കഴിഞ്ഞ ലോക സഭാ തിരെഞ്ഞെടുപ്പ് വേളയില്‍ എഴുതിയത് :
കേരളത്തിലെ ഇടതു പക്ഷ പ്രസ്ഥാനം ചെറിയ പ്രതിസന്ധികളിലൂടെ കടന്നു പോകുകയാണല്ലോ .. ഇടതു പക്ഷത്തിനു നേതൃത്വം കൊടുക്കുന്ന സി പി എമ്മിന്റെ ചില നടപടികളില്‍ മനം മടുത്തു നില്‍ക്കുന്നവരും , പാര്‍ട്ടിയോട് വിഘടിച്ചു നില്‍ക്കുന്നവരും , പല കാരണങ്ങളാല്‍ പോഷക വിപ്ലവ സംഘടനകളില്‍ നിന്ന് അടര്‍ന്നു പോയവരും , എന്തിനു കടുത്ത അരാഷ്ട്രീയ വാദിയല്ലാത്ത ഏതൊരു ശരാശരി കേരളീയനും ഈ ഘട്ടത്തില്‍ എന്ത് നിലപാട് ആണ് എടുക്കേണ്ടത് എന്ന് ചിന്തിക്കുന്നത് ഇത്തരുണത്തില്‍ നന്നായിരിക്കും .
കേരളത്തിന്റെ ശരാശരി മനസ്സ് എന്താണ് ? മലയാളിയുടെ രക്തത്തില്‍ അന്തര്‍ലീനം അല്ലെ സോഷ്യലിസ്റ്റ്‌ ചിന്തകള്‍ ..? മറ്റു സംസ്ഥാനങ്ങളില്‍ നിന്ന് വിഭിന്നമായി കേരളത്തിലെ വലതു പക്ഷ പാര്‍ട്ടിയില്‍ പ്രവര്‍ത്തിക്കുന്നവര്‍ക്ക് പോലും യഥാര്‍ത്ഥത്തില്‍ ഇടതു പക്ഷ മനസ്സാനുള്ളത്‌ എന്ന് പലപ്പോഴും എനിക്ക് തോന്നിയിട്ടുണ്ട് ...
ഇടതു പക്ഷം തകരണം എന്ന് ആത്മാര്‍ഥമായി ആഗ്രഹിക്കുന്നവര്‍ കേരളത്തില്‍ ഉണ്ടാവുമോ ? ഇല്ലെന്നാണ് എനിക്ക് തോന്നുന്നത് ..ചില സാഹചര്യങ്ങളില്‍ ഇടതു നേതാക്കളുടെ ചില നടപടികള്‍ കാണുമ്പോള്‍ പ്രതിഷേധം അറിയിക്കുക എന്നതിലപ്പുറം ഇടതു പക്ഷം പാടെ കേരള മണ്ണില്‍ നിന്ന് വേരറ്റു പോകണം എന്ന് ചിന്തിക്കന്നവര്‍ വിരളം ആയിരിക്കും .. . ഇടതു പക്ഷത്തിന്റെ ക്രിയാത്മകമായ ഇടപെടലിന്റെ അഭാവം നമ്മുടെ സാമൂഹിക, മതേതര , സാംസ്കാരിക മണ്ഡലങ്ങളില്‍ സൃഷ്ടിച്ചേക്കാവുന്ന ഗുരുതരമായ പ്രത്യാഘാതങ്ങള്‍ കേരളീയരെ പ്രത്യേകിച്ച് ബോധ്യപ്പെടുത്തേണ്ട ആവശ്യം ഇല്ല തന്നെ . .. ഈ ഒരു കാരണത്താല്‍ ആണ് യുവാക്കള്‍ അധികവും ഇടതു പക്ഷ കരങ്ങള്‍ക്ക് ശക്തി പകരാന്‍ പോഷക സംഘടനകളില്‍് അണി നിരക്കുന്നത് ..
ഈ ഒരു തിരിച്ചറിവാണ് തന്നെയാണ് മത വിശ്വാസങ്ങളെ പ്രോത്സാഹിപ്പിക്കാത്തവരായിട്ടും സി പി എമ്മിനോട് (ഇടതു പക്ഷത്തോട്) ന്യു‌നപക്ഷ , ഭൂരിപക്ഷ വ്യത്യാസമില്ലാതെ വിവിധ മത വിഭാഗങ്ങള്‍ ചേര്‍ന്ന് നില്‍ക്കുന്നത് . ..
വിവാദ വിഷയത്തിലേക്ക് വരുന്നതിനു മുന്‍പ് , മാധ്യമങ്ങളില്‍ നിറഞ്ഞു നില്‍ക്കുന്ന കഥകള്‍ക്ക് പക്ഷെ സത്യവുമായി പുല ബന്ധം പോലും ഉണ്ടായെന്നു വരില്ല പലപ്പോഴും..ഒരു ചെറിയ ഉദാഹരണം നോക്കൂ
കോഴിക്കോട് ലോകസഭാ മണ്ഡലത്തില്‍ ഇടതു സ്ഥാനാര്‍ഥിയായി മുഹമ്മദ് റിയാസ് തെരഞ്ഞെടുക്കപ്പെട്ടപ്പോള്‍ ഫാരിസ് അബൂബക്കറിന്റെ നോമിനി ആണ് അതിനാല്‍ ആണ് സീറ്റ് ലഭിച്ചത് (പേയ് മെന്റ്റ് സീറ്റ്)എന്ന് വ്യാപകം ആയി പ്രചരിപ്പിക്കപ്പെട്ടിരുന്നു .. റിയാസിന് പാര്‍ട്ടിയില്‍ പ്രവര്‍ത്തന പരിചയം ഉണ്ടാവാന്‍ ഇടയില്ല എന്നും ഫാരിസ് ഇടപ്പെട്ട് പിണറായി കൊടുത്ത സീറ്റ് ആണെന്നും (ഇങ്ങിനെ ചില ബന്ധങ്ങള്‍ ഉണ്ടാക്കിയെടുക്കല്‍ ആണ് മാധ്യമങ്ങളുടെ ഒരു ജോലി) കുറെ ആളുകള്‍ എങ്കിലും തെറ്റിദ്ധരിച്ചിരിക്കും..പക്ഷെ . ഈ മാധ്യമ പ്രചാരണങ്ങളില്‍ നിന്നും തികച്ചും വ്യത്യസ്തമായി കോളേജില്‍ എന്റെ സീനിയര്‍ ആയിരുന്ന റിയാസിന്റെ മുഖം എനിക്ക് ഓര്‍മ്മയുണ്ട് .. കോളേജില്‍ ഉള്ള സമയത്ത് റിയാസ് ആയിരുന്നു SFI യുടെ ക്യാമ്പസിലെ അമരക്കാരന്‍ ..എത്രെയോ പ്രാവശ്യം റിയാസ് ഉച്ചത്തില്‍ ചൊല്ലിത്തരുന്ന മുദ്രാവാക്യങ്ങള്‍ ഞാനടക്കം ഉള്ളവര്‍ ഏറ്റു വിളിച്ചിട്ടുണ്ട് .വലതു പക്ഷ സംഘടനകള്‍ ഐക്യത്തോടെ സ്ഥിരം ആയി ജയിച്ചു വരാറുള്ള ക്യാമ്പസില്‍ റിയാസിന്റെ നേതൃത്വത്തില്‍ SFI ശക്തമായ പ്രകടനം കാഴ്ച വച്ച് യുനിയന് ഭരണത്തിന് ( ഒരു സീറ്റ് കുറവില്‍ )വളരെ അടുത്ത് എത്തിയിട്ടുണ്ട്. പ്രശ്നങ്ങള്‍ക്ക് നടുവില്‍ ചങ്കുറപ്പോടെ നില്‍ക്കുന്ന റിയാസിനെ ഞങ്ങള്‍ ആദരവോടെ വല്ലാതെ ഇഷ്ടപ്പെട്ടിരുന്നു .
