (ചിന്താ) വിഷയം അന്ന്‌ ഉണ്ടായിരിക്കും.
അന്ന്‌ ചില മുഖങ്ങള്‍ പ്രസന്നതയുള്ളവയായിരിക്കും
ചിരിക്കുന്നവയും സന്തോഷം കൊള്ളുന്നവയും.
വെറെ ചില മുഖങ്ങളാകട്ടെ അന്ന്‌ പൊടി പുരണ്ടിരിക്കും.
അവയെ കൂരിരുട്ട്‌ മൂടിയിരിക്കും.
അക്കൂട്ടരാകുന്നു *അവിശ്വാസികളും അധര്‍മ്മകാരികളുമായിട്ടുള്ളവര്‍.

(* ഖുറാനില്‍ വിശ്വാസം , അവിശ്വാസം എന്നിങ്ങിനെ പറയുന്നത് കേവലം ആയ വിശ്വാസമോ അവിശ്വാസമോ അല്ല ...നല്ല കര്‍മ്മങ്ങള്‍ വിശ്വാസത്തിനു അത്യന്താപേക്ഷിതം ആണ് ..ഇന്നലെ നമ്മള്‍ ചര്‍ച്ച ചെയ്ത അധ്യായത്തില്‍ പരോപകാര വസ്തുക്കള്‍ തടയുന്ന നമസ്കാരക്കാര്‍ക്കാന് നാശം എന്നും പാവപ്പെട്ടവന് വേണ്ടി പ്രവര്ത്തിക്കാത്തവനും അനാഥയെ തള്ളിക്കളയുന്നവനും വ്യാജ വിശ്വാസി ആണ് എന്നും പറഞ്ഞത് പറഞ്ഞത് ചേര്‍ത്ത് വായിക്കുക .)

അനുബന്ധം :
ഒരിക്കല്‍ എയര്‍ പോര്‍ട്ട്‌ റോഡിലൂടെ വരുമ്പോള്‍ , ഒരു സുഹൃത്തിനെ കണ്ടു വണ്ടി നിര്‍ത്തി , അവന്‍ വേറെ ആരെയോ കാത്തു നിക്കുകയായിരുന്നു , അടുത്ത് തന്നെ വണ്ടി കാത്തു അന്ധനായ ഒരാള്‍ നില്‍പ്പുണ്ടായിരുന്നു .. വളരെ തിരക്കില്‍ ആയിരുന്നു എങ്കിലും ആ അന്ധനെ അവഗണിക്കാന്‍ മനസ്സ് വന്നില്ല ..അദ്ദേഹത്തോട് എവിടെയാ പോകേണ്ടത് എന്ന് ചോദിച്ചു , എന്റെ വീട് നില്‍ക്കുന്ന സ്ഥലത്ത് നിന്നും 10 കിലോ മീറ്റര്‍ ദൂരം ഉണ്ട് ..എങ്കിലും അദ്ദേഹത്തെ ഞാന്‍ വണ്ടിയില്‍ കയറ്റി .. എന്റെ വീട് എത്താറായപ്പോള്‍ ഞാന്‍ ആലോചിച്ചു , വേറെ ഏതു പരിചയക്കാര്‍ ആണെങ്കിലും ഞാന്‍ വീട്ടില്‍ ഒന്ന് കയറാം അല്ലെ എന്ന് ചോദിക്കും, എന്റെ വീട്ടില്‍ കയറുകയും ഉള്ളത് എന്തെങ്കിലും കഴിക്കുകയും ചെയ്യും ..(മുന്‍പ് ഒരു ഡോക്ടര്‍ക്ക്‌ പുള്ളിയുടെ വണ്ടി കേടായ സമയത്ത് , ലിഫ്റ്റ്‌ കൊടുത്തപ്പോള്‍ നിര്‍ബന്ധിച്ചു വീട്ടില്‍ കയറ്റി ചായ കൊടുത്തു ) ഈ പാവപ്പെട്ട അന്ധനെ കണ്ടപ്പോള്‍ എനിക്ക് എന്ത് കൊണ്ട് അങ്ങിനെ തോന്നുന്നില്ല ...? ഇത് ഖുറാന്‍ പറഞ്ഞ അക്ഷരാര്‍ത്ഥത്തില്‍ ഉള്ള അതെ മുഖം ചുളിക്കള്‍ അല്ലെ ?.. ഈ ചിന്തയില്‍ ഞാന്‍ എന്റെ വീട്ടില്‍ കയറുകയും ഉണ്ടായിരുന്ന ദോശയും ചമ്മന്തിയും അയാള്‍ക്കൊപ്പം കഴിക്കുകയും ചെയ്തു .. അപ്പോഴാണ്‌ അറിയുന്നത് അയാള്‍ കാലത്തൊന്നും കഴിച്ചിട്ടുണ്ടായിരുന്നില്ല .. ഒരു ചിലരെ അന്വേഷിച്ചു നടക്കുന്നതിനിടയില്‍ ആണ് എന്നെ കണ്ടത് ..

അയാളെ ഇറക്കേണ്ട സ്ഥലത്ത് ഇറക്കി കൈ പിടിച്ചു എത്തേണ്ട സ്ഥലത്ത് എത്തിച്ചു മടങ്ങുമ്പോള്‍ ഈ ഖുറാന്‍ വചനം എന്റെ മനസ്സില്‍ വീണ്ടും മുഴങ്ങി

അദ്ദേഹം മുഖം ചുളിച്ചു തിരിഞ്ഞുകളഞ്ഞു.
അദ്ദേഹത്തിന്‍റെ അടുത്ത്‌ ആ അന്ധന്‍ വന്നതിനാല്‍.
നിനക്ക്‌ എന്തറിയാം..?

സമൂഹത്തില്‍ ,പലതിന്റെയും പേരില്‍ അവഗണിക്കപ്പെടുന്നവരുടെ വേദന നാം
കാണാതെ പോകരുതെന്ന് ശക്തമായി ഓര്‍മ്മിപ്പിക്കുന്ന വചനങ്ങള്‍ ..
അറിയാതെ വന്ന ഒരു അവഗണനക്ക് , സ്വന്തം അധികാരം വരെ പകുത്തു നല്‍കി പ്രായശ്ചിത്തം നടത്തിയ പ്രവാചകന്‍ ...

ഇതൊക്കെയാണ് ഈ അദ്ധ്യായം എന്നെ ഓര്‍മ്മപ്പെടുത്തുന്നത്‌ ...

Next
03: പൂര്‍വ്വാഹ്നം തന്നെയാണ് സത്യം..!

01: പരോപകാര വസ്തുക്കള്‍..!

2009-08-22T09:09:00.000-07:00

വിശുദ്ധ ഖുറാനിലെ 107-അധ്യായം , മാഊന്‍ (പരോപകാര വസ്തുക്കള്‍ )
അധ്യായത്തിന്റെ അര്‍ഥം നോക്കൂ...

"പരമകാരുണികനും കരുണാനിധിയുമായ ദൈവത്തിന്റെ നാമത്തില്‍.
മതത്തെ വ്യാജമാക്കുന്നവന്‍ ആരെന്ന്‌ നീ കണ്ടുവോ?
അനാഥക്കുട്ടിയെ തള്ളിക്കളയുന്നവനത്രെ അത്‌.
പാവപ്പെട്ടവന്റെ ഭക്ഷണ കാര്യത്തില്‍ പ്രോത്സാഹനം നടത്താതിരിക്കുകയും ചെയ്യുന്നവന്‍.

എന്നാല്‍ നമസ്കാരക്കാര്‍ക്കാകുന്നു നാശം.
തങ്ങളുടെ നമസ്കാരത്തെപ്പറ്റി ശ്രദ്ധയില്ലാത്തവരായ,
ജനങ്ങളെ കാണിക്കാന്‍ വേണ്ടി പ്രവര്‍ത്തിക്കുന്നവരായ,
പരോപകാര വസ്തുക്കള്‍ മുടക്കുന്നവരുമായ. "

സമകാലീന മുസ്ലിംകളെ വിലയിരുത്തുമ്പോള്‍ , അവര്‍ പാലിക്കാന്‍ അങ്ങേയറ്റം ബാധ്യസ്ഥരായ വി .ഖുറാനില്‍ ഇങ്ങിനെ ഒരു അധ്യായം ഉണ്ടോ എന്ന് ഇപ്പോള്‍ നിങ്ങളും വിസ്മയിക്കുന്നുണ്ടാകും ..

അനാഥ സംരക്ഷണം എങ്ങിനെയായിരിക്കണം ? അല്ലെങ്കില്‍ അനാഥയെ ആദരിക്കണം എന്ന് ഖുറാന്‍ ഇടയ്ക്കിടെ പറയുന്നതിലെ പൊരുള്‍ എന്ത് ? പലരും എളുപ്പത്തില്‍ ചെയ്യുക അടുത്തുള്ള അനാഥാലയത്തിലേക്ക് റെഫര്‍ ചെയ്യുക എന്നതായിരിക്കും ..സത്യത്തില്‍ അനാഥാലയത്തില്‍ എത്തുന്നതോടെ പിതാവ് നഷ്ടപ്പെട്ട കുട്ടിക്ക് മാതാവിന്റെ സാമീപ്യം കൂടി നഷ്ടമാകുകയാണ് കഴിയുമെങ്കില്‍ ആ വീട്ടില്‍ തന്നെ നിര്‍ത്തി ചുറ്റുപാടും ഉള്ളവര്‍ തങ്ങളുടെ മക്കളെ പ്പോലെ പരിഗണിക്കേണ്ടതാണ് , സ്നേഹം കിട്ടുക എന്നത് ആ ഇളം പ്രായത്തിന്റെ നിര്‍ബന്ധ ഘടകം ആണല്ലോ , നല്ലൊരു വ്യക്തിത്വം രൂപപ്പെടാന്‍ അത്യാവശ്യവും..

അനാഥ സംരക്ഷണം ഖുറാനില്‍ ഒറ്റപെട്ട ഒരു കാര്യം അല്ല .ഖുറാനില്‍ ധാരാളം സ്ഥലത്ത് ഇക്കാര്യം പറയുന്നുണ്ട്

അനാഥകളെപ്പറ്റിയും അവര്‍ നിന്നോട്‌ ചോദിക്കുന്നു. പറയുക: അവര്‍ക്ക്‌ നന്‍മ വരുത്തുന്നതെന്തും നല്ലതാകുന്നു (വി ഖു : 2 : 220)

ആഹാരത്തോട്‌ പ്രിയമുള്ളതോടൊപ്പം തന്നെ അഗതിക്കും അനാഥയ്ക്കും തടവുകാരന്നും അവരത്‌ നല്‍കുകയും ചെയ്യും.
( അവര്‍ പറയും: ) ദൈവത്തിന്റെ പ്രീതിക്കു വേണ്ടി മാത്രമാണ്‌ ഞങ്ങള്‍ നിങ്ങള്‍ക്കു ആഹാരം നല്‍കുന്നത്‌. നിങ്ങളുടെ പക്കല്‍ നിന്നു യാതൊരു പ്രതിഫലവും നന്ദിയും ഞങ്ങള്‍ ആഗ്രഹിക്കുന്നില്ല.
( വി ഖു 76 :8-9)

പൊതുവേ മുസ്ലിംകള്‍ ഏറെ പ്രസംഗിക്കാറുള്ളതും എന്നാല്‍ പ്രവര്‍ത്തിക്കാന്‍ പാടെ മറന്നു പോകുന്നതുമായ ഒരു അധ്യായം .. ഇസ്ലാമിലെ വ്യാജ വാദി ആര് എന്ന് അര്‍ത്ഥ ശങ്കക്കിടയില്ലാത്ത വിധം വ്യക്തമാക്കുന്ന വചനങ്ങള്‍, പാവപ്പെട്ടവന്റെ ഭക്ഷണ കാര്യത്തില്‍ പ്രോത്സാഹനം നടത്താതിരിക്കുകയും അനാഥക്കുട്ടികളെ തള്ളിക്കളയുന്നവനും വ്യാജ മതക്കാരന്‍ ആണ് .
മാത്രമോ പരോപകാര വസ്തുക്കള്‍ തടയുന്ന നമസ്കാരക്കാര്‍ക്കാകുന്നു നാശം . ഈ ഒരു അധ്യായം എങ്കിലും മുസ്ലിംകള്‍ ജീവിതത്തില്‍ പകര്‍ത്തിയെങ്കില്‍ നമ്മുടെ സാമൂഹികാന്തരീക്ഷം എത്ര മെച്ചപ്പെട്ടതായേനെ എന്ന് ഞാന്‍ പലപ്പോഴും ചിന്തിക്കാറുണ്ട്

======================

വി.ഖുറാനിലെ സാമൂഹിക പശ്ചാത്തലമുള്ള വചനങ്ങള്‍ ആണ് ആദ്യത്തില്‍ ചര്‍ച്ച ചെയ്യുന്നത് . ചരിത്ര പശ്ചാത്തല മുള്ളവ തുടര്‍ന്നും . യേശു , മോശെ , അബ്രഹാം എന്നിവരെ ക്കുറിച്ച് ഉള്ള ഖുറാന്റെ വീക്ഷണങ്ങള്‍ ഇടയിലും , ന്യായ വിധി യെ പ്പറ്റിയും , ദൈവത്തിന്റെ പരിശുദ്ധിയെ പറ്റിയും ഉള്ള ഭാഗങ്ങള്‍ അവസാനത്തിലും എന്നാ രീതിയില്‍ പറയാനാണ് ഉദ്ദേശിക്കുന്നത് ഇന്ഷാ അല്ലാഹ്..
----
Next : 02: അവന്‍ മുഖം ചുളിച്ചു..!

ബൂലോഗ സുഹൃത്തുക്കളെ , നന്മ നിറഞ്ഞവരെ..

2009-08-22T02:51:00.000-07:00

എന്റെ മാന്യ ബ്ലോഗ്‌ സുഹൃത്ത് ശ്രീ അരുണ്‍ കായംകുളം രാമായണ മാസത്തില്‍ കര്‍ക്കടക രാമായണം എന്ന പേരില്‍ രാമായണ കഥകള്‍ക്ക് ഭക്തിയോടു കൂടിയും എന്നാല്‍ സരസമായും സ്വന്തം ഭാഷ്യം രചിക്കുകയും , തുടര്‍ന്ന് നമ്മളൊക്കെ ചേര്‍ന്ന് അദ്ദേഹത്തെ ബ്ലോഗില്‍ "ഫെയ്മസ്സാക്കു"കയും ചെയ്തു . അത് കണ്ടു അസൂയ തോന്നിയ ഞാന്‍ അന്ന് ഉറപ്പിച്ചു നോമ്പ് മാസത്തില്‍ ഖുറാന്‍ അനുഭവങ്ങള്‍ എഴുതി എനിക്കും ഫേമസ് ആകണം എന്ന് .
വിവരം അറിഞ്ഞപ്പോള്‍ മറ്റൊരാള്‍ കൂടി ഫേമസ് ആകുന്നതിലെ കുശുമ്പ് പുറത്ത് കാണിക്കാതെ അരുണ്‍ എന്നെ പ്രോത്സാഹിപ്പിച്ചു :).

അങ്ങിനെ ‍ വിശുദ്ധ ഖുറാനിലെ വചനങ്ങള്‍ എന്റെ ജീവിതത്തില്‍ വരുത്തിയ പോസിറ്റീവ് ആയ ഇമ്പാക്റ്റ്‌ ഇന്ന് മുതല്‍ എഴുതി തുടങ്ങുന്നു ...ഇന്ഷാ അല്ലാഹ്.

വിശ്വാസി ബ്ലോഗിന് ഭാരം എന്ന നിലയില്‍ പല ചര്‍ച്ചകളും പലയിടത്തും നടക്കുന്നു എന്നറിയാം .കഴിയുമെങ്കില്‍ വിശ്വാസികളെ ബ്ലോഗില്‍ നിന്ന് കേട്ട് കെട്ടിക്കാനും . വിരോധം ഇല്ല , അത് ഒരു അനിവാര്യത ആണെന്ന് തോന്നുന്നുവെങ്കില്‍ . പക്ഷെ നിഷ്കളങ്കമായ ദൈവ വിശ്വാസം ഒരുത്തനെ നന്മയില്‍ മത്സരിച്ചു മുന്നേറാന്‍ പ്രാപ്തമാക്കുന്നു എന്ന് കൂടെ ഈ പോസ്റ്റുകള്‍ വായിച്ചാല്‍ നിങ്ങള്ക്ക് വ്യക്തമാകുന്നുവെങ്കില്‍ ദയവായി പുനര്‍ വിചിന്തനം നടത്തുക നല്ല വിശ്വാസി ബ്ലോഗിന് ഭാരമോ അതോ ഭംഗിയോ എന്ന് . പറയട്ടെ, മുന്‍വിധികള്‍ ചിന്തകളുടെ മരണമാണ് ,

സഹ ജീവി കാരുണ്യവും , നന്മകളില്‍ പരസ്പര സഹകരണവും വച്ച് പുലര്‍ത്താന്‍ എന്റെ വിശ്വാസം എനിക്ക് തടസ്സം ആകുന്നില്ല എന്ന് മാത്രമല്ല പ്രചോദനം ആവുക കൂടി ചെയ്യുന്നു വരികില്‍ സമൂഹത്തില്‍ അത് എങ്ങിനെ കുഴപ്പം ആയി തീരുന്നു എന്ന് എനിക്ക് മനസ്സിലാകുന്നില്ല !

ഇത് ഖുറാന്‍ വിവര്‍ത്തനം അല്ല ... ഞാന്‍ ഖുറാന്‍ വായിക്കുകയും അല്ല .മറിച്ച് ഖുറാന്‍ എന്നെ വായിക്കുകയാണ് , എന്നെ സംസ്കരിക്കുകയാണ് .. എന്റെ ഹൃദയത്തില്‍ കാരുണ്യത്തിന്റെ മഞ്ഞു പൊഴിക്കുകയാണ് .. എന്നെ ഞാനാക്കുകയാണ്... എന്നെ നിങ്ങളാക്കുകയാണ്.

സ്നേഹത്തോടെ തുടങ്ങട്ടെ ...
പരമകാരുണികനും കരുണാനിധിയുമായ ദൈവത്തിന്റെ നാമത്തില്‍ ...

വി.ഖുറാനിലെ സാമൂഹിക പശ്ചാത്തലമുള്ള വചനങ്ങള്‍ ആണ് ആദ്യത്തില്‍ ചര്‍ച്ച ചെയ്യുന്നത് . ചരിത്ര പശ്ചാത്തല മുള്ളവ തുടര്‍ന്നും . യേശു , മോശെ , അബ്രഹാം എന്നിവരെ ക്കുറിച്ച് ഉള്ള ഖുറാന്റെ വീക്ഷണങ്ങള്‍ ഇടയിലും , ന്യായ വിധിയെ പ്പറ്റിയും , ദൈവത്തിന്റെ പരിശുദ്ധിയെ പറ്റിയും ഉള്ള ഭാഗങ്ങള്‍ അവസാനത്തിലും എന്നാ രീതിയില്‍ പറയാനാണ് ഉദ്ദേശിക്കുന്നത് ഇന്ഷാ അല്ലാഹ്

ആല്‍ത്തറയില്‍ തളിച്ച പനിനീര്

2009-08-21T14:21:00.000-07:00

(ആല്‍ത്തറ ഗ്രൂപ്പ്‌ ബ്ലോഗില്‍ ഞാന്‍ തളിച്ച പനിനീര്‍ അല്പം എഡിറ്റ്‌ ചെയ്തു ഇവിടെ സ്പ്രേ ചെയ്യുന്നു . എതാലായും ഓണത്തിന് ഇങ്ങിനെ ഒരു പനിനീര്‍ തളിക്കാന്‍ ആല്‍ത്തറയില്‍ ഇടം തന്നതിന് അച്ചാമ ചേച്ചിയുടെ നല്ല മനസ്സിന് നന്ദി .. കൂടാതെ ഇവിടെ തളി ആനെ പനി നീര്‍ എന്ന് പറഞ്ഞു അച്ചാമ ചേച്ചി ഒരിക്കലും നിര്‍ബന്ധിച്ചിട്ടെല്ലെന്നും അഞ്ഞൂറാന്‍ മുതലാളിയെ ഇതിനാല്‍ ബോധ്യപ്പെടുത്തുന്നു ).

കഥ : പൊടിക്കാറ്റ്

ഒരു മിനിക്കഥ എഴുതണം എന്ന് കരുതി ഇരിപ്പ് തുടങ്ങിയിട്ട് കുറെ നേരം ആയി ...ഷമീര്‍ ഓര്‍ത്തു , പ്രവാസി മാഗസിനിലെ ഓണപ്പതിപ്പില്‍ എന്തെങ്കിലും എഴുതി കൊടുത്തെ പറ്റൂ ..കുമാരേട്ടന്‍ അത്രയും നിര്‍ബന്ധിച്ചിട്ടുണ്ട് ... മുന്‍പ് കുറച്ചൊക്കെ കുത്തിക്കുറിച്ചിരുന്നു എന്ന് അറിയാതെ പറഞ്ഞു പെടുകയും ചെയ്തു

അല്ല , തനിക്കിതെന്തു പറ്റി ..?ഒരു വരി പോലും എഴുതാനാവുന്നില്ല . മുന്‍പ് നാട്ടിലായിരുന്നപ്പോള്‍ ഒരു മഴ വന്നാല്‍ മനസ്സ്‌ തരളിതം ആകുമായിരുന്നു , പുഴ കണ്ടാല്‍ കവിത മൂളും , പച്ചപ്പ്‌ നിറഞ്ഞ നെല്‍പ്പാടങ്ങള്‍ കണ്ടാല്‍ ഒരു നോവല്‍ വരെ ഒറ്റയിരിപ്പിനു എഴുതാമെന്ന് തോന്നിയിരുന്നു ...ഇപ്പൊ എന്തോ മനസ്സ് മരു ഭൂമി പോലെ ശൂന്യം ...പ്രവാസം യൗവനം തിന്നു തീര്‍ക്കുമെന്ന് എവിടെയോ വായിച്ചിട്ടുണ്ട് , മനസ്സിനെയും മരിപ്പിക്കുമോ ദൈവമേ ? ഉത്തരാധുനിക മോര്‍ച്ചറി കവിതകള്‍ പോലെ ആയോ തന്റെ ഈ ജീവിതവും ..?

അല്ലെങ്കില്‍ വേണ്ട.... ഓണാനുഭവങ്ങള്‍ തന്നെ എഴുതിയാലോ ..?
എന്ത് രസം ആയിരുന്നു ചെറുപ്പത്തില്‍ . ഓണത്തിന് ആണെങ്കില്‍ പത്തു ദിവസം സ്കൂള്‍ അവധിയും കിട്ടും..പോരെ പൂരം , അയല്‍പക്കത്തെ കൂട്ടുകാര്‍ക്കൊപ്പം പൂ പറിക്കാന്‍ പോകുമ്പൊള്‍ ഉമ്മ കാണാതെ അരയില്‍ തോര്‍ത്ത്‌ ചുറ്റും എന്നിട്ട് അമ്പലക്കുളത്തില്‍ മതിയാവോളം ചാടി തിമിര്‍ക്കും ..