ഡിഗ്രി ക്ക് ശേഷം ലോ കോളേജില്‍ എല്‍ എല്‍ ബി ക്ക് പോയതിനു ശേഷവും വൈകുന്നേരങ്ങളില്‍ മരച്ചുവട്ടിലെ യോഗങ്ങളില്‍ ആവേശം പകര്‍ന്നു റിയാസ് ഞങ്ങള്‍ക്ക് പ്രത്യയ ശാസ്ത്ര പരമായ സ്റ്റഡി ക്ലാസ്സ് എടുക്കാന്‍ സ്ഥിരമായി എത്താറുണ്ടായിരുന്നു . പിന്നീട് കാലങ്ങള്‍ക്കു ശേഷം ഡി വൈ എഫ്‌ ഐ കോഴിക്കോട് ജില്ല പ്രസിഡണ്ട്‌ ആയ റിയാസിനെ ഞാന്‍ ടി വി യില്‍ പല സമര മുഖത്ത് വച്ചും കണ്ടു . ഇടയ്ക്കു വല്ലപ്പോഴും ആകസ്മികം ആയി കോഴിക്കോട് വച്ച് കാണുമ്പോള്‍ ഞാന്‍ പാര്‍ട്ടി ലൈന്‍ ഒക്കെ വിട്ടിട്ടും എന്നോട് കൂടുതല്‍ പറയാറുണ്ടായിരുന്നത് പാര്‍ട്ടി കാര്യങ്ങള്‍ ആയിരുന്നു . സത്യത്തില്‍ യുവാക്കളെ കൂടുതല്‍ മത്സരിപ്പിക്കുക എന്ന സി പി എമ്മിന്റെ തീര്‍ത്തും പുരോഗാത്മകം ആയ ഒരു നിലപാടിന്റെ ഫലമായിരുന്നു റിയാസിന്റെ സ്ഥാനര്തിത്വം . കോഴിക്കോട് ജനിച്ചു വളര്‍ന്ന, പാര്‍ട്ടിയോട് അങ്ങേയറ്റം ആത്മാര്‍ഥതയുള്ള , പ്രവര്‍ത്തന പാരമ്പര്യം ഉള്ള , നല്ലൊരു candidate തന്നെയായിരുന്നു റിയാസ്. പക്ഷെ മാധ്യമങ്ങള്‍ അടക്കം പ്രചരിപ്പിച്ചതോ എങ്ങോ മണ്ണും ചാരി നിന്ന ഒരു നോമിനി .
ഇടയില്‍ ഒന്ന് കൂടെ പറയട്ടെ .ഈ പ്രാവശ്യത്തെ ലോക സഭ തിരഞ്ഞെടുപ്പില്‍ യു ഡി എഫ്‌ എത്ര യുവാക്കളെ മത്സരിപ്പിച്ചു ? എന്ത് കൊണ്ട് ? ഇപ്രാവശ്യം യുവാക്കള്‍ക്ക് പ്രാതിനിധ്യം കൂടുതല്‍ ഉണ്ടാകും എന്ന് വീമ്പിളക്കിയ രമേശ്‌ ചെന്നിത്തലക്ക് , എറണാംകുളത്ത് പറഞ്ഞു കേട്ട യുവസ്ഥാനാര്തിയെ പോലും മാറ്റേണ്ടി വന്നു .
ഇന്ത്യന്‍ നാഷണല്‍ കോണ്‍ഗ്രസിന്‌ ഭാരതത്തില്‍ സ്ഥിരതയുള്ള ഒരു ഭരണം കാഴ്ച വെക്കാന്‍ കഴിഞ്ഞേക്കാം .. പക്ഷെ വിപ്ലവാത്മകം ആയ ഒരു മാറ്റം സൃഷ്ടിക്കാനുള്ള ഉള്‍്കരുത്തുണ്ടോ ? ദേശീയ , അന്തര്‍ ദേശീയ വിഷയങ്ങളില്‍ ജന പക്ഷത്തു നിന്ന് നട്ടെല്ല് നിവര്‍ത്തി ഒരു തീരുമാനം എടുക്കാന്‍ കഴിയുമോ ? ദാസ്യം ആണ് കോണ്‍ഗ്രസ്സിന്റെ സ്ഥായിയായ ഭാവം ... നരസിംഹ റാവു മുതല്‍ മന്‍മോഹന്‍ സിംഗ് വരെ നമ്മെ ബോധ്യപ്പെടുത്തുന്നതും അതാണ്‌
അതിനാല്‍ തന്നെയാണ് ഇടതു പക്ഷം കേരളത്തില്‍ സജീവം ആയി നല നില്‍ക്കണം എന്നും പേര്‍ ദേശീയ രാഷ്ട്രീയത്തില്‍ ശക്തമായി ഇടപെടലുകള്‍ നടത്തണമെന്നും കുറെയധികം ആളുകള്‍ ആഗ്രഹിക്കുന്നത് ..ചോദിക്കട്ടെ , ആസിയാന്‍ കരാര്‍ അടക്കമുള്ള വിഷയങ്ങളില്‍ ജന പക്ഷത്തു നിന്ന് ചിന്തിയ്ക്കാന്‍ ഇടതു പക്ഷം അല്ലാതെ മറ്റാരാണ്‌ ഉള്ളത് ? അവ പിന്നീട് ചര്‍ച്ച ചെയ്യാം .
==================
ആവര്‍ത്തിച്ചു പറയട്ടെ , ഇടതു പക്ഷത്തെ ശക്തിപ്പെടുത്തേണ്ട ഒരു ചരിത്ര നിമിഷത്തില്‍ ആണ് നാം നിലകൊള്ളുന്നത് ..ചില ആളുകളോടുള്ള വിരോധം കാരണം നിരവധി ആളുകള്‍ പ്രാണന്‍ കൊടുത്തു
വളര്‍ത്തിയെടുത്ത ഈ പ്രസ്ത്ഥാനം നശിച്ചു പോകാന്‍ ആഗ്രഹിക്കുന്നത് ചരിത്രത്തോട് കാണിക്കുന്ന മഹാ അപരാധം ആയിരിക്കും .. കേരളത്തിന്റെ ആത്മാവ് തന്നെയായിരിക്കും നമുക്ക് നഷ്ട്ടപ്പെടുക .
പണ്ട് കോളേജ് കാലഘട്ടത്തില്‍ കേട്ട ചില വരികള്‍ എന്ത് കൊണ്ടോ വീണ്ടും കാതുകളില്‍ മുഴങ്ങുന്നു
ഈ രണാങ്കണങ്ങ ളില്‍
ചോര വീണ മണ്ണിതില്‍
വീരഗാഥ പാടി വന്ന
ധീരരാം സഖാക്കളെ .....