താറാവ് ആകൃതിയില്‍ ഉള്ള ഒരു കുഞ്ഞു പൂവ് ഉണ്ടായിരുന്നല്ലോ ..എന്താ അതിന്റെ പേര്‍ ? അല്ലെങ്കില്‍ തന്നെ പേര്‍ ഓര്‍ത്തിട്ടെന്താ..?ആര്‍ക്കു പറഞ്ഞു കൊടുക്കാനാ .. ഇപ്പോഴത്തെ കുട്ടികള്‍ അങ്ങാടിയില്‍ പോയി തമിഴ്‌ നാട്ടില്‍ നിന്ന് വരുന്ന പൂവുകള്‍ കാശ് കൊടുത്തു വാങ്ങിയാണത്രെ പൂക്കളം ഇടുന്നത് ..

ഓരോ ഓണക്കാലം പുതിയ അനുഭവങ്ങള്‍ തന്നു . പുസ്തകങ്ങള്‍ വായിക്കുന്നതും ഓണക്കാലത്താണ് , പരീക്ഷ കഴിഞ്ഞു ആധി ഒഴിഞ്ഞ മനസ്സിലേക്ക് എം ടി യും മുകുന്ദനും മറ്റും കയറി വന്നു .

വീടിനു കുറച്ചപ്പുറത്തെ രമേശ്‌ രാജാ മാഷിന്റെ തറവാട്ടിലെ ഓണസദ്യയാണ് തന്നെ ഒരു സദ്യ പ്രേമിയാക്കിയത് . സാറ് രാജ വംശത്തില്‍ ജനിച്ചതാണത്രേ ..ഒരു വലിയ പറമ്പില്‍ ഒത്ത നടുക്ക് ഒരു പഴയ തറവാട് ആണ് അവരുടെ വീട് , ഉപ്പയുമായുള്ള മാഷിന്റെ സുഹൃത്ത് ബന്ധം കാരണം കണക്കിലെ സംശയം ചോദിക്കാന്‍ ഇടയ്ക്കു ചെല്ലുമായിരുന്നു .. അങ്ങിനെ മാഷുടെ വീട്ടുകാരുമായി നല്ല കൂട്ടായി ... പിന്നെ കോളേജ് പഠിത്തം കഴിഞ്ഞിട്ടും ഇടയ്ക്കിടെ അവിടെ ചെല്ലണം എന്നായി .ഓണത്തിന് എങ്ങാനും സദ്യയുടെ നേരത്ത് ചെന്നില്ലെങ്കില്‍ പിന്നെ പിണങ്ങും ,പുറത്തു നിന്ന് അധികം ആരും അവിടെ വരാറില്ല

സദ്യ കഴിഞ്ഞു മാഷിന്റെ അച്ഛന്‍ ചാര് കസേരയില്‍ ഇരുന്നു പുരാണ കഥകള്‍ ഒക്കെ വിസ്തരിച്ചു പറയുന്നത് കേള്‍ക്കാന്‍ നല്ല രസമാണ് . മാഷിന്റെ അച്ഛന്‍ പറഞ്ഞു തരുമ്പോള്‍ താന്‍ സാകൂതം കേട്ടിരിക്കും . .വേട്ടക്കൊരു മകന്‍ ആണത്രേ ചുമരിലെ ചിത്രത്തില്‍ ഉള്ളത് .ശിവനും പാര്‍വതിക്കും ഉണ്ടായ നായാട്ടു കമ്പക്കാരനായ വേട്ടക്കൊരു മകന്‍ എന്നാ പുത്രനെ കൊണ്ട് പൊറുതി മുട്ടിലായ മുനിമാരും മറ്റും വിഷ്ണു വിന്റെ അടുത്ത് വന്നു പരാതി പറഞ്ഞപ്പോള്‍ , വിഷ്ണു കാട്ടാള വേഷത്തില്‍ കയ്യില്‍ ഒരു പൊന്‍ ചുരികയുമായി ചെന്നത്രേ ..അവസാനം വിഷ്ണുവാണെന്നു അറിഞ്ഞു മാപ്പ് പറഞ്ഞ വേട്ടക്കൊരു മകന്‍ വിഷ്ണുവിന്റെ കയ്യിലെ പൊൻ‌ചുരിക ആവശ്യപ്പെടുകയും , ചുരിക ഒരിക്കലും താഴെ വക്കില്ലെന്നു സത്യം ചെയ്യിച്ചു വിഷ്ണു അത് വേട്ടക്കൊരു മകന് കൊടുത്തു ,
അങ്ങിനെ പിന്നീട് പല സ്ഥലത്തും പരദേവതാ മൂര്‍ത്തിയായി വസിക്കേണ്ടി വന്നതിനിടയില്‍ മാഷുടെ അച്ഛന്റെ തറവാട്ടിലും വന്നുവത്രേ ..

മാഷിന്റെ അച്ഛന്‍ പറഞ്ഞ കഥകള്‍ കേട്ടാണ്‌ പുരാണത്തില്‍ കമ്പം കയറിയത് ..പക്ഷെ ഈ പ്രവാസ ജീവിതത്തില്‍ അവയെല്ലാം ഓരോന്നോരോന്നായി ഓര്‍മ്മകളുടെ മച്ചില്‍ നിന്നും ഇറങ്ങി പോകുന്നു . അല്ലെങ്കില്‍ തന്നെ ഇപ്പൊ ഇതൊക്കെ ആര് പറയാന്‍ ആര് കേള്‍ക്കാന്‍ ?ഇപ്പോഴത്തെ കുട്ടികള്‍ക്ക് ഓണം എന്നാല്‍ പുതിയ സിനിമകളുടെ റിലീസിംഗ് എന്നാണര്‍ഥം .. എന്തിനു മാവേലി എന്ന് കേട്ടാല്‍ അവര്‍ക്ക് ഓര്മ വരിക ഓണത്തിന് ഇറങ്ങുന്ന മിമിക്രി സിഡിയിലെ നിലവാരം കുറഞ്ഞ തമാശ പറയുന്ന മാവേലിയെ ആണത്രേ , കലിയുഗം എന്നൊക്കെ പറയുന്നത് ഇതിനെയാണാവോ ?

ഓണ സദ്യ ഒക്കെ കഴിച്ചു മാഷിന്റെ അമ്മ ഉണ്ടാക്കിയ പായസം ഞൊട്ടി നനച്ചു ഇരിക്കെ ആലസ്യം മാറ്റാന്‍ ഒരിക്കല്‍ ഞാന്‍ മാഷിന്റെ അച്ഛനോട് ചോദിച്ചു

അല്ല അച്ഛാ .. എന്തിനാ ഈ കുറി നെറ്റിയിലും കയ്യിന്റെ ഇരു വശങ്ങളിലും വാരി തേച്ചത് ?

അച്ഛന്‍ ചിരിച്ചു എന്നിട്ട് പറഞ്ഞു
ഇതോ ഇത് വെണ്ണീര്‍ ആണ് , അതായത് നിസ്സാരനായ മനുഷ്യന് ചിതയില്‍ ദഹിച്ചു വെറും വെണ്ണീര്‍ ആകാനുള്ളതാണ് എന്ന ഓര്‍മ്മപ്പെടുത്തല്‍ കൂടി ...അല്ലാതെ മറ്റൊന്നുമല്ല ,

മാഷിന്റെ അച്ഛന്‍ ഒരു അനുഭവം കൂടി പറഞ്ഞു ഒരിക്കല്‍ എന്തോ ആവശ്യത്തിനു അങ്ങാടിയില്‍ പോയപ്പോ വഴിയില്‍ നിന്ന് ഒരു മുസ്ലിം ആയ ആള്‍ ചോദിച്ചത്രേ ..അല്ല നിങ്ങള്‍ ആര്‍ എസ് എസ് കാരാണോ എന്ന് ..? മേല്‍ മുഴുവന്‍ കുറി വരച്ചത് കണ്ടപ്പോള്‍ അയാള്‍ക്ക്‌ അങ്ങിനെ തോന്നിയതാവാം ...ഞാനും ചിരിച്ചു കാരണം എനിക്കറിയാമല്ലോ ആ മനസ്സിലെ പരിശുദ്ധിയും വിശാലതയും .

ആ ഓണം എനിക്ക് തന്ന ഒരു ചിന്ത ഇതായിരുന്നു ..തിരിച്ചും അതെ , പുറമേ കണ്ടാണ്‌ നാം ഓരോരുത്തരെ വിലയിരുത്തുന്നത് ..തൊപ്പിയിട്ട , താടി വച്ച , പള്ളിയില്‍ കൃത്യമായി പോകുന്ന ഒരുത്തനെ തീവ്രവാദിയായി കാണാനാണ് പലര്‍ക്കും ആഗ്രഹം ..
തമ്മില്‍ കൂടിക്കലരാനോ, ആശയങ്ങള്‍ പങ്കു വെക്കാനോ ഉള്ള സാഹചര്യങ്ങള്‍ അനുദിനം കുറഞ്ഞു വരുന്ന സമകാലീന വ്യവസ്ഥിതിയില്‍ വിശേഷിച്ചും ..

ഓണം , തമ്മില്‍ പരസ്പരം അടുത്തറിയാനുള്ള ഒരു വേദി കൂടിയാകുന്നു എന്നത് ശ്രദ്ധേയമാണ് ,

ഓരോന്നാലോചിച്ച് ഇരുന്നു സമയം പോയതറിഞ്ഞില്ല , ഓണപ്പതിപ്പിലേക്ക്‌ ഒരു വരിപോലും എഴുതിയില്ല ഇതു വരെ ...നാടിനെക്കുറിച്ച് ഓര്‍ത്തപ്പോള്‍ മനസ്സിനു എന്തോ ഒരു വല്ലായ്ക ..അല്പം കാറ്റ് കൊള്ളാം
ഷമീര്‍ ഫ്ലാറ്റിന്റെ പിന്‍ വശത്തെ ഡോര്‍ തുറന്നു ഓപ്പണ്‍ ടെറസിലെക്കു ഇറങ്ങി ..

ഒരു മഴ പെയ്തെങ്കില്‍ . അവന്‍ അതിയായി ആഗ്രഹിച്ചു ..മരുഭൂമിയുടെ ചൂടിലേക്ക് മഴ പെയ്തിറങ്ങില്ലെന്നു അറിയാമായിരുന്നിട്ടും അവന്‍ വെറുതെ മഴ കാത്തു കണ്ണടച്ച് നിന്നു..

എവിടെ നിന്നോ വീശി വന്ന പൊടിക്കാറ്റ് നിമിഷ നേരം കൊണ്ട് അവനെ വലയം ചെയ്തു ...

തീവ്രവാദപനി അഥവാ ആന്റിഹ്യൂമന്‍ ഫ്ലൂ

2009-08-20T09:32:00.000-07:00

മുന്‍പും
അവനു പനി വന്നിട്ടുണ്ട്
അതൊന്നും പക്ഷെ
ഇത്ര മാരകമായിരുന്നില്ല .

അവയൊന്നും ഇതു പോലെ
വിവേകത്തെ നശിപ്പിക്കുകയോ
ബുദ്ധിയെ
മരവിപ്പിക്കുകയോ ചെയ്തിട്ടില്ല

തീവ്രവാദ വൈറസ്‌
അവനു പകര്ന്നതെങ്ങിനെയാവാം.
അറിയില്ല , എങ്കിലും
പനിയുടെ കാഠിന്യത്താല്‍്
കാഴ്ചക്ക് മങ്ങലേറ്റിരിക്കണം;
അതിനാലാണ്
ബോംബ്‌ വച്ചിടങ്ങളിലെ പാവങ്ങളെ
അവന്‍ കാണാതെ പോയത്‌ .

ചെവി പൊട്ടിയൊലിച്ചിരിക്കണം ;
അതാണ്‌
നിരപരാധികളുടെ അല മുറയിടല്‍
അവന്‍ കേള്‍ക്കാതെ പോയത് .

ഹൃത്തില്‍ അണുബാധയുണ്ടായിരിക്കും ;
അതത്രേ
അവനാല്‍ അനാഥയായിപ്പോയൊരു
പിഞ്ചു കുഞ്ഞിന്റെ തേങ്ങലുകള്‍
അവനെ സ്പര്‍ശിക്കാതെ പോയത് .

രഹസ്യമായിട്ടാണ്‌
അവനാ സങ്കേതത്തില്‍ എത്തിയത്
സ്റ്റഡി ക്ലാസ്സുകള്‍ ക്കിടയില്‍
അവന്റെ സിരകളില്‍
മത വൈരത്തിന്റെ മരുന്നവര്‍ കുത്തി കയറ്റി .
ദൈവത്തിന്റെ സംരക്ഷകര്‍ എന്ന്
സ്വയം പരിചയപ്പെടുത്തിയ
ആ മുഖം മൂടികള്‍ക്ക് പക്ഷെ
വെളിച്ചത്തെ ഭയമായിരുന്നു.

നീണ്ട ക്ലാസ്സുകള്‍ക്കൊടുവില്‍
പനിയുടെ തോതനുസരിച്ച്
കിറ്റുകള്‍ വിതരണം ചെയ്തപ്പോള്‍
അവനു കിട്ടിയത്
വീര്യം കൂടിയ കുറച്ചു ബോംബുകള്‍ ,കൂടെ
പൊതു ജനം തങ്ങാറുള്ള സ്ഥല മാപ്പുകളും .

പനി മൂലം തൊണ്ടയടഞ്ഞതിനാല്‍
ചോദിച്ചില്ല അവന്‍
സ്നേഹനിധിയായ ഏക ദൈവത്തിനു കാണിക്ക
നിരപരാധികളുടെ രക്തവും മാംസവുമോ ?
അല്ലെങ്കില്‍
നന്മയാല്‍ പണിത ആര്‍ഷ ഭാരത
സംസ്കാര സംരക്ഷണത്തിനു
മനുഷ്യന്റെ രക്തക്കറ പുരണ്ട
ത്രിശൂലങ്ങള്‍ അനിവാര്യമോ ?

ജ്വരം വല്ലാതെ മൂര്ച്ചിച്ച ഒരുനാള്‍
അവര്‍ അവനെ
ചാവേര്‍ ആക്കി മഹത്വപ്പെടുത്തി
അന്ന് അവനു
ചിന്താ ശേഷി വരെ നഷ്ടപ്പെട്ടിരിക്കണം
അല്ലെങ്കില്‍ പിന്നെ
മുന്‍പൊരു പ്രണയപ്പനിയില്‍
അവന്റെ അരികില്‍ വന്നണഞ്ഞ
ഇണയെപ്പോലും ഓര്‍ക്കാഞ്ഞതെന്തു ?

ഒരു ബട്ടണ്‍ അമര്‍ത്തി
സമ സൃഷ്ടികളുടെ കബന്ധങ്ങള്‍ക്കു മേല്‍
ചിതറി തെറിച്ച
അവന്റെ ആത്മാവിനെ
ദൈവത്തിന്റെ മാലാഖമാര്‍
ആകാശ ലോകത്ത് നിന്നും
അവജ്ഞയോടെ
താഴോട്ടു വലിച്ചെറിഞ്ഞു
പിന്നെ
അവന്റെ പുനര്‍ ജന്മങ്ങള്‍
വെറും പുഴുവിന്റേതായി .

ഗംഗയുടെ ഡയറിയും വിക്കിലെ കവിതയും

2009-08-17T07:35:00.000-07:00

(മറ്റു എഴുത്ത് മേഖലയെ അപേക്ഷിച്ച് ബ്ലോഗ്‌ വളരെ ഇന്റര്‍ ആക്റ്റീവ് ആയ ഒരു എഴുത്ത് മേഖല ആണ് .മാത്രമല്ല ഒരു പോസ്റ്റില്‍ ക്രിയാത്മകം ആയി interpretation നടത്തി നാം കമ്മെന്റ് ഇടുമ്പോള്‍ ആ പോസ്റ്റിന്റെ ഭംഗി കൂടുന്നു ..

ഇവിടെ അത്തരം രണ്ടു സംഭവങ്ങള്‍ താഴെ കൊടുക്കുന്നു , ഒന്ന് അരുണ്‍ കായംകുളത്തിന്റെ കായംകുളം സൂപ്പര്‍ഫാസ്റ്റ് എന്ന ബ്ലോഗിലെ പുതിയ മിനി കഥയിലെ കഥാ നായികയുടെ ആത്മഗതങ്ങള്‍ എന്ന നിലയില്‍ ഞാന്‍ ഇട്ട കമ്മെന്റ് ആണ് . രണ്ടാമത്തേത് കവിതാ മോഷണത്തെക്കുറിച്ചുള്ള ബെര്‍ളിയുടെ പോസ്റ്റില്‍ അതെ ശൈലില്‍ ഞാന്‍ കമ്മെന്റ് ആയി ഇട്ട ഒരു കവിതയും )

"ഗംഗയുടെ ഡയറി " വായിക്കുന്നതിനു മുന്‍പ് അരുണ്‍ കായംകുളത്തിന്റെ സമവാക്യത്തിന്‍റെ സൃഷ്ടികര്‍മ്മം എന്ന പോസ്റ്റ്‌ വായിക്കുമല്ലോ .

1. ഗംഗയുടെ ഡയറി

ദൈവമേ ..എന്താ മനസ്സില്‍ ഇത് വരെ ഇല്ലാത്ത ചിന്തകള്‍ ..? ജീവേട്ടന്റെ കൂട്ടുകാരനെ തന്റെ ഏട്ടന് സ്ഥാനത്ത് ആയല്ലേ കാണാന്‍ പറ്റൂ ..പക്ഷെ എന്നിട്ടും മനുചേട്ടന്‍ എന്ന് ഞങ്ങള്‍ വിളിക്കുന്ന, അരുണിനെ കാണുമ്പോള്‍ എന്തെ മനസ്സ് തരളിതം ആകുന്നു ...

വരട്ടെ മനുവേട്ടന്‍ ഇങ്ങോട്ട് പറയട്ടെ ആദ്യം , അങ്ങോട്ട്‌ കേറി പറഞ്ഞാല്‍ പിന്നെ പുള്ളിക്കാരന്റെ മനസ്സില്‍ അങ്ങിനെ ഒരു ചിന്ത ഇല്ലെങ്കില്‍ ആകെ ചളമാകും . മനുവേട്ടന്‍ മനസ്സ് തുറക്കുന്ന ഒരു ദിവസത്തിന് വേണ്ടി കാത്തിരിക്കാം .

അന്ന് , തണുപ്പുള്ള ആ സായാഹ്നത്തില്‍ ഒരു കഷ്ണം മാങ്ങ പൂണ്ടു മനുവേട്ടന് നേരെ ഞാന്‍ നീട്ടി .. അടുത്ത് മറ്റാരും ഇല്ല ..! ദൈവമേ ഇതാണോ ഞാന്‍ കാത്തിരുന്ന ആ സന്ദര്‍ഭം .. ? ഹൃദയം പെരുമ്പറ കൊട്ടാന്‍ തുടങ്ങി ...!

മനുവേട്ടന്‍ പറഞ്ഞു
" എനിക്കിഷ്ടമാ "...,

ഞാന്‍ കേള്‍ക്കാന്‍ ആഗ്രഹിച്ച അതെ വാക്കുകള്‍.... സന്തോഷാധിക്യത്താല് ബോധ രഹിതയായി ഞാന്‍ നിലം പതിക്കുമോ എന്ന് ഭയപ്പെട്ട നിമിഷങ്ങള്‍ ...
ആ വാക്കുകള്‍ വീണ്ടും കേള്‍ക്കാന്‍ ആഗ്രഹിച്ചു ഞാന്‍ ഗൌരവം വിടാതെ ചോദിച്ചു

"മനുചേട്ടന്‍ എന്താ പറഞ്ഞത്?"

മനുചേട്ടന്‍ പതിയ പറഞ്ഞു
"കിളിച്ചുണ്ടന്‍ മാങ്ങാ എനിക്കിഷ്ടമാ"...

ഇതും പറഞ്ഞു മനുവേട്ടന്‍ ഇറങ്ങി പോകുന്നത് ഇച്ഛാ ഭംഗത്തോടെ ഞാന്‍ നോക്കി നിന്നു . എന്തിനു മനുവേട്ടന്‍ മാറ്റി പറഞ്ഞു,?ആ കണ്ണുകളില്‍ എന്നോടുള്ള ഇഷ്ടത്തിന്റെ മിന്നലാട്ടം പലപ്പോഴും ഞാന്‍ കണ്ടതാണ് .ഇഷ്ടമാണെന്ന് ഒരു പെണ്ണിന്റെ മുഖത്ത് നോക്കി പറയാന്‍ കരുത്തില്ലാത്തവന്‍.
എന്റെ മനസ്സില്‍ അപ്പോള്‍ ഒരു സമവാക്യം രൂപപ്പെട്ടു

മനു ഈസ്സ് ഈക്യുല്‍ റ്റു ഭീരു .

എങ്കിലും മനസ്സില്‍ മനുവിനോടുള്ള ഇഷ്ടം കൂടിയതെ ഉള്ളൂ ..ഒരു സൂചന എന്റെ ഭാഗത്ത് നിന്ന് കൊടുക്കണം ഞാന്‍ ഉറപ്പിച്ചു

മനുവേട്ടന്‍ കിണറ്റില്‍ വീണ ദിവസം , വേച്ചു വേച്ചു വീട്ടിലേക്കു പോകവേ , ഞാന്‍ പറഞ്ഞു ..ഗെറ്റ് വെല്‍ സൂണ്‍ ..., ഗെറ്റ് എന്നാല്‍ കിട്ടുക, വെല്‍ എന്നാല്‍ നല്ലത് സൂണ്‍ എന്നാല്‍ പെട്ടന്ന്..പെട്ടെന്ന് തന്നെ നല്ലത് ഒന്ന് കിട്ടും എന്നായിരുന്നു ഞാന്‍ ഉദ്ദേശിച്ചത് ..അതാവട്ടെ മനുവേട്ടന് കൊടുക്കാനായി ഞാന്‍ കരുതി വച്ച ഒരു ചുടു ചുംബനം ആയിരുന്നു . അതിന്റെ അര്‍ഥം എന്ന് മനുവേട്ടന് മനസ്സിലായോ ആവോ ? മറ്റുള്ളവര്‍ കേട്ടാലോ തെറ്റിദ്ധരിക്കുകയും ഇല്ല .അതിനാല്‍ ആണ് അങ്ങിനെ ഒരു കോഡ്‌ ഭാഷ ഉപയോഗിച്ചത് .