നിങ്ങള്‍ തന്ന വാക്കുകള്‍
നിങ്ങള്‍ തന്‍ തുടിപ്പുകള്‍
ഇന്നിതായിരം കരങ്ങള്‍
ഒത്തു ചേര്‍ന്ന് ശക്തിയായി ........
30 comments:
സുഹൃത്തേ,
ആത്മര്‍ഥതയുള്ള ലേഖനം. കേരളത്തില്‍ ഇന്ന് വരെ UDF നു ഭരണം കിട്ടിയിട്ടുള്ളതെല്ലാം ജനങ്ങള്‍ LDF നോടെ കാട്ടിയിട്ടുള്ള താല്‍കാലിക നീരസത്തിന്റെ സൌജന്യത്തിലൂടെ ആണ്; അല്ലാതെ UDF ഇന്‍റെ നയങ്ങളോടുള്ള സ്നേഹം കൊണ്ടൊന്നും അല്ല. താങ്കള്‍ ഭയപ്പെടുന്ന പോലെ കേരളത്തില്‍ ഇടതു പക്ഷ ചിന്തക്ക് ഒരിക്കലും തകര്‍ച്ച ഉണ്ടാകും എന്ന് തോന്നുന്നില്ല. എന്നാല്‍, സി പി എം എന്ന പാര്‍ട്ടിയുടെ ഇന്നെത്തെ നേതൃത്വം ഇപ്പോള്‍ അനുവര്‍ത്തിച്ചു പോരുന്ന ഇടതുപക്ഷ വിരുദ്ധ നിലപാടുകള്‍ ആ പാര്‍ട്ടി എവിടെ കൊണ്ട് ചെന്നെത്തിക്കും എന്ന് കണ്ടറിയണം!
ഫൈസല്‍ അവസരോചിതമാണ് ഈ ലേഖനം.കേരളത്തിലെ ജനങ്ങള്‍ ഒരിക്കലും കമ്മ്യൂണിസം ഇല്ലാതായിക്കാണാന്‍ ആഗ്രഹിക്കുന്നില്ല എന്നു തന്നെയാണ് എനിക്കും തോന്നുന്നത്.പക്ഷേ ഇന്ന് കമ്മ്യൂണിസ്റ്റുകാരന്‍ എന്നു പരസ്യമായി പറയാന്‍ പലരും മടിക്കുന്നു.പട്ടിണിപ്പാവങ്ങള്‍ക്ക് വേണ്ടി പണ്ട് പോലീസിന്റേയും പട്ടാളത്തിന്റേയും മുന്‍പില്‍ നെഞ്ചു വിരിച്ചുനില്‍ക്കാന്‍ യാതോരു മടിയും കാട്ടാതിരുന്ന കമ്മ്യൂണിസ്റ്റുകാരെ ഇന്ന് ആ പട്ടിണിപ്പാവങ്ങള്‍ പട്ടിയേയും,പാമ്പിനേയും,പോലീസുകാരെയുംകാല്‍ അധികം പേടിക്കുന്നു.ആദര്‍ശങ്ങള്‍ക്കുവേണ്ടി സ്വന്തം ജീവന്‍ പോലും നല്‍കാന്‍ തയ്യാറായിരുന്ന,ജനങ്ങള്‍ക്ക് നന്മ വരണമെന്ന്‍ ആഗ്രഹിച്ചിരുന്ന എത്ര കമ്മ്യൂണിസ്റ്റുകാര്‍ ഇന്നുണ്ട്.അന്ന് വീടുകളില്‍ ഒളിച്ചുതാമസിപ്പിച്ചിരുന്ന സഖാക്കള്‍ക്ക് വേണ്ടി രാത്രിയെന്നോ പകലെന്നോ വ്യത്യാസമില്ലാതെ കാവലിരുന്ന ആല്‍ക്കാര്‍ ഇന്നത്തെ നേതാക്കന്മാരെ ഭീകരന്മാരെപോലെ ഭയപ്പെടുന്നു.ഇന്നു കേരളത്തിലുള്ള എത്ര സഖാക്കള്‍ക്ക് പറയാന്‍ കഴിയും ഞാന്‍ ജനനന്മക്കു വേണ്ടി നിലകൊള്ളുന്നവനാണെന്ന്‍.മറ്റേതു പാര്‍ട്ടിക്കാര്‍ എന്ത് അഴിമതികാണിച്ചാലും കമ്മ്യൂണിസ്റ്റുകാരെ ജനങ്ങള്‍ ആ കണ്ണില്‍ കാണാനാഗ്രഹിക്കുന്നില്ല. ഇനിയെങ്കിലും തിരുത്താന്‍ ശ്രമിച്ചില്ലെങ്കില്‍ ജനങ്ങള്‍ക്കുമുന്‍പില്‍ ജാരസന്തതികളെപോലെ മാറിനില്‍ക്കാനായിരിക്കും കമ്മ്യൂണിസ്റ്റുകാരന്റെ വിധി.
സി പി എമ്മിനെ ഒരു അഴിമതി വിരുദ്ധ പാര്ട്ടിയായായി കാണാനാണ് ജനങ്ങള്‍ ആഗ്രഹിക്കുന്നത്,,,,
സി പി എം..മാത്രമല്ല എല്ലാ പാര്‍ട്ടികളും അഴിമതി വിരുദ്ധ പാര്ട്ടികളാവണം എന്ന് തന്നെയാണ് ജനങ്ങളുടെ ആഗ്രഹം... ആഗ്രഹിക്കാനല്ലേ പറ്റൂ ...
പ്രശ്നങ്ങളിലൂടെയും പ്രതിസന്ധികളിലൂടെയും വളർൻ വന പാർട്ടിയാണ് കമ്മ്യൂണിസ്റ്റ് പാർട്ടി.ഒരേ സമയം സൈദ്ധാന്തികവും പ്രാവർത്തികവും എന്ന രണ്ടു ദ്വന്ദ്വങ്ങൾക്കിടയിൽ പെട്ടുപോകുന്നതുകൊണ്ടുള്ള ഒരു പ്രതിസന്ധിയാണ് ഇപ്പോഴുള്ളത്.പാർട്ടി ഇത് മറികടക്കും.ലാൽ‌സലാം.
ലക്ഷോപിലക്ഷം ഇടതുപക്ഷ മനസ്സുകളുടെ വികാരമാണു ഫൈസല്‍ പങ്കുവെച്ചത്.നല്ലത്.
ഫൈസൽ,
നല്ല വിലയിരുത്തലിനു നന്ദി.
@ ശ്രീക്കുട്ടൻ,
ആദര്‍ശങ്ങള്‍ക്കുവേണ്ടി സ്വന്തം ജീവന്‍ പോലും നല്‍കാന്‍ തയ്യാറായിരുന്ന,ജനങ്ങള്‍ക്ക് നന്മ വരണമെന്ന്‍ ആഗ്രഹിച്ചിരുന്ന എത്ര കമ്മ്യൂണിസ്റ്റുകാര്‍ ഇന്നുണ്ട്.
ഇപ്പോളൂം അങ്ങനെതന്നെയാണു ഭൂരിപക്ഷം പേരും എന്നാൽ മാധ്യമങ്ങളിൽ‌ക്കൂടിയുള്ള പ്രചരണം അങ്ങനെ അല്ലല്ലോ.ഇപ്പോൾ ഫൈസൽ തന്നെ മുഹമ്മദ് റിയാസിന്റെ കാര്യം ചൂണ്ടിക്കാട്ടിയത് ശ്രീക്കുട്ടൻ കണ്ടു കാണുമല്ലോ.മറ്റു പലരേയും കുറിച്ചും ഇങ്ങനെ ഒക്കെ തന്നെയാണ് പ്രചാരണം നടക്കുന്നത്.
നിങ്ങൾ വിമർശിക്കുന്ന ഇ.പി ജയരാജനും, പി.ജയരാജനുമൊക്കെ പൊതുപ്രവർത്തനത്തിൽ വന്ന് എതിരാളികളുടെ വെടുയുണ്ടകളിൽ നിന്നും വടിവാളുകളിൽ നിന്നും കഷ്ടിച്ച് രക്ഷപെട്ടിട്ടുള്ളവരാണ്.എന്നാൽ ഇ.പി ജയരാജനെ വെടിവച്ചു കൊല്ലാൻ നേതൃത്വം കൊടുത്തവർ സമൂഹത്തിൽ സംരക്ഷിക്കപ്പെടുകയും, അംഗീകരിക്കപ്പെടുകയും, വെടിയുണ്ടക്ക് ഇരയായവനെ സമൂഹത്തിനു മുന്നിൽ വെറുക്കപ്പെടുന്നവനാക്കുകയും ചെയ്യുന്ന ഒരു പ്രത്യേക തരം പ്രതിഭാസമാണു കേരളത്തിൽ നില നിൽ‌ക്കുന്നത്.പാർട്ടിയുടെ നടപടി വി.എസ് പോലും അംഗീകരിച്ചെങ്കിലും , വി,എസിന്റെ മുൻ‌നിർത്തി പാർട്ടിയിൽ പ്രശ്നമുണ്ടാക്കാം എന്നു കരുതിയിരുന്ന ചില “വിഷ ജന്തു”ക്കൾ ഇപ്പോളും അതു അംഗീകരിക്കാൻ തയ്യാറല്ല.
ശ്രദ്ധിക്കൂ, പാർട്ടി നടപടി വരുന്നതിനു മുൻപ് എന്തായിരുന്നു കോലാഹലങ്ങൾ? എന്തൊക്കെ എഴുതി?ബുധനാഴ്ച തോറുമുള്ള, മുഖ്യമന്ത്രിയുടെ ഓരോ പത്ര സമ്മേളനവും ഓരോ വിവാദത്തിൽ ആയിരുന്നു അവസാനിച്ചിരുന്നത്? ഇപ്പോളോ?എവിടെ പ്പോയി നമ്മുടെ മാധ്യമ പുംഗവന്മാരും” യഥാർത്ഥ കമ്മ്യൂണിസ്റ്റുകാരും”?
രാഷ്ട്രീയം എന്നത് ചലനാത്മകമാണ്.അതിൽ ചില തീരുമാനങ്ങൾ ശരിയും ചിലതു തെറ്റുമാകാം.എന്നാൽ പൊതുവേ ഏതു ലക്ഷ്യത്തിനു വേണ്ടി നില നിൽക്കുന്നു എന്ന രീതിയിലാണു ഞാനൊക്കെ രാഷ്ട്രീയത്തെ കാണുന്നത്.പാർട്ടിയിൽ ഉള്ളവരും ഈ സമൂഹത്തിന്റെ ഭാഗമാണു.ജന സമൂഹത്തിൽ ഇന്നുണ്ടെന്ന് നാം പറയുന്ന അപചയങ്ങളൊക്കെ പാർട്ടിയിൽ ഉള്ളവരേയും സ്വാധീനിച്ചേക്കാം.അതിനെ ഒക്കെ തിരിച്ചറിഞ്ഞ് തോൽ‌പ്പിക്കാൻ പ്രസ്ഥാനത്തിനു കഴിയുന്നുണ്ടോ എന്നതാണു പ്രസകതമായ വിഷയം.അഴിമതിയുടെ കാര്യത്തിലായാലും വിഭാഗീതയുടെ കാര്യത്തിലായാലും ശരിയായ ചില നടപടികൾ തന്നെയാണു ഇതുവരെ പാർട്ടി എടുത്തിട്ടുള്ളത്.
ഫയ്സല്‍,
അവസരോചിതവും ആത്മാര്തവുമായി ഈ എഴുതിയത്.ഈ അടുത്ത കാലത്ത് സി പി ഐ എമ്മിന് എതിരെ വളരെ പ്ലാന്‍ ചെയ്തുള്ള ഒരു ആക്രമണമാണ് നടന്നു കൊണ്ടിരിക്കുന്നത് എന്നത് സമ്മതിക്കാതെ നിര്‍വാഹമില്ല.റിയാസിന്റെ കഥ ഒരു ഉദാഹരണം മാത്രം.
ഇങ്ങനെ എത്രയോ എത്രയോ .
ലാവലിനും വി എസും പിണറായിയുടെ സിങ്കപ്പൂര്‍ കമ്പനിയും എന്തെല്ലാം തമാശകള്‍?
ഏതായാലും ഈ ഒരു നല്ല പോസ്റ്റിനു നന്ദി.ഒരിത്തിരി നല്ല ചിന്തയ്ക്ക് ഇടം നല്‍കിയതിനു.
Bejoy
പ്രീയ സുനില്‍,
"ജന സമൂഹത്തില്‍ ഇന്നുണ്ടെന്ന് നാം പറയുന്ന അപചയങ്ങളൊക്കെ പാര്‍ട്ടിയില്‍ ഉള്ളവരേയും സ്വാധീനിച്ചേക്കാം.അതിനെ ഒക്കെ തിരിച്ചറിഞ്ഞ് തോല്‍‌പ്പിക്കാന്‍ പ്രസ്ഥാനത്തിനു കഴിയുന്നുണ്ടോ എന്നതാണു പ്രസകതമായ വിഷയം.അഴിമതിയുടെ കാര്യത്തിലായാലും വിഭാഗീതയുടെ കാര്യത്തിലായാലും ശരിയായ ചില നടപടികള്‍ തന്നെയാണു ഇതുവരെ പാര്‍ട്ടി എടുത്തിട്ടുള്ളത്."
ഉറപ്പിച്ചു പറയാന്‍ കഴിയുമോ അങ്ങനെ.