പക്ഷെ എന്തോ മനുവേട്ടന്‍ എന്നെ തേടി വന്നില്ല .... രാത്രിയുടെ യാമങ്ങളില്‍ ഞാന്‍ തലയണ കെട്ടിപിടിച്ചു കണ്ണീര്‍ വാര്‍ത്തു ..മനുവേട്ടനോടുള്ള പ്രേമം എന്റെ അസ്ഥികളില്‍ പിടിച്ചിരുന്നു ,അതിനാല്‍ ആവാം വന്ന കല്യാണാലോചനകള്‍ ഓരോന്നായി പല കാരണം പറഞ്ഞു താന്‍ തന്നെ മുടക്കിയത് ...മനുവേട്ടന്‍ ഒരിക്കല്‍ എന്നെ തേടി വരും എന്ന് എന്റെ മനസ്സ് പറഞ്ഞു .

വര്‍ഷങ്ങള്‍ എത്ര പെട്ടെന്ന് കടന്നു പോയി .മനുവേട്ടനെ തിരക്കാത്ത സ്ഥലങ്ങളില്ല .കഴിഞ്ഞാഴ്ച ബാംഗ്ലൂരില വച്ച് അവിചാരിതം ആയി മനുവേട്ടനെ വീണ്ടും കണ്ടപ്പോള്‍ മനസ്സ് പിടച്ചു .കാത്തിരുപ്പ് വെറുതെ ആയില്ല .. ഇനി വച്ച് നീട്ടേണ്ട മനുവേട്ടനോട് എല്ലാം പറയാം ..

എങ്ങിനെ തുടങ്ങണം ..? വൈഫ്‌ കൂടെയാണോ താമസം എന്ന് ചോദിക്കാം , അപ്പൊ ഞാന്‍ കല്യാണം കഴിച്ചിട്ടില്ല, നിന്നെ കാത്തിരിക്കുകയാണ് എന്ന് മനുവേട്ടന്‍ തുറന്നു പറയും ... എനിക്കാ വായില്‍ നിന്ന് തന്നെ അത് കേള്‍ക്കണം.. ഒരു നിമിഷത്തില്‍ പല ചിന്തകള്‍ എന്റെ മനസ്സിലൂടെ കടന്നു പോയി ..

അങ്ങിനെ കാതരയായ്‌ ഞാന്‍ ചോദിച്ചു
"യുവര്‍ വൈഫ് ഈസ് സ്റ്റേയിങ്ങ് വിത്ത് യൂ?"

മനുവേട്ടന്റെ മറുപടി എന്നെ ഞെട്ടിപ്പിച്ചു ..

"പിന്നല്ലാതേ!!
വല്ലോന്‍റേം കൂടെ താമസിക്കുമോ?? " അതും പറഞ്ഞു അവന്‍ തിരിഞ്ഞു നടന്നു ..
മനസ്സില്‍ എവിടെയോ അഗ്നിപര്‍വ്വതം പൊട്ടി ..കണ്ണില്‍ ഇരുട്ട് കയറി ...!

സ്വബോധം തിരിച്ചു കിട്ടിയപ്പോള്‍ എന്‍റെ മനസ്സില്‍ പുതിയോരു സമവാക്യം രൂപം കൊള്ളുകയായിരുന്നു

മനു ഈസ്സ് ഈക്യുല്‍ റ്റു ചതിയന്‍
മനു ഹൃദയം ഇല്ലാത്തവനാണ് .

======================
======================

2. ബെര്ളിത്തരങ്ങളിലെ വിക്കുള്ളവര്‍ക്ക് പാണ്ട് വരുമോ എന്ന പോസ്റ്റില്‍ ഞാന്‍ അതെ ശൈലില്‍ കമന്റിയ കവിത അല്പം വ്യത്യാസത്തോടെ ഇവിടെ കൊടുക്കുന്നു .

ബ്ലോഗ്ഗ് എഴുത്ത് വൈകല്യമല്ല
ഒരു തരം ആവിഷ്കാരമാണ്
കമന്റിനും സ്മൈലിക്കും കൂടെ വരുന്ന
പോസ്റ്റുകളെയാണ്
നാം ബ്ലോഗെന്നു വിളിക്കുന്നത്‌
ഇഷ്ടമില്ലാത്ത കമ്മെന്റ് ഡിലീറ്റുന്നതിനെ
മോഡെറേഷന്‍് എന്ന് വിളിക്കുന്ന പോലെ

മീറ്റിനു മുന്‍പാണോ അടി തുടങ്ങിയത്
അതോ മീറ്റിനു ശേഷമോ ?
ബ്ലോഗ്‌ പത്രങ്ങളിലെ സവിശേഷതയാണോ അശ്ലീലം?
അതോ സീനിയര്‍ ബ്ലോഗ്ഗേര്‍സിന്റെ ഭാഷയോ :)
ഈ ചോദ്യങ്ങള്‍ക്ക് മുന്‍പില്‍
ബ്ലോഗ്‌ ശാസ്ത്രജ്ഞര്‍ വിയര്‍ക്കുന്നു .

ഓരോ കുറി പോസ്റ്റുമ്പോഴും നാം
ഗൂഗിള്‍ ,ട്വിറ്റെര്‍ അമ്മച്ചിമാര്‍ക്ക്
ഒരു ബലി നല്‍കുകയാണ്
ഒരു ജനത ഒന്നിച്ചു ബ്ലോഗുമ്പോള്‍
അവരുടെ ഭാഷ ചീത്ത വിളിയുടെതാകുന്നു
ഇപ്പോള്‍ മലയാളികളുടെതെന്ന പോലെ

കേരളീയനെ സൃഷ്ടിച്ചപ്പോള്‍
ദൈവത്തിനും ഈഗോയുണ്ടായിരിക്കും
അത് കൊണ്ടാണ് മലയാളികളുടെ
മിക്ക പ്രവര്‍ത്തികളും പാരയാകുന്നത്‌
അത് കൊണ്ടാണ് മലയാളിയുടെ
പോസ്റ്റ്‌ മുതല്‍ കമന്റ്‌ വരെ
എല്ലാം തെറിവിളികളാകുന്നത്

മീറ്റ്‌പോസ്റ്റുകള്‍ പോലെ

ഞങ്ങള്‍ ഒരമ്മ തന്‍ മക്കള്‍ !

2009-08-15T05:55:00.000-07:00

ആരൊക്കെയോ ചേര്‍ന്ന് അമ്മയെ
കൊള്ളക്കാരുടെ കയ്യില്‍ നിന്ന്
മുന്‍പേ മോചിപ്പിച്ചതിനാല്‍
നിര്ഭയനായാണ് ഞാന്‍ ജനിച്ചു വീണത്‌

സ്വാതന്ത്ര്യത്തിന്റെ അമ്മിഞ്ഞ
ആവോളം നുണഞ്ഞാണ്
ഞാന്‍ കൈകാലിട്ടടിച്ചത് ,
സ്വച്ഛന്ദം പിച്ച വച്ചു നടന്നത്.
കാലുകളില്‍ വിലങ്ങില്ലാത്തതിനാല്
കടല്‍ക്കരയില്‍ ആരെയും കൂസാതെ
കാറ്റേറ്റു കൈവീശി നടന്നു
ചായമടിച്ചു മറക്കാത്ത
പുസ്തകതാളുകള്‍ വായിച്ചു വളര്‍ന്നു ,
കരിമ്പടം പുതക്കാത്ത ചിന്തകള്‍
എഴുതിയും പറഞ്ഞും പങ്കു വച്ചു

അമ്മ നമ്മളെ
ഒരു പോലെ സ്നേഹിച്ചു
കാരുണ്യത്തിന്റെ
കഥകള്‍ ഓതി തന്നു
എന്നിട്ടും എന്തെ
പലപ്പോഴും
പരസ്പരം വഴക്കിട്ടു
ചോര ഒഴുക്കി നമ്മള്‍ ?

ഒരമ്മ പെറ്റ മക്കള്‍
തമ്മില്‍ തല്ലുന്നത് കണ്ടു
ആ മനസ്സ് നൊന്തിരിക്കും
ആ കണ്ണുനീര്‍ ഒഴുകി
പലപ്പോഴും
പുഴകള്‍ വരെ പ്രക്ഷുബ്ധമായി

ഇല്ലമ്മേ
ഇനി ഞങ്ങള്‍ തമ്മില്‍ തല്ലില്ല
നിന്നെ അതിരറ്റ് സ്നേഹിച്ച
അഹിംസയുടെ പ്രവാചകന്‍
നിന്നെ ചുംബിക്കാന്‍
നെഞ്ചു പിളര്‍ന്നു വീണു പോലെ
വീഴുന്ന വരേയ്ക്കും ഞങ്ങളും
ഈ കര്‍മ്മ ഭൂവില്‍ തളരില്ല .

ഇന്ന് ഞങ്ങള്‍ അറിയുന്നു
നൂറു കോടി ജനത്തിന്
ഇരുനൂറു കോടി കരങ്ങള്‍ ഉണ്ടെന്നു
അവ ഒരുമിച്ചു ചേര്‍ക്കുകില്‍
എടുത്തു മാറ്റാം പര്‍വതത്തെ വരെ .

ഇന്ന്,
നൂറു കോടി ചുണ്ടുകള്‍
"ജയ്‌ ഹിന്ദ്‌ "എന്ന്
പതിയെ മന്ത്രിക്കവേ
കുലുങ്ങി വിറക്കുന്നു ദിഗന്തങ്ങള്‍ ..

തിരിച്ചു വരേണ്ട ഇടതുപക്ഷം ?

2009-08-13T05:49:00.000-07:00

കഴിഞ്ഞ ലോക സഭാ തിരെഞ്ഞെടുപ്പ് വേളയില്‍ എഴുതിയത് :

കേരളത്തിലെ ഇടതു പക്ഷ പ്രസ്ഥാനം ചെറിയ പ്രതിസന്ധികളിലൂടെ കടന്നു പോകുകയാണല്ലോ .. ഇടതു പക്ഷത്തിനു നേതൃത്വം കൊടുക്കുന്ന സി പി എമ്മിന്റെ ചില നടപടികളില്‍ മനം മടുത്തു നില്‍ക്കുന്നവരും , പാര്‍ട്ടിയോട് വിഘടിച്ചു നില്‍ക്കുന്നവരും , പല കാരണങ്ങളാല്‍ പോഷക വിപ്ലവ സംഘടനകളില്‍ നിന്ന് അടര്‍ന്നു പോയവരും , എന്തിനു കടുത്ത അരാഷ്ട്രീയ വാദിയല്ലാത്ത ഏതൊരു ശരാശരി കേരളീയനും ഈ ഘട്ടത്തില്‍ എന്ത് നിലപാട് ആണ് എടുക്കേണ്ടത് എന്ന് ചിന്തിക്കുന്നത് ഇത്തരുണത്തില്‍ നന്നായിരിക്കും .

കേരളത്തിന്റെ ശരാശരി മനസ്സ് എന്താണ് ? മലയാളിയുടെ രക്തത്തില്‍ അന്തര്‍ലീനം അല്ലെ സോഷ്യലിസ്റ്റ്‌ ചിന്തകള്‍ ..? മറ്റു സംസ്ഥാനങ്ങളില്‍ നിന്ന് വിഭിന്നമായി കേരളത്തിലെ വലതു പക്ഷ പാര്‍ട്ടിയില്‍ പ്രവര്‍ത്തിക്കുന്നവര്‍ക്ക് പോലും യഥാര്‍ത്ഥത്തില്‍ ഇടതു പക്ഷ മനസ്സാനുള്ളത്‌ എന്ന് പലപ്പോഴും എനിക്ക് തോന്നിയിട്ടുണ്ട് ...