കമ്മ്യൂണിസ്റ്റുകാര്‍ എല്ലാപേരും അഴിമതിക്കാരണെന്നൊ ജനപക്ഷത്ത് നില്‍ക്കാത്തവരാണെന്നോ ഞാനും കരുതുന്നില്ല.വളരെ ചെറുപ്പത്തിലെ കമ്മ്യൂണിസ്റ്റുപാര്‍ട്ടിയില്‍ വിശ്വസിക്കുന്ന ഒരാളെന്ന നിലയില്‍ ഇന്നത്തെ പാര്‍ട്ടിയുടെ അവസ്ഥകണ്ടു വളരെയേറെ ദു:ഖമുണ്ട്.പാര്‍ട്ടിയെ ഈ സ്ഥിതിയിലെത്തിച്ചവര്‍ ആരാണ്.മാധ്യമങ്ങള്‍ക്കു മാത്രമാണോ അതിന്റെ ഉത്തരവാദിത്വം.പാര്‍ട്ടിക്കല്ല പാര്‍ട്ടിയുടെ തലപ്പത്തിരിക്കുന്നവര്‍ക്കാണ് അപചയം സംഭവിച്ചത്.ക്ലാസ്സ് വാറില്‍ നിന്നും കാസ്റ്റ് വാറിലേക്ക് പാര്‍ട്ടിയും സഖാക്കളും എന്നു മാറിയോ അന്ന് മുതല്‍ കമ്മ്യൂണിസ്റ്റുപാര്‍ട്ടിയുടെ അസ്തിത്വം ചോദ്യം ചെയ്യപ്പെട്ടു തുടങി.ഇന്നു ഒരു സമ്മേളനമോ മറ്റോ നടക്കുമ്പോല്‍ കാശുകൊടുത്ത് ആളിനെകൊണ്ടുവരേണ്ട ഗതികേടിലേക്ക് പാര്‍ട്ടി മാറിയത് എന്തുകൊണ്ടാണെന്ന്‍ നേതാക്കള്‍ ചിന്തിക്കേണ്ടതാണ്.മാധ്യമങ്ങളോ കുറച്ചു ചിദ്രശക്തികളോ വിചാരിച്ചാല്‍ തകര്‍ക്കാവുന്നതാണോ കമ്മ്യൂണിസ്റ്റുപാര്‍ട്ടി.പാര്‍ട്ടിയുടെ ഇന്നത്തെ തകര്‍ച്ചക്ക് പ്രധാനകാരണം സുഖലോലുപതയില്‍ മതിമറന്ന്‍ ഞാന്‍ മാത്രമാണ് എല്ലാം എന്നു കരുതുന്ന സഖാക്കന്മാരാണ്.മാറേണ്ടത് ഇത്തരക്കാരാണ്.മാറ്റേണ്ടതും ഇത്തരക്കാരെയാണ്
ഫൈസലേ,
നല്ല ശ്രമം.
അതെ , ഇടതു പക്ഷം തിരിച്ചു വരിക തന്നെ വേണം, വരിക തന്നെ ചെയ്യും.
റിയാസ് അഹമ്മദിന്റെ കോളേജ് തലം മുതലുള്ള രാഷ്ടീയ പ്രവര്‍ത്തനം എനിക്കറിയാം. മുമ്പ് ഇലക്ഷന്‍ കാലത്ത് നടന്ന ചില പ്രചരണങ്ങളില്‍ ഞാനത് പറയുകയും ചെയ്തതാണ്. എന്തു ചെയ്യാം ആടും പട്ടിയായി മാറ്റപ്പെടുന്ന കാലമാണിത്.
നമുക്ക് കൂട്ടായ് ശ്രമിക്കാം.
ആശംസകള്‍.
ഫൈസല്‍, ലളിതവും കാര്യമാത്രപ്രസക്തവുമായ ചിന്തകള്‍. നന്നായിട്ടുണ്ട്. സി പി എം എന്നോ വിജയന്‍ എന്നോ ലാവലിന്‍ എന്നോ കേട്ടാല്‍ ഉടന്‍ കയറി കാടടച്ചു വെടിവെക്കാനൊരുങ്ങുന്നവര്‍ക്കിടയില്‍ വ്യത്യസ്തമായ സമീപനം സ്വീകരിച്ചതിനു നന്ദി.
ഇത്തരം ഒരു ലേഖനം വായിച്ചപ്പോള്‍ വല്ലാത്ത ഒരു സമാധാനം. മലയാളി മനസ്സിനു സാമൂഹ്യ സാഹചര്യങ്ങള്‍ വിശകലനം ചെയ്തു ശരി കണ്ടുപിടിക്കാന്‍ ഇപ്പൊഴും കഴിയുന്നുണ്ട്. അതും തങ്ങള്‍ തെളിക്കുന്നതിലൂടെയാണ് കേരളത്തിന്റെ പൌര മനസ്സ് നീങ്ങുന്നതെന്ന് അഹന്‍കരിക്കുന്ന മാധ്യമ മുതലാളിമാരുടെ ഹിഡന്‍ അജണ്ടകള്‍ക്ക് നടുവില്‍...
റിയാസിനെ‍ക്കുറിച്ച് താങ്കള്‍ പറഞ്ഞതെല്ലാം സത്യമാണെന്ന് കേരള സമൂഹത്തിലെ എത്ര പേര്‍ വിശ്വസിക്കുന്നുണ്ട്. നല്ലൊരു യുവ നേതാവിനെ ഫാരിസിന്‍റെ നോമിനിയാക്കാന്‍ വീരേന്ദ്രകുമാറിനും മാത്രുഭൂമിക്കും എത്ര എളുപ്പം കഴിഞ്ഞു.
മാധ്യമങ്ങളുടെ വലതുപക്ഷ സ്വാധീനവും അവ കേരളത്തിന്റെ രാഷ്ട്രീയ മന്സിലുണ്ടാക്കുന്ന വലതുപക്ഷ അരാഷ്ട്രീയ വ്യതിയാനങ്ങളും ഗൌരവമായ ചര്‍ച്ചയ്ക്ക് വിഷയമാകേണ്ടതുണ്ട്.
അധികാരത്തില്‍ കടിച്ചു തൂങ്ങി കിടക്കുന്നതില്‍ കോണ്‍ഗ്രസുകാരേക്കാലും നാണമില്ലാത്തവര്‍ ആണു കമ്യൂണിസ്റ്റുകാര്‍ എന്നാണു അച്ചു മാമ തെളിയിച്ചതു. അച്ചു മാമക്കു സംഭവിച്ചതു പോലെ ഒരു കോണ്ഗ്രസ് മുഖ്യനാണു സംഭവിച്ചതു എങ്കില്‍ ആ മുഖ്യന്‍ ഒഴിവായേനേ എന്നു വിശ്വസിക്കാന്‍ പ്രയാസം ഇല്ല.
പക്ഷെ കെ എം റോയ് മംഗളത്തില്‍ അച്ചു മാമ മുഖ്യമന്ത്രി സ്ഥാനത്തു നില്‍ക്കുന്നതിനേ കുറിച്ചൊരു ലേഖനം എഴുതിയിട്ടുണ്ട്. അതു താങ്കള്‍ വായിച്ചു കാണുമോ എന്നറിയില്ല, പക്ഷെ വായിച്ചിരിക്കേണ്ട ഒരു ആര്‍ട്ടിക്കിള്‍ ആണു. മംഗളത്തിന്റെ വെബ്സൈറ്റില്‍ പോയി നിരിക്ഷണം എന്ന ലിങ്കില്‍ ക്ലിക്ക് ചെയ്താല്‍ അതു വായിക്കാന്‍ കഴിയും.
ഇടതുപക്ഷം ശക്തിപ്പെടേണ്ടത്‌ തന്നെ.അല്ലെങ്കില്‍ അത് മൊണോപൊളിയിലേക്ക്‌ വഴിതുറക്കും.പക്ഷേ താങ്കള്‍ "ലാവലിന്‍" അഴിമതിയെപറ്റി പറഞ്ഞതിനോട്‌ എനിക്ക് യോജിപ്പില്ല.ആരോപണം വന്നപ്പോള്‍ സഖാവിന്‌ അത് ധീരമായി നേരിടാമായിരുന്നു .പകരം പി.ബി. അടക്കം അദ്ദേഹത്തിന്‌ ക്ലീന്‍ ചീട്ട്‌ നല്‍കി.വ്യക്തി വിദ്വേഷ്വം ആണെങ്കിലും അല്ലെങ്കിലും എതിരഭിപ്രായം പറഞ്ഞ വി.എസ് പി.ബി ക്ക് പുറത്തായി.അഴിമതി നടന്നില്ല എന്ന് തെളിയിക്കേണ്ട പാര്‍ട്ടി "ലാവലിന്‍" തുടങ്ങിയത്‌ UDF ന്റെ കാലത്താണ്‌ എന്ന് പറഞ്ഞ്‌ തലയൂരാന്‍ ശ്രമിച്ച്‌ കൂടുതല്‍ വഷളായി.ഇങ്ങനെ ആരോപണങ്ങള്‍ എന്ത് വരുമ്പോഴും മുന്‍ഗാമികള്‍ക്ക്‌ ചാര്‍ത്തിക്കൊടുക്കുന്ന ഒരു ശീലം വളര്‍ന്നു വന്നു.അത് UDF എന്നോ LDF എന്നോ വ്യത്യാസമില്ല.
പാര്ട്ടിക്ക് വേണ്ടി അദ്ധ്വാനിച്ച പലരും ഇന്ന് വിസ്മരിക്കപ്പെട്ടിരിക്കുന്നു.തൊഴിലാളിവര്‍ഗ്ഗത്തിന്റെ പാര്‍ട്ടി മുതലാളിത്തത്തിന്റെ പിടിയില്‍ പെട്ടിരിക്കുന്നു എന്നത് നഗ്ന സത്യമാണ്‌.അത് കേരള ജനത നന്നായി മനസ്സിലാക്കിയിരിക്കുന്നു.തെരഞ്ഞെടുപ്പിന് തൊട്ടു മുമ്പ് വരേ പരസ്പരം പോരടിച്ച വെളിയത്തേയും പിണറായിയേയും കേരള ജനത നേരില്‍ ദര്‍ശിച്ചതാണ്‌.എന്നിട്ട്‌ ആവശ്യപ്പെട്ടത്ര സീറ്റ് കിട്ടിയപ്പോള്‍ ഞങ്ങള്‍ സഹോദരന്മാരാണേ എന്ന ഭാവത്തില്‍ കെട്ടിപ്പിടിക്കുന്നത്‌ ആരെ കഴുതയാക്കാനാണ്‌?UDF-ന്‌ ഭരണം കിട്ടുന്നത്‌ അവരുടെ ഗുണം കൊണ്ടല്ല...ശരി,LDF-ന്‌ ഭരണം കിട്ടുന്നതും അതേ കാരണം കൊണ്ട് തന്നെയാണെന്ന് മനസ്സിലാക്കുന്നത്‌ നല്ലതാണ്‌.ഇന്നുവരെയുള്ള തെരഞ്ഞെടുപ്പില്‍ എന്റെ വോട്ടവകാശം വിനിയോഗിച്ചിടത്തോളം ഇടതുഭാഗത്തേക്കായിരുന്നു ചായ്‌വ്‌.പക്ഷേ ഇപ്പോഴത്തെ നേതൃത്വം പാര്ട്ടിക്ക് ഗുണകരമല്ല എന്ന് തന്നെയാണ് എന്റെ അഭിപ്രായം.
രാഷ്ട്രിയമായതിനാല്‍ സോറി.
നോ കമന്‍റ്‌
കേരളത്തിലെ നല്ല ഒരു വിഭാഗത്തിന് ഇടതു പക്ഷത്തോട് ഒരു 'സ്നേഹം' ഉണ്ടെന്നത് ശരി തന്നെ. അതിനു കാരണം രണ്ടു ദശാബ്ദം മുന്‍പുവരെ ഉണ്ടായിരുന്ന ഇടതു പക്ഷത്തിന്റെ നിലപാടുകളും ചിന്തകളും ആണ്. എന്നാല്‍ ഇന്ന്, ആ ഇടതുപക്ഷത്തിന് പണ്ട് ആനയും അമ്പാരിയും ഒക്കെ ഉണ്ടായിരുന്നു എന്ന് പറയുന്ന ചില ദാരിദ്ര്യ കുടുംബത്തിന്റെ സ്ഥിതി പോലെ മാത്രം സമ്പന്നമാണ്.
പരിണാമ സിദ്ധാന്തത്തിലെ പോലെ, ഒരു മാറ്റം, ജീനുകളില്‍ ഉണ്ടായേ തീരൂ.. അല്ലെങ്കില്‍ നശിക്കപ്പെടും!
One of the Positive approach in this matter, all the Media and Web are trying to destroy CPI(M), but i like this Post. Keep it up
ഓ.ടോ: ഫൈസലേ,ബെര്ളിതരത്തില്‍ എഴുതിയ ഗവിത 'ക്ഷ' ബോധിച്ചു..
പക്ഷേ സത എടുത്ത പരിപ്പ് കേരളത്തിൽ വേവാൻ ഇത്തിരി താമസിക്കും, ഫൈസൽ നിരീക്ഷണം നന്നായിട്ടുണ്ട്. അഭിവാദ്യങ്ങൾ, കേരളത്തിലെ ജനങ്ങൾക്കാവശ്യം ഗ്രൂപ്പില്ലാത്ത കമ്മ്യൂണിസ്റ്റ് പാർട്ടിയെ ആണ്. വ്യക്തിതാത്പര്യങ്ങാൾക്കായി പാർട്ടിയെ കഴുവേറ്റുന്ന നേതാക്കളുടെ സമീപനം ശരിയല്ല പ്രവീൺ പറഞ്ഞപോലെ എല്ലാപാർട്ടികളും നന്നാകണം എന്നാണ് ജനങ്ങൾക്ക് തത്പര്യം എന്നു തോന്നുന്നില്ല ഫൈസൽ പറഞ്ഞതാണ് കൂടുതൽ കാമ്യം ( പ്രവീണെ നിരാശപ്പെടുത്താൻ പറഞ്ഞതല്ല)
ഫൈസലിന്റെ പോസ്റ്റ് വായിച്ചു. എന്താണ് ഇടത് പക്ഷം? ഫാരിസ് അബൂബക്കറും മാര്‍ട്ടിനും പിണറായിയും ഇ.പി.ജയരാജനും ഒക്കെയല്ലേ ഇടത് പക്ഷം. ആ ഇടത് പക്ഷത്തെ കേരളം ചവറ്റുകൊട്ടയില്‍ തള്ളുക തന്നെ ചെയ്യും
പ്രിയ ദേവദാസ്‌
ഒന്നോ രണ്ടോ നേതാക്കളെ എടുത്തു , അവരുടെ നടത്തവും , ഇരിപ്പും മറ്റും ഇഴ പിരിച്ചു പരിശോധിച്ച് , ഇതാണ് പാര്‍ട്ടി എന്ന് under estimate ചെയ്യുന്നത് കൊണ്ടാണ് ഇത്തരം നിഗമനത്തില്‍ എത്തുന്നത്‌ .
ഇടതു പക്ഷം , പ്രത്യേകിച്ച് സി പി എം ,കേരത്തില്‍ ശക്തമായ അടിത്തറ ഉള്ള ഒരു ബഹു ജന പാര്‍ട്ടിയാണ് .. ചെറിയൊരു തെരഞ്ഞെടുപ്പ് പരാജയം വരുമ്പോഴേക്കും പാര്‍ട്ടി പാടെ നശിച്ചു എന്നൊക്കെ ചിന്തിക്കുന്നത് വിഡ്ഢിത്തമാണ് .. ഇനി നേതാക്കളുടെ അടുത്ത് വല്ല പോരായ്മകള്‍ ഉണ്ടെങ്കില്‍ തന്നെ അവരെ തിരുത്താനുള്ള ഉള് പാര്‍ട്ടി സംവിധാനം ഉള്ളത് ഇടതു പക്ഷത്തു മാത്രമാണ് ..