ഇടതു പക്ഷം തകരണം എന്ന് ആത്മാര്‍ഥമായി ആഗ്രഹിക്കുന്നവര്‍ കേരളത്തില്‍ ഉണ്ടാവുമോ ? ഇല്ലെന്നാണ് എനിക്ക് തോന്നുന്നത് ..ചില സാഹചര്യങ്ങളില്‍ ഇടതു നേതാക്കളുടെ ചില നടപടികള്‍ കാണുമ്പോള്‍ പ്രതിഷേധം അറിയിക്കുക എന്നതിലപ്പുറം ഇടതു പക്ഷം പാടെ കേരള മണ്ണില്‍ നിന്ന് വേരറ്റു പോകണം എന്ന് ചിന്തിക്കന്നവര്‍ വിരളം ആയിരിക്കും .. . ഇടതു പക്ഷത്തിന്റെ ക്രിയാത്മകമായ ഇടപെടലിന്റെ അഭാവം നമ്മുടെ സാമൂഹിക, മതേതര , സാംസ്കാരിക മണ്ഡലങ്ങളില്‍ സൃഷ്ടിച്ചേക്കാവുന്ന ഗുരുതരമായ പ്രത്യാഘാതങ്ങള്‍ കേരളീയരെ പ്രത്യേകിച്ച് ബോധ്യപ്പെടുത്തേണ്ട ആവശ്യം ഇല്ല തന്നെ . .. ഈ ഒരു കാരണത്താല്‍ ആണ് യുവാക്കള്‍ അധികവും ഇടതു പക്ഷ കരങ്ങള്‍ക്ക് ശക്തി പകരാന്‍ പോഷക സംഘടനകളില്‍് അണി നിരക്കുന്നത് ..

ഈ ഒരു തിരിച്ചറിവാണ് തന്നെയാണ് മത വിശ്വാസങ്ങളെ പ്രോത്സാഹിപ്പിക്കാത്തവരായിട്ടും സി പി എമ്മിനോട് (ഇടതു പക്ഷത്തോട്) ന്യു‌നപക്ഷ , ഭൂരിപക്ഷ വ്യത്യാസമില്ലാതെ വിവിധ മത വിഭാഗങ്ങള്‍ ചേര്‍ന്ന് നില്‍ക്കുന്നത് . ..

വിവാദ വിഷയത്തിലേക്ക് വരുന്നതിനു മുന്‍പ് , മാധ്യമങ്ങളില്‍ നിറഞ്ഞു നില്‍ക്കുന്ന കഥകള്‍ക്ക് പക്ഷെ സത്യവുമായി പുല ബന്ധം പോലും ഉണ്ടായെന്നു വരില്ല പലപ്പോഴും..ഒരു ചെറിയ ഉദാഹരണം നോക്കൂ

കോഴിക്കോട് ലോകസഭാ മണ്ഡലത്തില്‍ ഇടതു സ്ഥാനാര്‍ഥിയായി മുഹമ്മദ്‌ റിയാസ്‌ തെരഞ്ഞെടുക്കപ്പെട്ടപ്പോള്‍ ഫാരിസ്‌ അബൂബക്കറിന്റെ നോമിനി ആണ് അതിനാല്‍ ആണ് സീറ്റ്‌ ലഭിച്ചത് (പേയ് മെന്റ്റ് സീറ്റ്‌)എന്ന് വ്യാപകം ആയി പ്രചരിപ്പിക്കപ്പെട്ടിരുന്നു .. റിയാസിന് പാര്‍ട്ടിയില്‍ പ്രവര്‍ത്തന പരിചയം ഉണ്ടാവാന്‍ ഇടയില്ല എന്നും ഫാരിസ് ഇടപ്പെട്ട് പിണറായി കൊടുത്ത സീറ്റ്‌ ആണെന്നും (ഇങ്ങിനെ ചില ബന്ധങ്ങള്‍ ഉണ്ടാക്കിയെടുക്കല്‍ ആണ് മാധ്യമങ്ങളുടെ ഒരു ജോലി) കുറെ ആളുകള്‍ എങ്കിലും തെറ്റിദ്ധരിച്ചിരിക്കും..പക്ഷെ . ഈ മാധ്യമ പ്രചാരണങ്ങളില്‍ നിന്നും തികച്ചും വ്യത്യസ്തമായി കോളേജില്‍ എന്റെ സീനിയര്‍ ആയിരുന്ന റിയാസിന്റെ മുഖം എനിക്ക് ഓര്‍മ്മയുണ്ട് .. കോളേജില്‍ ഉള്ള സമയത്ത് റിയാസ്‌ ആയിരുന്നു SFI യുടെ ക്യാമ്പസിലെ അമരക്കാരന്‍ ..എത്രെയോ പ്രാവശ്യം റിയാസ്‌ ഉച്ചത്തില്‍ ചൊല്ലിത്തരുന്ന മുദ്രാവാക്യങ്ങള്‍ ഞാനടക്കം ഉള്ളവര്‍ ഏറ്റു വിളിച്ചിട്ടുണ്ട് .വലതു പക്ഷ സംഘടനകള്‍ ഐക്യത്തോടെ സ്ഥിരം ആയി ജയിച്ചു വരാറുള്ള ക്യാമ്പസില്‍ റിയാസിന്റെ നേതൃത്വത്തില്‍ SFI ശക്തമായ പ്രകടനം കാഴ്ച വച്ച് യു‌നിയന്‍ ഭരണത്തിന് ( ഒരു സീറ്റ് കുറവില്‍ )വളരെ അടുത്ത് എത്തിയിട്ടുണ്ട്. പ്രശ്നങ്ങള്‍ക്ക് നടുവില്‍ ചങ്കുറപ്പോടെ നില്‍ക്കുന്ന റിയാസിനെ ഞങ്ങള്‍ ആദരവോടെ വല്ലാതെ ഇഷ്ടപ്പെട്ടിരുന്നു .

ഡിഗ്രി ക്ക് ശേഷം ലോ കോളേജില്‍ എല്‍ എല്‍ ബി ക്ക് പോയതിനു ശേഷവും വൈകുന്നേരങ്ങളില്‍ മരച്ചുവട്ടിലെ യോഗങ്ങളില്‍ ആവേശം പകര്‍ന്നു റിയാസ്‌ ഞങ്ങള്‍ക്ക് പ്രത്യയ ശാസ്ത്ര പരമായ സ്റ്റഡി ക്ലാസ്സ്‌ എടുക്കാന്‍ സ്ഥിരമായി എത്താറുണ്ടായിരുന്നു . പിന്നീട് കാലങ്ങള്‍ക്കു ശേഷം ഡി വൈ എഫ്‌ ഐ കോഴിക്കോട്‌ ജില്ല പ്രസിഡണ്ട്‌ ആയ റിയാസിനെ ഞാന്‍ ടി വി യില്‍ പല സമര മുഖത്ത് വച്ചും കണ്ടു . ഇടയ്ക്കു വല്ലപ്പോഴും ആകസ്മികം ആയി കോഴിക്കോട് വച്ച് കാണുമ്പോള്‍ ഞാന്‍ പാര്‍ട്ടി ലൈന്‍ ഒക്കെ വിട്ടിട്ടും എന്നോട് കൂടുതല്‍ പറയാറുണ്ടായിരുന്നത് പാര്‍ട്ടി കാര്യങ്ങള്‍ ആയിരുന്നു . സത്യത്തില്‍ യുവാക്കളെ കൂടുതല്‍ മത്സരിപ്പിക്കുക എന്ന സി പി എമ്മിന്റെ തീര്‍ത്തും പുരോഗാത്മകം ആയ ഒരു നിലപാടിന്റെ ഫലമായിരുന്നു റിയാസിന്റെ സ്ഥാനര്തിത്വം . കോഴിക്കോട് ജനിച്ചു വളര്‍ന്ന, പാര്‍ട്ടിയോട് അങ്ങേയറ്റം ആത്മാര്‍ഥതയുള്ള , പ്രവര്‍ത്തന പാരമ്പര്യം ഉള്ള , നല്ലൊരു candidate തന്നെയായിരുന്നു റിയാസ്‌. പക്ഷെ മാധ്യമങ്ങള്‍ അടക്കം പ്രചരിപ്പിച്ചതോ എങ്ങോ മണ്ണും ചാരി നിന്ന ഒരു നോമിനി .

ഇടയില്‍ ഒന്ന് കൂടെ പറയട്ടെ .ഈ പ്രാവശ്യത്തെ ലോക സഭ തിരഞ്ഞെടുപ്പില്‍ യു ഡി എഫ്‌ എത്ര യുവാക്കളെ മത്സരിപ്പിച്ചു ? എന്ത് കൊണ്ട് ? ഇപ്രാവശ്യം യുവാക്കള്‍ക്ക് പ്രാതിനിധ്യം കൂടുതല്‍ ഉണ്ടാകും എന്ന് വീമ്പിളക്കിയ രമേശ്‌ ചെന്നിത്തലക്ക് , എറണാംകുളത്ത് പറഞ്ഞു കേട്ട യുവസ്ഥാനാര്തിയെ പോലും മാറ്റേണ്ടി വന്നു .
ഇന്ത്യന്‍ നാഷണല്‍ കോണ്‍ഗ്രസിന്‌ ഭാരതത്തില്‍ സ്ഥിരതയുള്ള ഒരു ഭരണം കാഴ്ച വെക്കാന്‍ കഴിഞ്ഞേക്കാം .. പക്ഷെ വിപ്ലവാത്മകം ആയ ഒരു മാറ്റം സൃഷ്ടിക്കാനുള്ള ഉള്‍്കരുത്തുണ്ടോ ? ദേശീയ , അന്തര്‍ ദേശീയ വിഷയങ്ങളില്‍ ജന പക്ഷത്തു നിന്ന് നട്ടെല്ല് നിവര്‍ത്തി ഒരു തീരുമാനം എടുക്കാന്‍ കഴിയുമോ ? ദാസ്യം ആണ് കോണ്‍ഗ്രസ്സിന്റെ സ്ഥായിയായ ഭാവം ... നരസിംഹ റാവു മുതല്‍ മന്‍മോഹന്‍ സിംഗ് വരെ നമ്മെ ബോധ്യപ്പെടുത്തുന്നതും അതാണ്‌

അതിനാല്‍ തന്നെയാണ് ഇടതു പക്ഷം കേരളത്തില്‍ സജീവം ആയി നല നില്‍ക്കണം എന്നും പേര്‍ ദേശീയ രാഷ്ട്രീയത്തില്‍ ശക്തമായി ഇടപെടലുകള്‍ നടത്തണമെന്നും കുറെയധികം ആളുകള്‍ ആഗ്രഹിക്കുന്നത് ..ചോദിക്കട്ടെ , ആസിയാന്‍ കരാര്‍ അടക്കമുള്ള വിഷയങ്ങളില്‍ ജന പക്ഷത്തു നിന്ന് ചിന്തിയ്ക്കാന്‍ ഇടതു പക്ഷം അല്ലാതെ മറ്റാരാണ്‌ ഉള്ളത് ? അവ പിന്നീട് ചര്‍ച്ച ചെയ്യാം .
==================

ആവര്‍ത്തിച്ചു പറയട്ടെ , ഇടതു പക്ഷത്തെ ശക്തിപ്പെടുത്തേണ്ട ഒരു ചരിത്ര നിമിഷത്തില്‍ ആണ് നാം നിലകൊള്ളുന്നത് ..ചില ആളുകളോടുള്ള വിരോധം കാരണം നിരവധി ആളുകള്‍ പ്രാണന്‍ കൊടുത്തു
വളര്‍ത്തിയെടുത്ത ഈ പ്രസ്ത്ഥാനം നശിച്ചു പോകാന്‍ ആഗ്രഹിക്കുന്നത് ചരിത്രത്തോട് കാണിക്കുന്ന മഹാ അപരാധം ആയിരിക്കും .. കേരളത്തിന്റെ ആത്മാവ് തന്നെയായിരിക്കും നമുക്ക് നഷ്ട്ടപ്പെടുക .

പണ്ട് കോളേജ് കാലഘട്ടത്തില്‍ കേട്ട ചില വരികള്‍ എന്ത് കൊണ്ടോ വീണ്ടും കാതുകളില്‍ മുഴങ്ങുന്നു

ഈ രണാങ്കണങ്ങ ളില്‍
ചോര വീണ മണ്ണിതില്‍
വീരഗാഥ പാടി വന്ന
ധീരരാം സഖാക്കളെ .....
നിങ്ങള്‍ തന്ന വാക്കുകള്‍
നിങ്ങള്‍ തന്‍ തുടിപ്പുകള്‍
ഇന്നിതായിരം കരങ്ങള്‍
ഒത്തു ചേര്‍ന്ന് ശക്തിയായി ........

മുരളീധരന്‍ ചരിത്രമെഴുതുന്നത് ...!

2009-08-08T00:12:00.000-07:00

മുരളി ചരിത്രത്തിലിടം നേടുന്നത്
സുഖങ്ങള്‍ ഉപേക്ഷിച്ചു
ബോധി മരച്ചുവട്ടിലെത്തിയ
ബുദ്ധനായിട്ടല്ല ;
മറ്റുള്ളവരുടെ പാപ ഭാരം
ഏറ്റു വാങ്ങി കുരിശിലേറിയ
ക്രിസ്തുവായിട്ടല്ല ;
യൗവനം അച്ഛന് നല്‍കിയ
പിതൃ സ്നേഹിയായ
പുരുവുമല്ല .

എങ്കിലും സാഹചര്യങ്ങളെ
സ്വയമേ സൃഷ്ടിച്ചു
ചരിത്രത്തിലേക്ക്
നടന്നു കയറുകയാണ് മുരളി

ഗ്രഹണി പിടിച്ച സമയത്ത്
ഭാര്യയെ മൊഴി ചൊല്ലി
പിന്നീടവളുടെ
ഒരു ചുംബനത്തിനായി
തിണ്ണ നിരങ്ങുന്നവനെപ്പോലെ
പ്രസിഡന്റ്‌ പദം വലിച്ചെറിഞ്ഞു
അതേ പാര്‍ട്ടിയുടെ
സാധാ അംഗത്വത്തിന്
ഭിക്ഷ യാചിക്കുന്നവന്‍ .
നില്ക്കുന്ന തോണി മുക്കി
മറു തോണിയിലേക്ക്‌ ചാടുന്നവന്‍

രാഷ്ട്രീയ പുറമ്പോക്കുകളില്‍
ഗതികിട്ടാ പ്രേതം പോലെ
മുരളീധരന്‍ ഇന്നലയവെ;
പ്രതാപ കാലം
കയ്യൊഴിഞ്ഞ പിതാവ്
പുത്രനാല്‍ അപമാനിതനാകവേ ;
അത് കുറിക്കപ്പെടുന്ന
ചരിത്രതാളുകളില്‍ മഷി പടരുന്നത്
ഒരു ജന്മം മുഴുവന്‍
പുത്രനെ ഓര്‍ത്തോര്‍ത്തു
കരളുരുകി മരിച്ച
ഈച്ചരവാര്യര്‍ എന്ന
ഒരു പാവം മനുഷ്യന്റെ
കണ്ണുനീരിനാലാണോ ?

മൂന്നു കൂട്ടുകാരികള്‍

2009-08-03T07:07:00.000-07:00

(ബന്ധങ്ങള്‍ ഒരു ദിവസത്തേക്ക് ചുരുക്കി ആഘോഷമാക്കുന്നതില്‍ യോജിപ്പില്ല എങ്കിലും ഫ്രെന്റ്ഷിപ്പ്‌ ഡേ പോലുള്ള ദിനങ്ങള്‍ ചില നല്ല ഓര്‍മകളുടെ മാഞ്ചുവട്ടിലേക്ക് നമ്മെ കൊണ്ട് പോയേക്കാം ,
എന്റെ ഡിഗ്രി കാലഘട്ടം അങ്ങിനത്തെ ഒന്നാണ് .. ഒരു പക്ഷെ കോളേജ് ജീവിതത്തെക്കുറിച്ച്‌ ഓര്‍ക്കുമ്പോള്‍ നഷ്ടബോധം തോന്നാത്തവര്‍ ആരുണ്ട്‌?ഈ ഫ്രണ്ട്ഷിപ്‌ഡേയില്‍ മൂന്നു കൂട്ടുകാരികളെക്കുറിച്ച് പറയട്ടെ ഞാന്‍ )

ഫസ്റ്റിയറിന്ടെ മധ്യത്തില്‍ ആണെന്ന് തോന്നുന്നു ,ഒരു ദിവസം ബിജി എന്നോട് ഒരു സ്വകാര്യം പറഞ്ഞു, അവള്‍ കുറച്ചു നാളായി കോളേജിന് പുറത്തുള്ള ഏതോ ഒരു പൂവാലനെ കൊണ്ട് പൊറുതി മുട്ടിയത്രെ , ബസ്‌ കയറുന്ന സ്ഥലത്ത് അയാള്‍ അവളെ കാത്തു നില്‍ക്കും, അവള്‍ കയറുന്ന ബസില്‍ കയറും .. മാത്രമോ ബസ്‌ ഇറങ്ങി വീട്ടിലേക്കു നടക്കുമ്പോള്‍ പിറകെ അല്പം ദൂരെയായി അയാള്‍ കുറെ ദൂരം അനുഗമിക്കും ...ഇതൊന്നു അവസാനിപ്പിക്കാന്‍ എന്ത് ചെയ്യും ..?

തല്ലണോ ? ഷര്‍ട്ടിന്റെ കൈ അല്പം തെറുത്തു ഞാന്‍ ചോദിച്ചു ...

നിന്നെക്കൊണ്ടു അതിനൊന്നും കഴിയില്ലെന്ന് എനിക്കറിയാം ..മാത്രമല്ല , ഒരു പാവം പൂവാലന്‍ , ഈ പിറകെ നടത്തം ഒന്ന് ഒഴിവായി കിട്ടിയാല്‍ മതി ..,

അവള്‍ തുടര്‍ന്നു .. നമുക്ക് ഒരു കാര്യം ചെയ്യാം, നമുക്ക് രണ്ടാള്‍ക്കും ലൈന്‍ ആയി അഭിനയിക്കാം... എന്നാല്‍ അയാള്‍ ഈ പരിപാടി നിര്‍ത്തിക്കോളും .

ഡേ സ്ക്കോളേര്സ് ആയ ഞങ്ങള്‍ രണ്ടു പേര്‍ക്കും ബസ്‌ വരുന്നത് ഒരേ സ്റ്റോപ്പില്‍ ആണ് .

അന്ന് വൈകുന്നേരം അവള്‍ എന്നെ കാത്തു നിന്നു , കോളേജ് ബസ്‌ ഇറങ്ങി ഞങ്ങള്‍ ഇരുവരും ഹൈവേയിലെ ബസ്സ്‌ സ്റ്റോപ്പിലേക്ക് നടന്നു .

ദാ അവന്‍ അവിടെ നില്‍പ്പുണ്ട്‌ ...നമുക്ക് ചേര്‍ന്ന് നടക്കാം ..എന്നാലേ നമ്മള്‍ ലവേര്‍സ് ആണെന്ന് തോന്നൂ ... , പതിയെ ഞങ്ങള്‍ തൊട്ടു തൊട്ടില്ല എന്ന നിലയില്‍ തോളുരുമ്മി നടന്നു ..ഒട്ടും സങ്കോചം ഇല്ലാതെ എന്നോട് ചേര്‍ന്ന് അവള്‍ നടക്കുന്നത് കണ്ടപ്പോള്‍ യഥാര്‍ത്ഥ സൗഹൃദം എല്ലാ മതില്ക്കെട്ടുകളെയും പൊളിച്ചു കളയുന്ന ഒന്നാണെന്ന് എനിക്ക് തോന്നി .

പെട്ടെന്ന് ബാഗില്‍ നിന്നു ഒരു മിഠായി എടുത്തു അവള്‍ കവര്‍ കളഞ്ഞു വായ കൊണ്ട് കടിച്ചു രണ്ടായി പകുത്തു ഒരു കഷണം എനിക്ക് നീട്ടി
അയ്യേ .. എനിക്ക് വേണ്ട .., ഞാന്‍ നെറ്റി ചുളിച്ചു .. ശ്ശ് അയാള്‍ ശ്രദ്ധിക്കുന്നുണ്ട് .. പ്ലീസ് .. അവന്‍ ഒഴിയാന്‍ നമ്മള്‍ നല്ല അടുപ്പം കാണിച്ചേ തീരൂ ...

അവള്‍ പറയുന്നതില്‍ കാര്യം ഉണ്ട് .. മിഠായി കഷണം വാങ്ങി വായിലിട്ടു ഞാന്‍ നുണഞ്ഞു .. അല്പം കഴിഞ്ഞു ബസ്‌ വന്നു അവള്‍ പോയി, കൂടെ അവനും .. ഞാന്‍ സൗഹൃദത്തിന്റെ ഉമിനീര്‍ കലര്‍ന്ന മിഠായി നുണഞ്ഞു എന്റെ ബസ്‌ വരുന്നതും കാത്തു ഞാന്‍ നിന്നു.

പിറ്റേന്നും ഞങ്ങള്‍ വൈകുന്നേരം ഒരുമിച്ചു ഇറങ്ങി .. മൂന്നു നാല് ദിവസം കഴിഞ്ഞിട്ടും പൂവാലന്‍ പിന്മാറിയില്ല ..ഒരു പക്ഷെ അവളുടെ ശാലീനത അവനെ മത്തു പിടിപ്പിക്കുകയോ അവളോടുള്ള ഇഷ്ടം അവന്റെ അസ്ഥികളില്‍ പിടിച്ചിരിക്കുകയോ ചെയ്തിരിക്കാം ..

ഞങ്ങള്‍ പൂര്‍വ്വാധികം ശക്തിയോടെ പ്രണയം അഭിനയിച്ചു , ബസ്‌ സ്റ്റോപ്പിനടുത്ത ഒഴിഞ്ഞ കടയുടെ മുന്നില്‍ കണ്ണില്‍ നോക്കി നിന്നു ... ചിരകാല കാമുകീ കാമുകന്മാരെപ്പോലെ പ്രണയ പരവശരായി , പൊട്ടിച്ചിരിച്ചു ... ഇടയ്ക്കെപ്പോഴോ ഈ പൂവാല ശല്യം അവസാനിക്കാതിരുന്നെങ്കില്‍ എന്ന് ഞാന്‍ ആഗ്രഹിച്ചു പോയി ...