വര്‍ഷങ്ങളോളം യൂത്ത് കോണ്ഗ്രസ് തിരഞ്ഞെടുപ്പോ , പുന സംഘടനയോ നടക്കാതിരുന്ന സാഹചര്യം ഒരു വശത്ത് പരിശോധിക്കുക ,കേരളത്തിലെ കോണ്‍ഗ്രസ്‌പ്രവര്‍ത്തകര്‍ അറിയാതെ ഡല്‍ഹിയില്‍ നിന്നും നേരിട്ട് ലോക സഭ സ്ഥാനാര്തികളായും, യൂത്ത് കോണ്ഗ്രസ് പ്രസിഡന്റ്‌ ആയും ,"നിയമിക്കുന്ന" കോണ്ഗ്രസ് പാര്‍ട്ടിയില്‍ നമുക്ക് ഒരു പക്ഷെ പറയാം ഒന്നോ രണ്ടോ നേതാക്കള്‍ ആണ് പാര്‍ട്ടി എന്ന് ..
പക്ഷെ ഫാരിസ് അബൂബക്കറും മാര്‍ട്ടിനും പിണറായിയും ഇ.പി.ജയരാജനും തുടങ്ങി കുറച്ചാളുകള്‍ മാത്രമാണ് സി പി എം എന്നൊക്കെ പറയുന്നത് അല്പം കടന്നു പോയി .. മാത്രംമല്ല കേരളത്തിലെ ഏറ്റവും വലിയ വിദ്യാര്‍ഥി സംഘടന ഏതാണ് ? യുവ സംഘടന ഏതാണ് ? തൊഴിലാളി യുനിയന് ഏതാണ് ? അധ്യാപക സംഘടന ഏതാണ് ? സുഹൃത്തേ ഇത്രയും ബഹു ജന അടിത്തറയുള്ള ഒരു പാര്ട്ടിക്ക് നിക്ഷ്പ്രയാസം തിരിച്ചു വരാവുന്നത്തെ ഉള്ളോ ..
പിന്നെ ചോദിക്കും ഇത്രയും സംവിധാനം ഉണ്ടായിട്ടു എന്താ പിണറായിയെ തൊടാത്തത്‌ എന്ന് ? തെളിയിക്കപ്പെടാത്ത കാര്യത്തില്‍ , കേസ് നടന്നു കൊണ്ടിരിക്കേ , ഒരു govt പദവിയും വഹിക്കാത്ത ഒരാള്‍ക്കെതിരെ പാര്‍ട്ടി പെട്ടെന്ന് കയര്‍ എടുക്കണം എന്ന് പറയുന്നതിലെ യുക്തി എന്താണ് ? വരട്ടെ , പിണറായി കുറ്റക്കാരനെന്നു തെളിഞ്ഞാല്‍ കേരളത്തിലെ പാര്‍ട്ടി സമൂഹം ഒന്നടങ്കം അദ്ദേഹത്തെ പുറം തള്ളാന്‍ മുന്നോട്ടു വരും ...കുറ്റക്കാരനല്ലെന്ന് വരികില്‍ പിന്നെ നടപടി ആവശ്യവും ഇല്ല .
ഇത്തരം നടപടി എടുക്കാനുള്ള ആന്തരികമായ ചോദന പാര്‍ട്ടിയില്‍ ഉണ്ട് .. അതിനുള്ള സംവിധാനവും ഉണ്ട് ..അല്ലാതെ എല്ലാം സോണിയ തീരുമാനിക്കും പോലെ എന്ന് പറയുന്ന പാര്‍ട്ടി അല്ല ഇത് എന്ന് ഏവര്‍ക്കും വ്യക്തം അല്ലെ .. A I C C ആസ്ഥാനത്ത് പോയി ചായ ഉണ്ടാക്കി കൊടുത്തു സീറ്റ് നേടുന്ന കീഴ്‌വഴക്കം ഏതു പാര്‍ട്ടിയില്‍ ആണ് .. എത്ര യുവാക്കളെ കോണ്ഗ്രസ് ഇപ്രാവശ്യം മത്സരിപ്പിച്ചു ?എന്ത് കൊണ്ട് ? തെരഞ്ഞെടുപ്പിന് മുന്‍പ് ചെന്നിത്തല പറഞ്ഞല്ലോ യുവാക്കള്‍ ഉണ്ടാകും എന്ന് ..
സി പി എം ഇപ്പോഴും ഇത്തരം ചില ഗുണകരമായ നടപടികള്‍ എടുക്കാന്‍ പ്രാപ്തരാണ് എന്നത് തന്നെയാണ് ആളുകളെ ഇപ്പോഴും ഇടതു പക്ഷത്തേക്ക് ആകര്‍ഷിക്കുന്നത് .
പിന്നെ പിണറായിക്ക് മുന്‍പും പാര്‍ട്ടി ഉണ്ടായിരുന്നു .. പാര്‍ട്ടിയുടെ പിറവി മുതല്‍ ഇന്നും ചില മൂല്യങ്ങള്‍ക്കും , ലക്ഷ്യങ്ങള്‍ക്കും വേണ്ടി ആണ് നില കൊള്ളുന്നത്‌ .. ബഹു ജനങ്ങള്‍ അതില്‍ അണി നിരക്കുന്നതും ഈ ലക്ഷ്യങ്ങള്‍ക്ക് വേണ്ടിയാണ്. അല്ലാതെ നേതാക്കള്‍ക്ക് വീണ വായിച്ചു കൊടുക്കാനല്ല .. അതിനാല്‍ തന്നെ ആരെങ്കിലും ഒരാള്‍ ഈ പാര്‍ട്ടിയെ ഹൈ ജാക്ക് ചെയ്യും എന്ന് കരുതുന്നത് മൌഢ്യം ആണ് .
പറഞ്ഞു പറഞ്ഞു എന്നോ പാര്‍ട്ടിയും മറ്റും വിട്ട ഞാന്‍ ഒരു ഇടതു പക്ഷ പ്രവര്‍ത്തകന്‍ ആയോ വീണ്ടും :)? , ഒരു പക്ഷെ ഇടതു അനുഭാവം ഉള്ള എല്ലാവരും ഇടതു പക്ഷത്തു അണി നിരന്നു , പാര്‍ട്ടിയെ ശക്തി പ്പെടുത്തേണ്ട ഒരു ചരിത്ര മുഹൂര്‍ത്തം ആയതിനാല്‍ ആവാം ഇങ്ങിനെ തോന്നുന്നത് . എല്ലാ തരം ജീര്‍ണതകളും അതിജീവിച്ചു പാര്‍ട്ടി ശക്തമായി തിരിച്ചുവരും ..തിരിച്ചു വന്നെ പറ്റൂ ..കാലഘട്ടത്തിന്റെ ആവശ്യം ആണത് .. വിധേയത്വം ഒരു അലങ്കാരം ആയി കൊണ്ട് നടക്കുന്ന മന്മോഹാദികള് അരങ്ങു വാഴുന്ന സാഹചര്യത്തില്‍ പ്രത്യേകിച്ചും
my friend,
you are trying to act as a prophet. Brillant people in kerala now understand what is the ideology
of your left leaders. No more want to say. Evereybody will Understand the the secret business behid those bad polities. Even 100 times you say a left following good things, never the Vigilent People of Kerala never accept in their mind.
KG
ഫൈസല്‍ ഭായി,
ഇപ്പോഴും ഉറങ്ങുകയാണോ?. എണ്ണീക്ക് മാഷെ, നേരം വെളുത്തു.
വര്‍ഷത്തില്‍ 365 ദിവസവും ബന്ദും ഹര്‍ത്താലും നടത്തുന്ന മാര്‍കിസ്റ്റ്കാര്‍, മറ്റുള്ളവരുടെ പേരില്‍ കേസുണ്ട് എന്ന് തെളിഞ്ഞശേഷമാണ് അങ്ങനെ ചയ്യാറ്‌. അത് സത്യം.
ഈ പ്രശ്നം, മാര്‍കിസ്റ്റലാത്ത എതെങ്കിലും പാര്‍ട്ടിയുടെ 4-ലാം കൂലി നേതാവായിരുന്നെങ്കില്‍ പോലും, കേരളം നിന്ന് കത്തുമായിരുന്നു. അത് സംഭവികാതെ പോയത്, ആണുങ്ങളില്ലാത്ത കോണ്‍ഗ്രസിന്റെ കഴിവ്.
നിങ്ങള്‍ നടത്തിയ വഴിതടയലും, കല്യാണം തടയലും ഒക്കെ, കോടതി ശിക്ഷിച്ച പ്രതികള്‍ക്കെതിരെയായിരുന്നു എന്ന് സത്യം, ഉറങ്ങുമ്പോള്‍ പറയണെ ഫൈസലെ.
ഇടത്‌പക്ഷത്തെ ബഹുമാനത്തോടെ കണ്ടിരുന്ന ഒരു വ്യക്തിയാണ് ഞാന്‍. പക്ഷെ, അരങ്ങിലെ നടകത്തിനെക്കാള്‍ വലുതാണ്, അന്ദര്‍നാടകങ്ങള്‍ എന്നറിയാന്‍, സ്റ്റഡിക്ലാസുകള്‍ വേണ്ട ഫൈസല്‍.
ചായവങ്ങികൊടുക്കുന്നവര്‍ക്ക് സിറ്റ് കൊടുക്കുന്ന പാര്‍ട്ടിയാണ് കോണ്ഗ്രസ്. പക്ഷെ, ഹുസൈന്‍ രണ്ടത്താണിക്ക്, റിയാസ്, ഇവരോക്കെ കഴൂര്‍, പുന്നപ്ര, സമരഭൂമിയിലെ നായകരായ കാരണംകൊണ്ടാണോ നിങ്ങള്‍ സീറ്റ് കൊടുത്തത്?. മതാടിസ്ഥാനത്തിലല്ലെ ഫൈസലെ നിങ്ങളും സീറ്റ് വിഭവിച്ചത്?
ഒന്നോ രണ്ടൊ നേതാകളല്ല പാര്‍ട്ടി എന്ന് പറയുന്ന നിങ്ങള്‍ പാടിപുകഴുതുന്നത്, ഒന്നോ രണ്ടോ നേതാകളുടെ കാര്യം മത്രമാണല്ലോ സഖാവെ.
നന്നാവും, ഈ പാര്‍ട്ടി നന്നാവും. എനിക്ക് നല്ല പ്രതീഷയുണ്ട്. പാര്‍ട്ടി നന്നാക്കുവാന്‍, ദുബൈയില്‍ നിന്നും ശൈഖും വരുന്നുണ്ട്.
ലാല്‍‌സലാം സഖാക്കളെ.
“ക്ലാസ്സ് വാറില്‍ നിന്നും കാസ്റ്റ് വാറിലേക്ക് പാര്‍ട്ടിയും സഖാക്കളും എന്നു മാറിയോ അന്ന് മുതല്‍ കമ്മ്യൂണിസ്റ്റുപാര്‍ട്ടിയുടെ അസ്തിത്വം ചോദ്യം ചെയ്യപ്പെട്ടു തുടങി.ഇന്നു ഒരു സമ്മേളനമോ മറ്റോ നടക്കുമ്പോല്‍ കാശുകൊടുത്ത് ആളിനെകൊണ്ടുവരേണ്ട ഗതികേടിലേക്ക് പാര്‍ട്ടി മാറിയത് എന്തുകൊണ്ടാണെന്ന്‍ നേതാക്കള്‍ ചിന്തിക്കേണ്ടതാണ്.“ സുഹ്രുത്തേ ശ്രീകുമാരേ, താങ്കള്‍ ചെറുപ്പം മുതല്‍ കമ്മൂണിസ്റ്റ് പാര്‍ട്ടിയില്‍ വിശ്വസിക്കുന്ന ആളാണെന്ന് മനസ്സിലാക്കാന്‍ വേറൊന്നും വേണ്ട. കമ്മൂണിസ്റ്റ് പാര്‍ട്ടിയുടെ സമ്മേളനം അകലെ നിന്നെങ്കിലും കണ്ടിട്ടാണോ അഭിപ്രായം പറയുന്നത്?
ഫൈസല്‍, അഭിവാദ്യങള്‍!
പുതിയ പോസ്റ്റ് തീവ്രവാദപനി അഥവാ ആന്റിഹ്യൂമന്‍ ഫ്ലൂ
ഫൈസല്‍...
എഴുത്തിലെ ആത്മാര്ത്ഥത മനസ്സിലാക്കുന്നു. ഇടതുപക്ഷം ഈ പ്രതിസന്ധി അതിജീവിക്കറ്റ്റ്റെ, കൂടുതല്‍ കരുത്താര്‍ജിക്കട്ടെ എന്നാശംസിക്കുന്നു.
ആ പഴയ മുദ്രാവാക്യത്തില്‍ ഒരു പിശകുണ്ട്..
ഈറനാം കണങ്ങളില്‍ എന്നല്ല
ഈ രണാങ്കണങ്ങ ളില്‍ എന്നാണു ശരി.
ജയന്‍
താങ്ക്സ് ..തിരുത്തിയിട്ടുണ്ട്
ഈ പ്രസ്ഥാനം എന്ന് ഇല്ലാതവുന്നോ അന്ന് കേരളം നന്നാകും ,,കള്ളന്മാര്‍ക്കും ഗുണ്ടകള്‍ക്കും ,, മാഫിയകള്‍ക്കും ,,വളര്‍ന്നു പന്തലിക്കാന്‍ ഒരു സന്കടന എന്തിനാ ,,,പണ്ട് പുലിയ വെടി വെച്ച തോക്കാണ്,,എന്ന് പറഞ്ഞു,,നടക്കുനത്,,പോലേ,,പണ്ട് അത് ചെയ്തിരുന്നു,,എന്നൊന്നും പറഞ്ഞു നടന്നിട്ട് കാരിയമില്ല,,എന്ന് എന്താ അവസ്ഥ..സത്യത്തിന്റ മുഗം വികൃതമാണഉ
did u mean Muslim league?
Faizal, Thought you were an open minded person. But this post sounded like coming from a CPM fan boy.Both parties has its pros and cons. Its no secret that lack of Kerala's economic growth can be attributed to CPM to a large extent. Any fool can distribute money. But we need good politicians to generate it too. Since you already said about the cons of UDF, not attempting to elaborate it.
Post a Comment