ഒരാഴ്ച കഴിഞ്ഞു അല്പം ദിവസം ആയപ്പോള്‍ ഒരു ദിവസം അവള്‍ പറഞ്ഞു ഇപ്പോള്‍ അവനെ കാണാനില്ല എന്ന്., എങ്കിലും അവസാന വര്‍ഷം അവസാനം അവസാനത്തില്‍ ഒരു പ്രൈവറ്റ് ഹോസ്റ്റലിലേക്ക് മാറുന്ന വരെ മിക്കവാറും ഒരുമിച്ചു ആയിരുന്നു ഞങ്ങള്‍ വൈകുന്നേരം തിരിച്ചു പോകാറ്.

വൈകുന്നേരം അവളുടെ നാട്ടിലേക്കുള്ള അവസാന ബസ്‌ വരുന്ന വരെ ഒരു പാട് സംസാരിച്ചു നില്‍ക്കും, നന്നായി വായിക്കുമായിരുന്ന അവള്‍ക്കു ആകാശത്തിനു താഴെയുള്ള എന്തും ഇഷ്ട വിഷയങ്ങള്‍ ആയിരുന്നു ... വായനയില്‍ റഷ്യന്‍ സാഹിത്യം ആയിരുന്നു അവള്‍ക്കേറെ താല്പര്യം , ദസ്തെയവ്സ്കി ഇഷ്ടപ്പെട്ട എഴുത്തുകാരനും . വെക്കേഷനുകളില്‍ അവള്‍ നീണ്ട കത്തുകള്‍ എഴുത്തും ..കവിതകള്‍ ചേര്‍ത്ത് ഞാന്‍ മറുപടികളും ..കളങ്കം ഇല്ലാത്ത സൗഹൃദത്തിന്റെ ആഴവും പരപ്പും എനിക്ക് ബോധ്യം ആയ നാളുകള്‍ .

മനസ്സ് പിറകോട്ടു സഞ്ചരിക്കുമ്പോള്‍ , അവള്‍ക്കു ഏറ്റവും ഇഷ്ടമുള്ള , ഇടയ്ക്കിടെ അവള്‍ പാടി തരാറുള്ള ഒരു പാട്ട് കാതില്‍ മുഴങ്ങുന്നു

ചന്ദന വളയിട്ട കൈ കൊണ്ട് ഞാന്‍
മണി ചെമ്പക പൂക്കള മെഴുതുമ്പോള്‍ ....
പിറകിലൂടന്നു നീ മിണ്ടാതെ വന്നെത്തി
മഷിയെഴുതാത്തൊരെന് മിഴികള്‍ പൊത്തി..

***********************

അന്നത്തെ ധാരാളം സുഹൃത്തുക്കളെ ക്കുറിച്ചും മനോഹരങ്ങളായ മുഹൂര്‍ത്തങ്ങളെ കുറിച്ചുംഇനിയും പറയാനുണ്ട് . ഓര്‍ത്തെടുക്കാന്‍ ശ്രമിച്ചാല്‍ സമാനതകള്‍ ഇല്ലാത്ത അനുഭവങ്ങളുടെ ഒരു പൂക്കാലം.
നിര്‍ദോഷിതം എന്ന് കരുതി ഞാന്‍ ചെയ്തു വച്ച ഒരു തമാശയില്‍ മനം നൊന്തു, കെമിസ്ട്രി ലാബില്‍ വച്ച് , പൊട്ടി കരഞ്ഞ വയനാട്ടുകാരി സലു , പിന്നീട് എന്റെ അടുത്ത കൂട്ടുകാരിയായത് , ക്യാമ്പസ്‌ പ്രണയം സുഹൃത്തുക്കളില്‍ നിന്ന് ഒരാളെ ഒറ്റപ്പെടുത്തുമെന്നും , അത് വെറും സ്വാര്ത്ഥവും , അവാര്‍ഡ്‌ സിനിമയെപ്പോലെ വിരസവും , ഒരു നെല്ലി മരച്ചോട്ടില്‍ നമ്മെ കെട്ടിയിടലും ആണെന്ന് പറഞ്ഞും പറയാതെയും എന്നെ ബോധ്യപ്പെടുത്തിയത് സലു വാണു . സൗഹൃദത്തിന്റെ വാതിലുകള്‍ മലക്കെ തുറന്നതാകവേ , പ്രണയം ആകട്ടെ നിഗൂഡവും സ്വാര്‍ത്ഥവുമാണ് എന്ന് പഠിപ്പിച്ചതും അവള്‍ തന്നെ .

ക്ലാസ്സിലെ ടോപ്‌ ആയ മീര, (യൂണിവേര്സിറ്റി ആദ്യത്തെ പത്തു റാങ്കില്‍ ഒരാളും ആയിരുന്നു ), സുഖമില്ലാത്ത അച്ഛനെ ഓര്‍ത്തു , അനിയത്തിയെ നന്നായി പഠിപ്പിക്കണം എന്ന് നിശ്ചയ ദാര്ഡ്യം വച്ച് , ഗള്‍ഫില്‍ പോകണം എന്ന് ആഗ്രഹം കൊണ്ട് നടന്നത് ഞങ്ങളെ വല്ലാതെ അത്ഭുതപ്പെടുത്തിയിരുന്നു . ഡിഗ്രി കഴിഞ്ഞു മൈക്രോ ബയോളജി ക്ക് പോയ മീരയെ പിന്നീട് വര്‍ഷങ്ങള്‍ക്കു ശേഷം (രണ്ടു വര്ഷം മുന്‍പ് )കോഴിക്കോട് നഗരത്തില്‍ വച്ച് അപ്രതീക്ഷിതമായി കണ്ടു മുട്ടിയ നിമിഷം മറക്കാന്‍ ആവില്ല . കുവൈറ്റില്‍ ഒരു ഹോസ്പിറ്റലില്‍ മൈക്രോ biologist ആയി വര്‍ക്ക്‌ ചെയ്യുന്നു എന്നും അനിയത്തി കല്യാണം കഴിഞ്ഞു പ്രസവിച്ചു കിടക്കുകയാണെന്നും, കോഴിക്കോട് നഗരത്തില്‍ അവള്‍ വാങ്ങിയ ചെറിയ ഫ്ലാറ്റില്‍ അച്ഛനും അമ്മയും സുഖമായി ഇരിക്കുന്നു എന്നും അവളില്‍ നിന്ന് അറിഞ്ഞപ്പോള്‍ ,എനിക്ക് ആശ്ചര്യവും അവളെ ക്കുറിച്ച് അഭിമാനവും തോന്നി .കോഴിക്കോട് മിഠായി തെരുവിലൂടെ ഞങ്ങള്‍ നടന്നപ്പോള്‍ കുടുംബം നോക്കുന്ന തിരക്കില്‍ കല്യാണം കഴിക്കാന്‍ മറന്നു പോയതിനെക്കുറിച്ച് അവള്‍ സങ്കടം പറഞ്ഞില്ല പകരം അനിയത്തിയുടെ കുഞ്ഞിനെക്കുറിച്ചും മറ്റുമുള്ള സന്തോഷം പങ്കു വച്ചു.

മാനാഞ്ചിറ സ്ക്വയറില്‍് അല്‍പ നേരം ഇരുന്നു ഞങ്ങള്‍ ജീവിതത്തിലെ ഏറ്റവും സന്തോഷകരം ആയ പഴയ കലാലയ കാലത്തെക്കുറിച്ച് ഓര്‍ത്തെടുക്കാന്‍ ശ്രമിച്ചു . അവില്‍ മില്‍ക്കിന് വേണ്ടി റെക്കോര്‍ഡ്‌ ഷീറ്റ് വരച്ചു കൊടുത്തതും ഏഴു ദിവസത്തെ സ്റ്റഡി ടൂറും ഞങ്ങള്‍ അഞ്ചില്‍ ഒരുവനായ ഷൈജുവിനെ പറ്റിച്ചതും ഓര്‍ത്തു ഒരു പാട് ചിരിച്ചു .

യാത്ര പറഞ്ഞു പിരിയവേ , ഒരു പാട്ടിന്റെ നോവറിഞ്ഞു .

ഓര്‍മ്മകള്‍ക്കെന്തു സുഗന്ധം ...
എന്നാത്മാവിന്‍ നഷ്ട സുഗന്ധം ...

ചെസ്സ്‌

2009-08-01T06:32:00.000-07:00

കാനഡയിലെ നിന്ന്
കൊണ്ട് വന്ന ചതുരംഗകളത്തില്‍
കരുക്കള്‍ നിരത്തി
കുറച്ചാളുകള്‍ വലതു ഭാഗത്ത് നിന്നു

ഇടതു ഭാഗത്ത് ആളുകള്‍
അണിനിരക്കവേ
കരുക്കളിലെ കിംഗ്‌ പറഞ്ഞു
കളി നിയന്ത്രിക്കാന്‍ ഞാന്‍ മതിയായവന്‍

വലതു പക്ഷത്തണിനിരന്നു
സാമുദായിക പ്രമാണിമാര്‍ , പ്രബലര്‍
ഇടതു പക്ഷത്തോ
കിംഗിന്‍ അമിത വിശ്വാസം മാത്രം

കളി തുടങ്ങിയപ്പോള്‍ തന്നെ
പരസ്പരം ചതിച്ചു കളിക്കുന്ന പക്ഷത്തെ
കയ്യൊഴിഞ്ഞു കാണികള്‍ കുറെ
കിംഗിന്‍ താന്‍ പ്രമാണിത്വം അസഹ്യം !

കളി മുറുകവേ ,
ഇടതു പക്ഷത്തെ മന്ത്രി പറഞ്ഞു
ബിഷപ്പിനെ ഇപ്പോള്‍ ഇറക്കി
കളി വേദി പങ്കിടുന്നത് അപകടം ,

കിങ്ങിനു സഹിക്കുമോ
കളിക്കളത്തില്‍ മന്ത്രി എന്നും
തനിക്കൊരു തലവേദന മാത്രം
പിറകോട്ടു മാറ്റി ഒതുക്കി മന്ത്രിയെ

നന്നായി കളിച്ചു മുന്നേറുന്ന
മന്ത്രിയെ ഒതുക്കിയതില്‍
പ്രതിഷേധിച്ചു , അവശേഷിച്ച
കാണികള്‍ കൂടി കൂറ് മാറി .

പിന്നെ നടന്നത് കിങ്ങിന്റെ
ധാര്‍ഷ്ട്യം നിറഞ്ഞ കസര്‍ത്ത്
മന്ത്രിയെ പിന്തുണച്ചു കളിച്ച
കാലാള്‍ പടകളെ പിന്നിലേക്കു മാറ്റി

കളി മുറുകവേ ,
തന്ത്രങ്ങള്‍ പാളിപ്പോയ കിംഗ്
ഓരോരുത്തരെയായി
കുരുതി കൊടുത്തു പിന്നീട് .

സാമുദായിക സ്വാശ്രയപക്ഷം
ചെക്ക് വിളിച്ചപ്പോള്‍
കുതിരയെ
കൊലക്ക് കൊടുത്തു .

കിങ്ങിനു ഒത്താശ പാടി പാടി
വിപ്ലവ വീര്യം നഷ്ട്ടപ്പെട്ട
യുവതേരുകള്‍
യുദ്ധ ഭൂമിയില്‍ തലയറ്റു വീണു .

അവസാനം രാജാവ് മാത്രം ബാക്കി .
പിന്നെ ചെക്ക് വിളിക്കാന്‍
മറു പക്ഷത്തെ ഒരു കാലാള്‍
തന്നെ ധാരാളം മതിയായിരുന്നു